عنوان الموضوع : سلطة اولفيا الايراني من مطبخي وبالصور حلويات الاماراتي
مقدم من طرف منتديات الضمير العربي
مرحبااا حبايبي .. شحالكم
امس سويت للعشاا سلطة اولفياا وهي نوع من انواع السلطه الايرانيه
وهي تقريبا شبة وجبة كامله .. لان فيها كل البروتينات
ودوم اسويهاا وناكلها شرات السندويش يعني نحط مقدار في صمون واعصر عليها كم قطرة
ليمون ويمي يمي .. الطعم لايعلى عليه ابداً ..
نحتاج عدد 2 صدر دجاج فليه نفوحه بالماء والبهارات المعروفه مع
اضافه ملعقة صغيره كركم لان مانباا لون الصدر يميل للصفار وايد .. 3
حبات بطاط مفيوح .. 4 حبات بيض مفيوح .. مرتديلا او لانشون المهم الموجود عندكم
خيار مملح .. ملح وفلفل اسود .. مايونيز .. زيت زيتون .. زيتون مقطع
نبلش باسم الله
نقطع الدجاج وننتفه جيدا .. نبشر البطاط .. ونقطع الانشون مربعات صغار وايضا نقطع
الخيار المالح مربعات صغار ونبشر البيض بالطرق الي حاطتهم بالصور
يتبع
>>>>> ردود الأعضـــــــــــــــــــاء على الموضوع <<<<<
==================================
>>>> الرد الأول :
نبشر البطاط ونحط عليه ملح وفلفل اسود ونبتدي نضيف المقادير واحد ورا الثاني
والبيض المبشور نخليه اخر شي نضيفه
كما بالصور
المايونيز
ونبتدي نخلطهم عدل ونشوف الملح اوكي والا لا .. واذا الملح قليل نضيف على
حسب ذوق كل شخص
اخر شي نحط البيض ونخلطه بهدوء ونتاكد ان انخلط عدل
خلصنا نحط بصحن التقديم ونزين الوجه بالمايونيز والزيتون وزيت الزيتون..
ويستوي نزينه بعد بالطماطم والخس المفروم على حسب ذوقكم طبعا
بالعافيه عليكم
__________________________________________________ __________
>>>> الرد الثاني :
تسلم ايدج
الله يعطيج الصحه والعافيه
اول صحن لي
اوكي
__________________________________________________ __________
>>>> الرد الثالث :
ماشاء الله بصراحة أطباقك كلها عجبتني
وحسيتها مميزة وغير عن العادة !
ممكن اجربها لكن بدون البيض >.< خخ
تسسلم الأيادي
__________________________________________________ __________
>>>> الرد الرابع :
يعطيج العافيه
__________________________________________________ __________
>>>> الرد الخامس :
المشاركة الأصلية كتبت بواسطة أم حمــد3
تسلم ايدج
الله يعطيج الصحه والعافيه
اول صحن لي
اوكي
حبيبة قلبي اكيد كله بيكون لج فديتج تامرين انتي
مرورج اسعدني يالغلااا
والاكله الجديده الي بحطها باجر بالاطباق الرئيسيه بيكون لخاطرج يالغلااا
شرفتيني
رد مع اقتباس
