عنوان الموضوع : بصيـــح تعليم الامارات
مقدم من طرف منتديات الضمير العربي
السلام عليكم ورحمة الله وبركاته . . .!!
أدري الموضوع مب هنيه مكانه بس مضطره اطرحه هنيه عسب أحصــل مساعده
لاني محتايه مساعده اليـوم ولو طرحته فـ مجلس الطالبات محد بيعبرني. .
الله يسلمكم انا الكورس الماضي كان عندي انذار وبطلوع الروح رفعت المعدل الكل
يعرف انه المساقات فـ جامعة الامارات تغيرت وصارت صعبه وكله على دفعتنــا 2017
المهم هالكورس كنت حاطه في بالي اسجل مساقات معينه ووقت التسجيــل للأسف ماحصلت
ولا مساق من المساقات اللي اباها وانا مابا انزل المعدل ابا اخذ شي سهـــل بس وين هالسهل
ما أدري كل الشعب فل والارشـاد حق ناس ونــاس ولا مره سرت لهم وساعدوني كل مره نفس
الاعذار . .!!
حتى الانذار مب شالينه عني مع اني رفعت المعدل الكورس الماضي ولما سرت لهم قالت نحن ما
يخصنا وعطتني رقم ريـال ارمسه وعقب ما رمسته شل الانذار بس نقصني فالساعات ما ادري
ليش . . .!!!
المختصـــر انا للحيـن مب مسجله شي والتسجيل شرات ما تعرفون يخلص الساعه 11:59
فـ ابا مساعده من اللي تقدر تشوفلي مساق سهــل وبكون شاكره لهــــا . .
انا كلية علوم انســانيه
تخصص لغويات عامه General Linguistics
معلومه : انا ما اقدر آخذ شي من التخصص ماعدا 3 مسااقات writing1 & مدخل الى علم
اللغه grammer . . . حصلت رايتنج والمدخل .. بس قرامر ماحصلت غير العصر وانا مابا
العصــر . .
>>>>> ردود الأعضـــــــــــــــــــاء على الموضوع <<<<<
==================================
>>>> الرد الأول :
ان شاء الله البنات يفيدونج
__________________________________________________ __________
>>>> الرد الثاني :
السلام عليكم ورحمة الله وبركاته
وكلى امرج لله وحاولى تسجلين لين اخر لحضه وصدقينى ترا الله يفرجها دوم
ياما صارت وياى والله يحلها اخر شي سبحان الله اتوكلى وسيرى الارشاد لقسمكم في الكليه واشكيلج بيرفعون لج سقف انتى رمسيهم وخبرينهم انه عندج انذار وتبين هذه المساقات رتا كلية العلوم الانسانيه تساعدج في حالة وجود الانذار عندج و الله يوفقج ان شاء الله لاتحاتين باذن الرحمن الله بيحلها بس انتى حاولى وان شاء الله خير وووايد تستوى هذه الحركه خاصه لللى يسجلون متاخر ومرحله وبتعدى ان شاء الله .
__________________________________________________ __________
>>>> الرد الثالث :
الله يوفقج أختي
صار لي سنين مخلصة جامعة وما أدري...إن شا الله حد يفيدج
بس بوصيج
ب:كثرة الاستغفار وذكر الله
(ألا بذكر الله تطمئن القلوب)
والسموحة
__________________________________________________ __________
>>>> الرد الرابع :
اختي انا سرت اليوم وماساعدوني في شي ..
قلت لها ارفعيلي سقف قالت البارح رافعيــن وما نقدر نضيف
بنات . . انزين انا شو ذنبي انه تسجيلي متأخــر. .
واصلا الارشاد متى برمسهم انا تسجيلي اليوم واذا خلص وقت التسجيــل
بتقولج ما يخصــنا ..
انا من الصبح على اللاب ولا حصلت شي والبنات فيهن نذاله ما يسحبن الا عقب
ما يخلص التسجيــل . .!!
__________________________________________________ __________
>>>> الرد الخامس :
شكلي ما بحصـل حد يساعدني هنيه
عالعموم مشكوريـن . ..
الرب حافظ
رد مع اقتباس
