عنوان الموضوع : :: دورة فن لف الورق :: الدرس الاول :: عروس الامارات
مقدم من طرف منتديات الضمير العربي



https://forum.uaewomen.net/showthread.php?t=427015

:: الدرس الثاني ::

تذكير بالادوات المطلوبه :

نكاشة اسنان : اقسمي راس النكاشه نصفين
شرائط اوراق ملونه : قصي اي نوع من الورق بالطول على ان يكون عرض الشريط 3 مم او 5 مم او 1 سم
صمغ ابيض
مقص
مسطره
بطاقات او لوحات او علب للتزيين

فن لف الورق فن قديم .. المراجع تختلف في الفتره الي بدا فيها هذا الفن ... تقريبا في القرن 14 او 15 .. تمت اعادة احياء هذا الفن قرابة القرن 18 ..
يعتمد هذا الفن على لف شرائط ورقه بحيث تشكلين دوائر .. و بالضغط على هذه الدوائر تقدرين تسوين اشكال هندسيه مختلفه ... و تستخدمين صمغ ابيض لتجميعها .. في النهايه تقدرين تسوين اعمال فنيه رائعه بمواد بسيطه

اليوم بنتعلم شكلين اساسيين في فن لف الورق ... الدائره المغلقه و الدائره الواسعه الي تشبه الحلزون



خذي نكاشة الاسنان الي قسمتي راسها مع شريط ورق
دخلي طرف شريط الورق في راس الابره



ابتدي لفي شريط الورق باليد اليمين
و باليد الثانيه اتحكمي في شريط الورق
لا تشدين او تضغطين وايد و انتي تلفين



استمري لفي شريط الورق لنهايته



لا تسحبين الابره بسرعه
ثبتي ايدك اليسرى على الورق و اسحبي الابره باليد اليمين شوي شوي



وبعدين حطي نقطة من الصمغ الابيض على طرف الشريط
نستخدم صمغ ابيض لانه يثبت الورق بسرعه
يعطي لمعه لما ينشف
وما يخرب منظر الشغل
هذا الشكل هو الدائره المغلقه



اذا تبين تسوين الدائره الوسيعه
بعد ما تسحبين لفة الورق من الابره لا تحطين صمغ
اتركي لفة الورق على اي سطح
بتلقينها بدت توسع و تصير مثل الحلزون



اتركي اللفه تاخذ الحجم الي تبينه
وبعدين حطي نقطه من الصمغ على طرف الشريط و ثبتيه

هذا درس سابق في فن لف الورق

https://forum.uaewomen.net/showthread.php?t=158058

>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :
كل الاشكال الي بنطبقها تعتمد على الدائره الوسيعه
اليوم بحطلكن شكلين و بنكمل الاشكال الثانيه يوم بيوم



طبقي الدائره الوسيعه
وبعدين بنفذ اول شكل (الدمعه)



خذي وضعية الاصابع مثل ماهو مبين في الصوره
واضغطي من طرف واحد
وبتكونين جهزتي شكل الدمعه

الشكل الثاني الي بنسويه هو (العين)



بتسوين دائره وسيعه
خذي وضعية الاصابع مثل ماهو مبين في الصوره
اضغطي من الطرفين
وبتكونين جهزتي شكل العين

__________________________________________________ __________

>>>> الرد الثاني :
هــــــا وين وصلتو ... تراني بحطلكم اشكال اكثر اليوم

نبدا بشكل الورقه او الدوده (انا اسميها علامة سيجنال 2 ) ههه







مثل ما شفتو حاطه اكثر من صوره للتوضيح

يبدا الشغل بشكل العين (الطريقه فوق)
بعدين نمسك الاطراف الحاده و نوجه اصابعنا باتجاهين متعاكسين (فوق وتحت) او (يمين ويسار) يعتمد كيف انتي ماسكه العين


الشكل الثاني الي بنسويه هو المثلث





تقدرين تبدين بالمثلث عن طريق شكل الدمعه
بعدين خلي صبعج السبابه في اليد اليسرى سيده
و اضغطي الناحيه المدوره من الدمعه باتجاه صبعج بحيث شكل الزاويتين الثانيات للمثلث

بما انه المفروض انكن اتعودتن على لف الورق و سويتن اشكال اساسيه قلت بحطلكن شكل ثالث اليوم

انا اسميه ريل البطه



هذا الشكل بعد اساسه شكل الدمعه
بعدين نثبت الناحيه الحاده في اليد اليسرى
و نضغط بالابهام و السبابه على الناحيه المدوره من الدمعه
وبيكون عندنا ريل بطه

يالله همتكن ابا اشوف التطبيق
المزيد من الاشكال باجر اذا الله راد

__________________________________________________ __________

>>>> الرد الثالث :
بنبدا بشكل القلب



عشان اتسوين القلب بتبدين بشكل الدمعه
ثبتي الطرف الحاد باليد اليسرى
واضغطي بصبعج او ظفرج في نص الطرف المدور
وبيطلع لج شكل قلب



هذا الشكل البيضاوي سهل
بعد ما تسوين الدائره الوسيعه
تضغطين من فوق و تحت وبيصير عندج شكل بيضاوي



شكل المربع
يبدا هذا الشكل بالعين
وعشان اتسوين المربع
بتسوين زاويه حاده في الاطراف الدائريه من العين



بما انه فكرة الاشكال صارت واضحه ... بتقدرون تسوون الاشكال الباقيه
نحن حطينا هنيه الاشكال الاساسيه

__________________________________________________ __________

>>>> الرد الرابع :
هذا آخر شي بحطه لكن في موضوع هذا الاسبوع

كيف ندمج لونين مع بعض





اختاري اي لونين او 3 او 4 على كيفج
حطي على طرف واحد منهن نتفة صمغ ابيض و لصقي اللون الثاني



يا تخلينهم دوائر مغلقه



او دوائر واسعه
بعدين شكليه حق التصميم الي بتسوينه

وبجيه نكون خلصنا شغلنا في الاسبوع الاول

__________________________________________________ __________

>>>> الرد الخامس :
ما شاء الله عليج عناااابه
ربي يوفجج وان شاء الخوااات يستفيدووون