عنوان الموضوع : مساعدة بخصوص تايلند و ماليزيا بسرعة ما عندي وقت يا بنات احتياجات خاصة
مقدم من طرف منتديات الضمير العربي
السلام عليكم بنات رحليتي بعد اسبوع ان شاء الله
انا من محبات الطبيع و الجبال و التسوق طبعا بسافر لمدة اسبوعين
باختصار عطوني شو افضل مكان بتايلند فيه جبال و شلالات و مناظر حلوة
سمعت عن بوكيت هل تستاهل و سمعت عن شنغماي مثلا
منو تقدر تعطيني رقم مكتب لرحلات داخلية و تكون اسعاره رخيصة او كيف ارتب الرحلة لوحدي ارخص لي و عن ماليزيا بعد بغيت المناطق اللي حلوة و تستاهل ساعدوني بسرعة يزاكن الله خير
هذه اول مرة بسافر و مو بعارفة شي ؟؟
>>>>> ردود الأعضـــــــــــــــــــاء على الموضوع <<<<<
==================================
>>>> الرد الأول :
ان شاءالله البنات يفيدوونج ..
انا رحت لمده اسبووع ( علاج ) وما اقدر افيدج بشي ....
يالله بنات ساعدووا اختنا عشان نستفيد ....
__________________________________________________ __________
>>>> الرد الثاني :
up
up
__________________________________________________ __________
>>>> الرد الثالث :
ماليزيا لاتطوفين جزيرة لانجاوي تسيرين لها بالطياره من المطار الدولي نفسه بس تاخذين القطار الداخلي بيوديج المطار الداخلي عشان تسيرين لها لان بالبحر مب شي
ويوم بتسكنين سيري منتجع شيراتون(غير عن فندق شيراتون )صدق خبال ...3 ايام كافيه تلفينها وتستانسين فيها المنتجع عباره عن اكواخ راقيه
التنقل بينها او الي ومن الريسبشن بسيارات مثل سيارات الجولف تحاوط طول الوقت من تطلعين من الكوخ تاشرين له ويوقف يوصلج لين الريسبشن واللا المطعم او المنتجع الصحي او ممكن تتصلين بالريسبشن ايطرشلج اياه
تايلند شانغماي روعه خصوصا بالليل والسوق الليلي (ما احيد اسم الفندق كان 4 نجوم وعلى طول السوق بالليل تحته) سيري رحله لمصنع الحرير روعه بتشوفين دودة القز وكيف ياخذون منها خيوط الحرير وعندج بعد المعبد اللي فوق الجبل مكانه حلو
بس انتبهي تا تايلند وايد وسخه يعني كثر ما تقدرين انتبهي للنظافه
انشالله بدور لج رقم مطعم يمني نظيف وايد في بانكوك وهو مسلم بطرش لج اياه ع الخاص وبيعجبج واذا حصلت عنوان المطعم العربي في بتايا بعد بطرش لج اياه ع الخاص وبعد محل النعول الرجاليه التقليد
__________________________________________________ __________
>>>> الرد الرابع :
الغالية اذا تبين الطبيعة في البلدين موجودة بس بصراحة اسبوعين ما بيكفون للبلدين لان فيهم مناطق وايد و نصيحة اذا معاج يهال التنقل الزيادة بيتعبهم و هذا مخطط شوفي اذا يناسبج :-
4 ايام كوالالمبور في منطقة جنتنق جبلية و باردة و فيها سحاب واايد روووعة و فيها مدينة ترفيهية حق الكبار و الصغار و فيها تلفريك لا تفوتينه تراه واااايد رووووعة التجربة تبعد عن كوالالمبور ساعة و نص تروحون لها من الصبح لين المغرب ترجعون و فيه بكوالالمبور حديقة الفراشات و حديقة الطيور و الزهور و البرجين التوام و الاكواريوم و مركز التايم سكوير العاب و محلات و مطاعم و عندج مبنى الاتصالات المنارة و مراكز تجارية واايد و متنوعة انصحج بفندق التايم سكوير او الماريوت او دورسيت
3 ايام لانكاوي لا تفوتين رحلة المنجروف رحلة بحرية تروحون لكهف الخفافيش و منطقة النسور و اشجار المنجروف (القرم) و فيها بعد تلفريك حلو و ميدان النسر انصحج بفندق هوليدي فيلا روووعة
3 ايام شنغماي بتايلاند فيها طبيعة روووعة و شلالات حلوووة فيها جبل الغيوووم و فيها مكان لركوب الفيلة عبر النهر و الجبل تجربة رووووووعة انصحج بفندق رويال برنسيس بوسط السوق
4 ايام بانكوك فيها حديقة حيوانات سفاري وورد حديقة ملاهي دريم وورد الاكواريوم نفق الاسماك بمركز سيام براغون حديقة التماسيح كروكودايل فارم و التسوق فيها رووووووعة مركز الامبيكي مركز ثوورلد مركز روبنسون مركز البوبي تاور مركز الباتونام الحي الصيني انصحج بفندق اماري بوليفارد بوسط السوق او بيل اير برينسيس
و اي استفسار انا حاضرة و نتريا تقريرج عن الرحلة بعد ما ترجعين بالسلامة
__________________________________________________ __________
>>>> الرد الخامس :
المشاركة الأصلية كتبت بواسطة حوريةUAE
ان شاءالله البنات يفيدوونج ..
انا رحت لمده اسبووع ( علاج ) وما اقدر افيدج بشي ....
يالله بنات ساعدووا اختنا عشان نستفيد ....
up
up
الغالية اذا تبين الطبيعة في البلدين موجودة بس بصراحة اسبوعين ما بيكفون للبلدين لان فيهم مناطق وايد و نصيحة اذا معاج يهال التنقل الزيادة بيتعبهم و هذا مخطط شوفي اذا يناسبج :-
4 ايام كوالالمبور في منطقة جنتنق جبلية و باردة و فيها سحاب واايد روووعة و فيها مدينة ترفيهية حق الكبار و الصغار و فيها تلفريك لا تفوتينه تراه واااايد رووووعة التجربة تبعد عن كوالالمبور ساعة و نص تروحون لها من الصبح لين المغرب ترجعون و فيه بكوالالمبور حديقة الفراشات و حديقة الطيور و الزهور و البرجين التوام و الاكواريوم و مركز التايم سكوير العاب و محلات و مطاعم و عندج مبنى الاتصالات المنارة و مراكز تجارية واايد و متنوعة انصحج بفندق التايم سكوير او الماريوت او دورسيت
3 ايام لانكاوي لا تفوتين رحلة المنجروف رحلة بحرية تروحون لكهف الخفافيش و منطقة النسور و اشجار المنجروف (القرم) و فيها بعد تلفريك حلو و ميدان النسر انصحج بفندق هوليدي فيلا روووعة
3 ايام شنغماي بتايلاند فيها طبيعة روووعة و شلالات حلوووة فيها جبل الغيوووم و فيها مكان لركوب الفيلة عبر النهر و الجبل تجربة رووووووعة انصحج بفندق رويال برنسيس بوسط السوق
4 ايام بانكوك فيها حديقة حيوانات سفاري وورد حديقة ملاهي دريم وورد الاكواريوم نفق الاسماك بمركز سيام براغون حديقة التماسيح كروكودايل فارم و التسوق فيها رووووووعة مركز الامبيكي مركز ثوورلد مركز روبنسون مركز البوبي تاور مركز الباتونام الحي الصيني انصحج بفندق اماري بوليفارد بوسط السوق او بيل اير برينسيس
و اي استفسار انا حاضرة و نتريا تقريرج عن الرحلة بعد ما ترجعين بالسلامة
ما تقصرن فديتكن و اتمنى لو تحطون لي اسعار الفنادق
اللي مجربات و اسعار الرحلات الداخلية و مشكورات
و التقرير اكيد اول ما برجع بالسلامة بتشوفونه و حصري لبنات الامارات
رد مع اقتباس
