عنوان الموضوع : أبى معلومات عن جزيرة اللولو ؟؟؟؟ للساحة الامارات
مقدم من طرف منتديات الضمير العربي
السلام عليكم ورحمة الله......
شحالكن بنات..؟
الله يسلمكن حابة اسير جزيرة اللولو فاخر الاسبوع، والمشكلة ماعندي معلومات كافية عن الجزيرة.
المعلومات اللي قريتها معلومات جديمة.
سؤالي هو ويا منو اقدر اتواصل ؟
هل مكان شراء التذاكر فنفس المكان ولا غيروه؟
هل سعر التذاكر نفس الشي؟
باختصار شو اليديد فالجزيرة؟
>>>>> ردود الأعضـــــــــــــــــــاء على الموضوع <<<<<
==================================
>>>> الرد الأول :
اتريا ردودكم
__________________________________________________ __________
>>>> الرد الثاني :
انا سرت من سنتين مادري غيرو ولا نفس الشي
الجزيرة تروحين لها عن طريق بوابة في الكاسر قبل لفة الكاسر (بتدلين البوابة لان ماشي غيرها )تاخذين التذاكر من هناك بس لازم تسيرون الصبح لاني اتذكر اخر باص يدخل الجزيرة علمغرب..اذا حابين تقضون اليوم كله علبحر
المهم بتركبين قارب و هالقارب بيوديج الجزيرة ... عقب بتركبين باص و الباص بيمشيج و بينزلج عند المكان الي تبينه قدام البحر
كل الخضارو الشجر وسوالف العاب اليهال الي في دعايات صور جزيرة اللولو هذا مو موجود يمكن جزء بسيط للدعاية بس لكن في الواقع غير... الجزيرة رملية علبحر و ما فيها مطاعم يعني جيبو اكلكم معاكم و الفحم و عدة الشواء و كل هالامور ..
و شي ثاني لازم ينذكربعد الجزيرة وايد كبيرة يعني اذا تبون تسيرون مكان فيها لازم باص (سيارتكم بتخلونها عند مدخل البوابة الي علكاسر يعني ما تقدرون تدخلونها معاكم)
عقب ما خلصنا و شوينا و سوالف و ووناسة و اليهال يلعبون (شي حمامات بس بسيطه مع شاورز لا تتخيلون شي واو يعني).. كل واحد ياخذله شاور و تردون تتريون الباص الي يمر بشكل دوري تقريبا كل ساعه بتشوفونه .. (بس يكون احسن انه تخبرون الباص على موعد ردتكم)
من الضروري تعرفون بعد انه ماشي لايف قارد يعني انتبهو لعيالكم محد مسوول ترا البحر مفتوح و كل واحد مسؤول نفسه فتحملو على عيالكم و على عماركم
الجزيرة حلوة مال 3 لة 4 ساعات شوي و سباحه و تلعبون بالرمل ماشي انشطة
بس الشي الايجابي انه فااااااااضية و حررية و خصوصية يعني حتى لو في عايلة ثانية كل مظله بعيييده عن الثانية ماحد بيشوف حد
فالحريم يقدرون ياخذون راحتهن و الجو عائلي جدا و حلو ووناسه الام تسبح مع الاب و عيالها و تلعب معهم علرمل و هالشي الي ما نقدر نسويه في الاماكن المختلطه بالناس
في الختام حلو يومنا الي قضيناه ملي بالحركة والخصوصية و عائلي ... و عني شخصيا عجبني بس ما كررته لانه شوي متعب و مافي حمامات عدله ومطاعم عساس يسهلون علواحد يختصر الاشياء الي يجيبها..
وووو كلمه اخيره انا سرتها من سنتين يممممكن و الله اعلم غيرو فيها مادري سيروو و خبرونا عسب نتشجع نروح مرة ثانية
__________________________________________________ __________
>>>> الرد الثالث :
__________________________________________________ __________
>>>> الرد الرابع :
حسب معلوماتي جزيرة اللولو مغلوقة من مدة طويلة حتى في لافتة مكتوب عليها هالشيء
__________________________________________________ __________
>>>> الرد الخامس :
اتذكر خذينها في المدرسه اتصور! ياجغرافيا يااجتماعيات او تربية وطنية هههههههههههه اسمها مب غريب
رد مع اقتباس
