عنوان الموضوع : ماميز منو جربت هاللعبه حق عيالها؟؟ في الامارات
مقدم من طرف منتديات الضمير العربي

السلام عليكم و رحمة الله و بركاته

شحالكم ماميز؟؟




بغيت اتخبركم

منو جربت هاللعبه حق عيالها؟؟؟




هي عباره عن نقازيه و كل ما ينقز الياهل تشتغل الاصوات و الليتات

و الكرسي يدور 360 درجه عشان الياهل يلعب بالالعاب اللي حوالين الكرسي.


ها فيديو يشرح اللعبه
https://www.youtube.com/watch?v=lN-7_XaT99c


اللي جربتها شو رايها فيها؟؟

و هل تقوي ريول الياهل مثل ما سمعت؟؟


على فكره اللي تبا تاخذها بتحصلها في بيبي شوب ارخص ب 100 درهم عن مذركير!!!



اتريا خبراتكم
(^_^)

>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :
يزاج الله خير ع المعلوومه ^^

بس ماعندي فكره بس الياهل تبارك الرحمن شكله مستانس ^^ هههه

__________________________________________________ __________

>>>> الرد الثاني :
حلوه بجربها "ان شاء الله

__________________________________________________ __________

>>>> الرد الثالث :
مشكورين خواتي على المرور

ههههه بس انا ابا راي حد فيها

ان شاء الله حد يرد عليه

__________________________________________________ __________

>>>> الرد الرابع :
مادري بس ينقز وهو واقف يعني ما يتحرك ما تقدرين تخلينه وايد بيتعب احس

__________________________________________________ __________

>>>> الرد الخامس :
هلا فديتج ..

أنا عندي واحد مثله من 3 سنين وشريته أول مانزل في مذركير ..
والصراحة روعة .. والياهل يتم يلعب لين مايرقد .. ويقوي الريول تقريبا ..
وتقدرين تتحكمين بالطول لثلاث مستويات ..