عنوان الموضوع : ريلي ذلني وراسي عورني منه تعبت ودي اروح عند اهلي خلاص ما ابغيه عفته رعاية الاطفال
مقدم من طرف منتديات الضمير العربي

السلام عليكم خواتي مشكلتي بسطيه جدا ريلي دايما قبل لا نرقد دايما يلعوزني يلس اقرصني او يرفسني يعني يمزح وانا بعد ساعات امزح معاه وساعات اجاهله لين ما يمل ويرقد بس هذي المره مصخها وجان اضربه في ظهره لانه ضربني في مكان حساس وعقب صد الصوب الثاني وتم يدلع لين ما عق عمره من الشبريه وعقب سار ورقد عنده بنته ورضيته وما راضا وعقب جان اروح الميلس وجان اسير عنده علشان ارضيهوتميته ابوسه وسويتله مساج الي يحبه وايدي عورتني وهو ميبس عمره واخرشي شي قلتله تعبته انا سويت الي عليه ورجعت الحجره علشان ارقد وعقب شوي يايه وياب بنته فوق وهو راقد تحت ودايما انا اكلمه وهو لبسني جني بشكاره عنده والله العظيم مضايقه بموت من القهر يدخل البيت ويطلع وكأني انا والأثاث واحد والله دايما اراضيه حتى لو هو الغلطان بس الصراحه تعبت طفح الكيل لين مته بذل عمري خلصشو اسوي الحين مليت راقدي متقطع من دونه واحس روحي بتطلع مني والسبب الضيق الي فيني شواسوي انحوني الله يخليكم والله تعبانه ما ارقد مثل الناس واسمحلي علي الاطله




والبارحه طلع سار عند اهله وخلني انا وعيالي في البيت بروحنا للعلم بنتي مريضه والساعه 11ونص اتصالته مارد واخر شي اتصالت حق اخوه وقالتله عطني اخوك ليش ما يرد المهم ياه وسرت وياه المستشفي وودت البنت المستشفي وعطناه دواء حقها وردينا البيت انا رحت واسبحت ولبست مال النوم ورقدت وهو يلس اشوف التلفزون وانا رقده وعقب أي شوي قمت وبندت شاشت الكمبوتر وردت ورقد وجان يسحبني عنده وخظني وانا كأني ما حسيت بشي وعقب انتوا اتعرفون الباقي بصراحه انقهرت وااايد يوم اكلمه ما يكلمني ويوم يبغي شي اسوي وعقب ارد ما يكلمني سخفه بس انا صابره علشان اعيالي وقلبي كبير وافوت دايما واليوم يكلمني وكانه ما استوه شي والله مضايقه ليش الرييل جذي يوم يبغون برمسنا ويوم ما يبغون ما يكلمنا الله المستعان انا مالي غير الله اشتكله حتى اهلي عمري ما خبرتهم باي مشلكه بيني وبينه الله كريم

>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :
انتي بعد طنشيه ولاترمسينه وخليه يحس بقيمتج واذا كان يباج اثقلي عليه وحسسيه انه زعلج

__________________________________________________ __________

>>>> الرد الثاني :
... الموضوع مايستاااهل زعل ... وإنتي إثقلي وكبري عقلج ...

نصيحتي :

خلي الأمووور عااادية ولا كأنه صاااير شيء ،، إنسي الموضوع ... عسب مايتعود ع الزعل وإطول المده بينكم ." والله لا ييب الزعل "

__________________________________________________ __________

>>>> الرد الثالث :
اصلا هالسالفة كم صارلها؟

__________________________________________________ __________

>>>> الرد الرابع :
حاولي تسالينه لين متى بيتم الزعل
ويوم بيرد احضنيه يمكن هالشيء يخليه يلين

الله يهديه

__________________________________________________ __________

>>>> الرد الخامس :
الله يوفقج و يسهل امورج
الغلا شخصيا احس الامور هاي من خصوصيات الخاصه جدا في حياة كل اثنين ..ماتنقال لحد

هالامور لازم تحلينها روحج ..لانج تعرفين شخصيته و اخلاقه كيف
يمكن نعطيج حلول او نقولج سوي جي و لا تسوي هالشي .. لكن ماراح يفيدج لان ولا حد مننا ملم بتفاصيل حياتج

والسموحه