عنوان الموضوع : ريلي ... واسلوبه
مقدم من طرف منتديات الضمير العربي

اشحالكم بنوتات ان شاء الله بخير ...



بنات انا ببدا بسالفة لاني وايد مضايجه



اليوم اتصلت وحدة من اه ريلي

تعزمني على ملجتها على ولد اخت ريلي \

بس اخت ريلي بالاب


وتاسفت للبنت قلتلها غناتي مبرووك تستاهلين بس انا ما اقدر احضر لانه خطبة اخووي باجر


انزين اتصلت في ريلي قلت اتصلت فيني فلانه قال هيه اعرف باجر ملجتهم قلت كيف تعرف قال اختي خبرتني

قلتله انا مابسير

قال هيه انتي عروس اهلي ماتروحين .... قلتله في حد من اهلك عرس وانا ماسرت رد علي

وقللتله بعدبن خطب اخوووي انا ما قدر واونه اخته اتصلت قالت اعزم عمتك وحرمتك انا ماعرف رقم البيت... يعني احين بالذمة ماترووم تاخذ رقم امي من رلي وتتصل في امي وتعزمها


وهاي اخته اصلا مال طبوووب ... خواته اللي بالاب مايحبوونهم بس يوم ريلي قام يشتغل قبل لايتزوج قاموا يتصلوون وماعرف شو وانا ابد ما رتاحلهم


وجان يقوولون منو قال خطبة اخووج انا ماعرف ومادري

تم ينكر مع انه هو اول واحد يعرف ويدري نحن سايرين باجر

قلتله انا مابسير بكوون يايه من الجامعة تعبانه درب 3 ساعات في الباص وبدال لاتقولي حبيبتي ارتاحي ...

تقولي هالرمسه

وانا ما اباه هو يسير هناك تدروون ليش للنه ع اخر الحفله هم الشباب عادي يدخلوون عندهم

وان ماقلتهله لاتسير ولا شي لانه ادري بعاند بس ماسويت شي سكرت بويهه

واتصلت حق امي كانت مضايجة قالت رريلج مايعرف يحترم الناس وماعرف شو


تخيلووا هو بروحه يقوول خواتي اللي بالاب مال طبوووب وماعرف شو عقب يقوول انا ماقلت ؟؟؟

ولما هو خطبني تخيلو اختة اتصلت قالت انت ماحصلت الا ىتخطب هاي

مع انه مافيني شي الحمد الله

وايد يوم اسير عروسهم يتمون يطالعوني بنظرات وانا وااااااااااااااااااااااااااايد اضايج

ماعرف شو اسوي

خبروني شو اسوي

والله اني مضايجة حيييييييييييييييييييييييييييييييييييييييييييييل


واضايج يووم هو يروح بيتهم

لانه هم يقصوون عليه وماعرف شو يوم اقوووله يعصب وماردي


وريلي قلبه وااااااااااااااااايد طيب وع نياته يعني ينقص عليه

>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :
الله يعينج حبيبتي ...

__________________________________________________ __________

>>>> الرد الثاني :
امممم مافهمت شي بس الله يعينج

__________________________________________________ __________

>>>> الرد الثالث :
والله ماعرف شو اقولج غير الله يعينج ويهدي ريلج

__________________________________________________ __________

>>>> الرد الرابع :
مادري شقولج
انتي متضايقه ويحق لج اتضايقين لان اللي مايحط لج قدر مو كفو اتوجبينه
انا اقول روحي خطبه اخوج
واذا عندج طريقه اتخلين ريلج ما يدش على الحريم سويها حتى لو تقوليله بيومها بروح السوق
افتري فيه لين يفتر راسه علشان يكسل ولا يروح لهم

وبعدين شالعزيمه حزت الحزه انا خابره اللي يبي يعزم يعطي خبر على الاقل على الاقل قبل المناسبه باسبوع

__________________________________________________ __________

>>>> الرد الخامس :
لا تحرقين اعصابج

وروحي ملجة اخوج

وربي يوفقج

ولا تخلين شي يخرب حياتج مع ريلج