عنوان الموضوع : بنات ربيعتي متقدم لها واحد زارع كلى ساعدونا بخبراتكم عالم الامومة
مقدم من طرف منتديات الضمير العربي

بنات ربيعتيه متقدم لها واحد زارع كلى وايد تحاتي ماتعرف شو يعني زارع كلى ولا انا اعرف بصراحة
ويعني ماعمري صادفت حد جي ولا هي بعد ييعني ماتعرف توافق ولالا وهلها بعد محتارين وهل ياثر ع الزواج وع الانجاب
وهل زارع الكلى نفسيته مستقره ولا يحس بالام ويتعب ويطيح ويغمى عليه يعني يباله حد يداريه ولا انسان طبيعي يكون بعد الزارعه وجي ومنو تعرف وحدة متزوجة ع واحد زارع كلى وكيف عايشه ع فكرة البنت صغيرة والعمر جدامها في بداية العشرينات يعني خبرونا كل شي عن الموضوع والتجارب وخبراتكم
بليز لا تبخلون عليها خبرونا كل كل كل شي وهل هالكلا اتي فترا وتوقف لان هم تعبو وايد لين ماتبروعوله يمكن 5 سنين بس يدورون متبرع اخر شي امه تبرعت له والله ماعرف ساعدوها

>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :
الله يشفيه ويعافيه ياااارب
والله ما اعرف شو اقولج اختي , خلها تستخير
شو ذنبه اذا هو ابتلى بالكلى ؟ يعني ما يتزوج ابد ؟
اذا ما تزوجها بيتزوج غيرها
ولو هي تزوجته بتاخذ اجر كبير والله بيعوضها خير

__________________________________________________ __________

>>>> الرد الثاني :
لا لا ما يأثر بالانجاب ولا شياته ..زارع الكلى حاله حالنا انسان طبيعي ...شرات ما الانسان يزجم او يمرض بييه يوم وبيصح ..وهالريال مرض والحمد الله الله شافاه ..

بس اقولها خلها تستخير احسن

__________________________________________________ __________

>>>> الرد الثالث :
ماعرف الصراحه الله يعينج يالغلا

__________________________________________________ __________

>>>> الرد الرابع :
لا حول ولا قوة إلا بالله

أنا ما اشوف هذا السبب مقنــع عسب ينرفـض الريال

أهم شي دينـه وخلقـه

هو ماله ذنب اذا ابتلى بهذا المرض ,, بالعكس سبحان الله يمكن هذي نعمـة من رب العالمين

هي تستخير وتتوكـل

راي شخصي

ربي يتمم لها على خير ^_^

__________________________________________________ __________

>>>> الرد الخامس :
وانا مكانها ماراااح اشووف ع انه مسوي عمليه كلى
لان اي انسان يمكن يتعرض مثل ماهو صابه حتى احنا اللي صحتنا زينه ولله الحمد

خليتها تشوف اخلاقهـ ودينه وقربه من ربه هاي الاهم فديتج
والله يرزقهاااا ياارب