عنوان الموضوع : أنا وزوجي أفكار متباعده رعاية الاطفال
مقدم من طرف منتديات الضمير العربي

مرحبا سيدات
والله مب عارفه شو إسوي ومحتاجه مساعدة أو مشورة منكم
أنا حامل في الشهور الأخيرة وتعبانه دائما خاصة ان عندي عيال بعد
وزوجي متفهم ساعات لكنه هالايام تعبان من البيت الجديد اللي يعدل فيه
والمشكله ان ذوقي أبدا ما يعجبه ويستهزا علي و ساكته عنه في اللي مشغول فيه من تعديل
لكن من أيام سألته عن موضوع المدرسه إذا بدخل ولدي حضانه خاصه قام غصب علي وقال انتي في شيء وأنا في شيء وأنتي ما تحسين باني تعبان من طلبات البيت وكلام وأيد وأنا حسيت بالغلطه لكن هو لين الحين يقول انتي أبد ماتحسين فيني
الحين أنا بروحي تعبانه يعني محتاجه حد يشور علي شو الحل

>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :
انتي تعبانه وهو تعبان والتعاون بينكم اكيد بيريحكم حاولي تطلبين منه الي تبينه وقت يكون ريلاكس ومرتاح

__________________________________________________ __________

>>>> الرد الثاني :
الله يعينج يالغلا


بس انتي حاولي تخفين عليه شوي

ورب البيت ان تعديلا البيوت والبنا مب شي هين ومتعب فوووق ما انتي تتصورين يالغلا

وانتي معذوره لانج حامل بس حاولي قد ما تقدرين ما تطلبينه لما يكون معصب

وخلي هم البيت عليه انتي لا تعورين راسج ولا شي اصلا التفكيره بروحه يتعب نفسيه الشخص

انتي اهتمي بنفسج وبصحتج وبعيالج

وحاولي تهتمين بزوجح بعد

خلاص يمكناهو نفسيته صدق تعبانه من البيت انتي خلي البيت عليه ولا تتشرطين عليه وايد
واهي ان شاء الله بيحس فيج وبيحن قلبه عليج

بس صدق والله ما ينلامون الريااييل والله حياتهم اكثرها تعب وكرف ضغوووووووووط


الله يعين يالغلا

وربي يوفقج ان شاء الله

__________________________________________________ __________

>>>> الرد الثالث :
أمر طبيعي حبيبتي زوجك عندة مسؤليات وأنت حامل حاولي هذة الفترة تهتمي بنفسك وحملك وما بقول وبزوجك

بس على الأقل بلاش طلابات بهذة الفترة مهما كانت مهمة بنسبة لأبنك أجلي الموضوع حتى تقومي باسلامة

وحتى تجهيزات الولادة حاولي لا تدخلية فيها وتخلي أحد من أهلك يساعدك حتى تمور هذة الفترة وتنجبي وتكوني

بنفسية أريح وتساعدية وتخففي عنة والصراحة الحرمة عندها قدرة على التحمل أكثر من الرجال -----

فترة وبتمر والله يهون عليكم المسئوليات ---

__________________________________________________ __________

>>>> الرد الرابع :

ربي يوفقج أختي ولي عودة ان شاء الله










في حديث سهل بن سعد مرفوعاً إلى النبي صلى الله عليه وسلم:

ثنتان ما تردان :

( الدعاء عند النداء وتحت المطر )

رواه أبو داود وصححه الألباني في صحيح الجامع (3078 ).

__________________________________________________ __________

>>>> الرد الخامس :
الله يسهل عليج"ريلج من مضغوط لا تزعلين منه وربي يوفقج