عنوان الموضوع : موظفه متزوجه وموظف زميل وجريء رعاية الاطفال
مقدم من طرف منتديات الضمير العربي

بسم الله الرحمن الرحيم هذي اخت غاليه علي وهذي مشكلتها شاركوني كيف اساعدها

صديقتي متزوجه صار لها فتره وعندها عيال وكانت موظفه وردت تشتغل مشاكلها مع زوجها دايمه مثل كل بيت بس زوجها شوي متعب عصبي وايد ومتقلب واكثر من مره يستقيل من وظيفه لوظيفه وربيعتي بنت ناس اهلها معروفين وناجحين وهو شكله يغار ومتعقد المشكله انه مخلص ماجستير ويشتغل بس وايد شايف نفسه انه يستاهل احسن وانه مستقصدينه ودوم متمشكل معاها او مع امه تخيلو واخوانه حتى في رمضان ما يتسامح معاهم المهم صديقتي قررت تشتغل عشان ريلها غير مستقر ف عمل الله وفقها عشان اهلها توسطو لها وحصلت وظيفه زينه ماشاء الله لانها شاطره ومتخرجه تخصص زين بعد المهم البينت شاده حيلها في الشغل وكل البنات والشباب ع بالهم انها صغيره لان شكلها حلوه ولا تبين ام عيال المهم بدت نظرات الي حواليها من الموظفين بزياده لدرجه يهال هي في بالها تقول هذيل وايد صغار ليش يتصرفون جيه وانا ام عيال بس عادي هي في حالها لين واحد في العمل وايد يهتم بها يطالعها دايما بنظرات لها بالذات معرف كيف اوصف لكم المهم كانت طالعه من الحمام وهو يبا حمام الرجال تصادفو غمز لها بعينه الحرمه اتيبست مكانها وتمت تطالع حواليها ومشت عنه بسرعه المهم سكتت عشان ما تبا تسوي لعمرها سالفه او كلام وهي توها من كمن شهر المهم هذا الريال وايد جميل ع قولتها وكل البنات يعطنه ويه وهو ما يعطيهن ويه وثقيل وشايف نفسه لاكثر درجه المهم الحين كل مره يلقاها او في طريقه يعطيها نظرات مخصوصه او يسوي عمره عادي ع فكره هو متزوج بعد ومن امارةه ثانيه ومهتم فيها وايد وهي صارت تخاف منه وايد وترتبك اذا شافته لان مرات يشوفها مع البنات وايي بالخصوص عشان يمر ويعطيها نظره لها بالذات وتكون طويله وهي تقول شو يبا في ظنج وشو قصده وليش جيه يسوي انا ما عرفت له ومره كانت تتكلم في التلفون ما لقت مكان فاضي الا مكان الموظفه الي جنبها مديرها غايب وهي غايبه وهي كانت مشغوله في مشكله مع زوجها وتكلمني يا موظف يسال عن السكرتيره الغايبه قالت له غايبه دقايق لقت الموظف هذا راعي النظرات يخطف عدال المكتب ويسوي عمره جنه مطيح عشان عشان يشوفها بطريقه تفلخ ع قولتها وتقول مستحيل يشوفني لو مر عادي لكن هو اكيد عرف اني موجوده ويا يسوي لي جيه
يا بنات انا ما فهمت ولا عرفت شو قصده شو تقولن وكيف تنصحنها وشو تسوي لان بدا ياثر فيها ويشغلها وهو ع ما وصفته لي يشبه شخص مشهور وجميل وعارف عمره انه مزيون بس شو يبا منها ما تعرف ؟؟؟؟
شوفن خواتي انا اذا بسال لان والله العظيم مالي خبره في ها الامور من النوع الي قاعد ويا عياله وهي نفس النوع فمرات اسئله غيري يشوفها تافهه بس بيئتها بس اهلها الي حواليها وعايلتها يعني لا مولات لا حفلات ولاشي
يعني شو نيته شينه اختي نفحة امل شو ناوي يعني ؟؟؟وشو يعني بعض البنات يغارن لان فعلا هي دوم تقعد مع بنت في قسمها هاي البنت تحاول دايما ما تراويها الي هي حاسه فيه ان يطالعها او شي بالعكس تتجاهله فربيعتي مب في بالها اصلن بس تبا حد ياكد لها الي هي حاسه فيه هل فعلا ولا هي ظالمه الريال ويمكن لانها يديده في اهتمام بها وجه جديد ع قولتهم
بس انها تكلمه ابدا ما تقدر تخاف يقول هاي تتحرش او تبا تسولف وهي وايد تخاف على سمعتها وبعدين بيقولون شو سوا لج بتقول غمز مره ولا حد شافه ويتم يطالعني وايد وبعد محد شافه هو شوي حريص يتنقى الاوقات الي هي تكون محد وياها واذا ربيعتها الي تكون دوم معاها هي تحاول ما تصافيها عشان ما تعطي الموضوع اهميه
بس شو قصده من حركة غمزة العين الخفيفه قرب الحمام ؟؟؟ع فكره ها المكان ما فيه كاميرات عشان جيه يمكن تجرا وسوا ها الحركه
ومره تقول كان ماره وكان يتكلم بصوت عالي قرب المكاتب فجاه سكت كانه يوم شافها سكت وضعه مريب شوي
عادي هي قايله من اول ما يت للبنات انها ام عيال ومتزوجه بس ما بتقعد تفصل حد كل حد وهي الرجال حتى ما تسلم عليهم الا بينهم عمل بس ما تدري يعرف او لا بس اضن يعرف وهو ما بينه وبينه اي عمل مشترك بتاتا في الوقت الحالي وجيه يسوي
وين تستقيل يالله يالله توظفت واحين هي في الثلاثين اي وظيفه بتلقى هذي بالواسطه بس الي وقف وياها انها شاطره وحلوه فما يتوقعون عمرها بعدين هي وايد تضايق من كثر ما يبون يعرفون عمرها شو تجاوب البنات في الدوام

>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :
الكتاب امبين من عنوانه ، ريال و يطالع بنظرات أكيد يبا يرمسها يأخذ و يعطي وياها

حتى لو معرس شباب هالزمن لو عنده عيال عادي يبصبص و يخون

خليها تبتعد عن الأماكن اللي تكون بروحها و تحاول ماترفع عينها إذا مر من عدال مكتبها

الشيطان للحين ما مات والله يهدينا و يهديه و يستر ع بنات المسلمين

__________________________________________________ __________

>>>> الرد الثاني :
السلام عليكم ورحمة الله وبركاته ،،،

من قرائتي للمشكلة يتبادر للذهن 3 أسئلة:
1. ما القصد من وراء نظرات هذا الموظف؟
2. ماذا تفعل بهذا الخصوص؟
3. كيف تتعامل مع زميلاتها في العمل ومع فضولهن حول سنها أو حياتها .. إلخ؟

لدي خبرة 10 سنوات في العمل سواء بدوائر خاصة أو حكومية وتعرضت لمواقف مشابهة وهذا شيء طبيعي تتعرض له أي فتاة وخاصة إذا كانت جميلة.

أولا:
الموظف متزوج وهي كذلك متزوجة
هدفة قذر وواضح لا يحتاج إلى تحليل طويل
هذه بدايات للكارثة الأخلاقية التي يريد أن يلحقها بالموظفة والسبب سذاجتها
يريدها صديقة تلبي له كل رغباته مستقبلا " غمزة بافبتسامة فموعد ... إلخ"
واللبيب بالإشارة يفهم!

ثانيا:
ماذا تفعل بهذا الخصوص؟
تتجنب أن تذهب لأي مكان قد تصادفه فيه لوحدها
إذا كانت مع موظفة أخرى ومر بجانبهم عليها أن لا تعيره إي اهتمام
إذا زار مكتبها متعمدا من الغباء أن ترتبك أمام هذا المنحط
لتكن معه رسمية وجافة تماما
من الحيل التي نفعت معي شخصيا ...
أخبرت صديقاتي المقربات حول ظنوني في موظف معين
وأطلب منهم إذا رأوه متجها لمكتبي أن يدخلو المكتب فورا ويطلبون مني تقرير أو أي وثائق
وذلك بهدف قطع أفكاره تماما وتشتيته
يجب أن تكون صديقتك قوية لمواجهته
لأن مثل هؤلاء الرجال يستهدفون الساذجة الضعيفة لينصبوا حولها شباكهم!
فلتحذر كل الحذر منه لأن نيته خبيثة وواضحة!!!

كيف تتعامل مع زميلاتها في الدوام؟
لتتعامل معهم بمنتهى الأخلاق والدبلوماسية
يجب أن لا تخبرهم بأسرارها العائلية لأن الموظفات لن يتركن لها سرا مع احترامي للجميع، حيث أن النساء بطبيعتهن لا يكتمن الأسرار!
لا تتحدث أبدا عن النعم التي أنعم الله بها عليها... بل تبين أنها عادية وبمستواهم
يمكنها أن تتكلم معهم عن الشؤون النسائية كالطبخ والموضة والمحلات التي تعجبها وغيرها...
لتخبرهم بمعلومات مفيدة ولتبين اهتمامها بما يروينه من أحاديث وتتعاطف معهن...
إذا سألوها عن سنها فلتقل " لا أرجوكم لا أحب هذا السؤال !" وتحاول الالتفاف عليه


وأكرر تحذيري لها من هذا الذئب البشري!!!
أسأل الله لكم العفو والعافية ...
والستر في الدنيا والآخرة ...

__________________________________________________ __________

>>>> الرد الثالث :
عزيزتي ما قريت كل القصة بل لين ما هي يلست مكان السكرتيرة او شئ جي




شوفي فديتج بكون صريحة جدأأأ

هي بالبداية اشتكت من ريلها واااايد


و عقب يابت طاري الريال .. و اهتمامه و نطراته ..



المهم هي ان ما تراجع نفسها و تمسك عمرها و يوم تعرف الريال موجود

ما تعتبره غير موجود نهائيأ


تأكدي بالتدريج بتنجذب له و علاقة المتزوجة و المتزوج معروف نهايتها !


هي بيدها باحتشامها بالتدريج تخليه يستحي من نفسه ..

طبعا ما اقصد مب محتشمة لاااا بل اقصد المراة اللي ييها فضول و تبغي تعرف

ليش فلان يتطالعها بنظرات عجيبة و مركزة لابد تنلاحظ هالشئ عليها




ان تهتم و تفكر ليش و ليش و تبا تعرف شو السبب



بقولج السبب معرف و لنا الجميع


حتى للمراهقين


مستغربة ليش هي هالقد مهتمة تعرف السبب


واحد يتغمز بعينه شو يعني ؟؟؟

انا بقولج شو يعني


يعني I want u !


و يجربها ان بتتجاوب او لا

يعني شو بيكون قصده ؟؟

مثلا يخطبها بغمزة عينه ؟؟!!!!




و هي شكلها يالسة تلين لانها مثل ما قلتي عندها مشاكل زوجية ..


مصرة تعرف السبب و تعترق تشوفه غاوي ووووووووووووووووو




الله المستعان


__________________________________________________ __________

>>>> الرد الرابع :
على السريع قريت الباجي لان بالاخير الموضوع واضح من اول كمن سطر



تقولين بالغصب محصلة شغل و هي صغيرة و حلوة وووووووووووووو

ياختي في المؤسسات و الادارات متروووووسة بنات امورات و حلوات و صغار

و تقولين اللي وقف معاها تحصل وظيفة لانها شاطرة و حلوة

اي وظيفه بتلقى هذي بالواسطه بس الي وقف وياها انها شاطره وحلوه



ماحيد الجمال احد شروط الحصول على وظيفة غاليتي الا ان هي تعتقد هالشئ


او يمكن انا فهمتج غلط و بهالحالة السمووووووووحه مقدماااا





الريال ما بيتغمز الا للي ممكن تعطي ويه و لو بالبداية بدون قصد بل نظرات استغراب


ممكن يتطالع و يركز و يلاحق بعيونه و لكن غمزة عين قوية صراحة


بقولج ان هي عندها تأكل و تشرب و تلبس و تسكن تترك هالوظيفة ابرك لها لانها فتنة بالنسبة لها


و حياتها و مكانتها كمتزوجة اهم من وظيفتها اللي هي فتنه لها و سبب دمارها التدريجي

و لا سمح الله بيي يوم تندم و الله اعلم هل الانسان المخطئ اصلا يحصل فرصة للتوبة ام الموت

اشطر منه ؟؟





ما اقول هي متعمدة و تبغي تعرف عنه اكثر و ما شابه


لا والله و لكن كفاية انها تتسال مرات و مرات الريال شو يقصد و هالشئ شاغل بالها





بكل صراااااااحة

هي مبسوطة و مستانسة باهتمامه بسبب اهمال ريلها و على قولتج لا مولات و لا اسواق و لا شئ

يعني تعاني من فراق كبير + اهمال الزوج = الغرق ان طار معاه الخوف من الله



ان استمرت تكتشف ليش المزيون مهتم فيها ... بتنجر خلف المحرمات


بدون ما تلاحظ

حبة حبة

لين الغرق النهائي
لا سمح الله


الحل لسالفتها بيدها و بس



خليها تتأكد و انا اكدلها و بذمتي


اللي تحس فيه من طرفه و نظراته ليس الحب كما ممكن تعتقد بل طلب علاقة محرمة

الا بحالة وحدة



ان بكل امانه ما يعرف انها متزوجة و لكن بهالحالة بعد غمزة عين صراحة قوية

لان الريال ما يسوي هالحركة لبنت معجب فيها و يبا فرضا يتزوجها

يعني بحالتين



هالمزيون اللي على قولها تشبة شخصية مشهورة


فيه خلل فني و محتاج وازع ديني قبل ما يخون حرمته ام عياله !!!!!






__________________________________________________ __________

>>>> الرد الخامس :
الغالية نسيت اقول لج رايي

هالشئ ممكن يكون ابتلاء لها و الله يختبرها

و هني هي و شطارتها تنجح ام لا لا سمح الله


( معلومة و توضيح للاخوات اللي مرات يقولن الريال يوم يخون حرمته جسديا مبتلي )


لما اقول ابتلاء ما اقصد واحد يوصل لدرجة العلاقات المحرمة و نقول ابتلاء !!!

لان الاخير ( الزنا )



نتيجة اهمال و عدم مبالاة للابتلاء !


يعني في فرق كبير

و الله سبحانه و تعالى ما يجر عبده للزنا كأنه ابتلاء !

بل ممكن يحط بطريجه شخص و يختبر ايمانه و قوته و جهاده مع النفس


هني الشخص المبتلي ان يخاف الله و اهله مستحيل يأخذ خطوة محرمة كعلاقة جنسية ..



هذا رايي الشخصي رغم انه بعيد عن الموضوع و للتوضيح فقط

----------------------------------------------------


من اصعب انواع المشاكل او نقول الابتلاء اعجاب المتزوج و المتزوجة باشخاص آخرين...

المتزوج على الاقل بامكانه يتزوج و بالحلال و ماله مبررات للحرام


و لكن المتزوجة عليها تجاهد نفسها جهاد شديد

كي ما تغرق .. لان هي متزوجة و مب بامكانها تتزوج غير زوجها الا بحالة طلاقها


و ان تطلقت كي تتزوج الآخر لابد تحط ببالها في احتمال كبير لما نار و شوق الحب ينطفى

يعايرها او الحرمة بروحها تندم ..

او انها تقيم علاقة محرمة و النتيجة معروفة و جزاها معروف ..

======================================




ربيعتج لابد تحاسب واااااااايد و تحط شئ واحد ببالها

رب العالمين

لان الوضع اللي بادي معاها ان اتساهلت و انزلقت صعبة جدأأأ ,,

اعرف بتقولين اناناسة واااااااااايد بالغت


و بتفكرين هي بعيدة كل البعد عن انها تنجذب له و تكون علاقة و ما شابة

بس كل نقطة نهاية لها بداية و البداية عادتأ في غير حسباننا و نعتبره شئ عادي




غمزة عقب ابتسامة عقب عقب السلام عليكم و عقب ما اقصد شئ ها

اخوي و هاي اختي ووووووووو الشخص و شطارته يقدر ينسحب او يكمل ..


السموحه تكلمت بامور خارجة عن الموضوع نوعا ما