طلبات اخوي

[hanan]

عنوان الموضوع : طلبات اخوي
مقدم من طرف منتديات الضمير العربي

ثانكس خواتي

الاغلبيه شجعوني ع النظره الشرعيه

ف بكلم امي وبحاول اقنعها والله يجدم اللي فيه خير

والسموحه حذفت الموضوع لاسباب معينه

تسلمون حبايبي لا خلا ولا عدم

>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

شوفي حبيبتي

اول شي ، قوليله مثل ما انته فيك نواقص بعد بنات الناس فيهم نواقص لابد منها .. محد كامل غير الله سبحانه و تعالى ..
و اذا تم يتشرط قولوله تم بليا عرس او سير دور بروحك ، هيه حطوه بالامر الواقع دام ما يعيبه العجب !

ثاني شي ، النظرة الشرعية أمر لابد منه ، وهو فوق العادات والتقاليد لأن الدين الاسلامي قرر هالشي ..
يعني اذا عاداتكم ما تسمح بإن شبابكم ما يشوفون البنت ، يمكن البنت تبي تشوفه ؟ هي بعد لها راي و مب تتدبس عقب الملجه و تنصدم فيه ..

و إذا عالاحراج فحال ان طرف من الطرفين ما بغى الثاني ، فهالشي لا بد منه .. و الاغلبيه عانوا من هالشي سواء الشباب او البنات ، و كل شي بالنهاية قسمة و نصيب و خيرة للطرفين

الله يلين راسه و يحصل له اللي يتمناها ان شاء الله ..

__________________________________________________ __________

>>>> الرد الثاني :

هذي العادات عند العيايز والشواب سمعي اذا في بالكم بنت معينه اسألوا عن البنت ولما بتيي سالفة الشوفه خلوها بينكم وبين عيلة البنت لما بتسيروا بس انتي مع اختج الكبيرة والمعرس خلهم يشوفون بعض بحضور أمها وانتو طبعا لابسه عباه وشيله البنت بدون ميكب صار نصيب كلموا الرياييل يتفاهموا بالمهر والزهبه وتصير خطبه رسميه لا يكلمها ولا تكلمه قبل الملجه اما سالفة الجمال يختلف اخوي مثلا طلب وحده مربربه

__________________________________________________ __________

>>>> الرد الثالث :

ولله حبيبتي كلام الرسول ماينطق عن الهوى
عشان جي وصى بالنظره الشرعيه
يعني تخيلي ياخذها بدون لايشوفها وماتعيبه ولا اتدش خاطره ؟

بجي انتوا تهدمون بيته قبل لاينبني
يعني صح المفروض حتى البنت اتشوف الولد يمكن مايعيبها يمكن مايدش خااطرها

كلام الرسول ماينطق عن الهوى

ولو صار وماصار نصيب فترى هذا نصيب فالنهايه ونصيبك يصيبك
مب شرط انه ماعيبه شكلها يعني خلاص

لا يمكن يوم دش مارتاح ماعيبته
يعني ياخذها ويبتلش فيها ؟؟

حبيبتي الدنيا اتطورت لازم يشوفها عالاقل لو مال خمس دقايق ويظهر


والله يوفقه

__________________________________________________ __________

>>>> الرد الرابع :

اختي النظره الشرعيه مطلوبه هي القصه مب لعبه يعني هي مب رجال عود في سن ويقبل اي وحده وخلاص

لا بعدين يمكن يطلقها وسبب الشكل ويقول انتوا جبرتوني عليها وهني البهذله اكبر من موضوع ان نظر لها وماعجبته!

وثاني شي الرجال يدورون الجمال خاصه في هذا الزمن الفضائي

واخوكي شكله خيالي وشاب طالع على الدنيا يفكر بمثاليه!ويريد يكون الاحسن

اهم شي دوروا له على وحده مواصفاتها الجماليه اوكي كبياض لان مابيتنازل عن الموضوع اكيد وتصلي وتصوم وهله ناس على الاقل سمعه زينه مب ضروري اغنياء وحسب ونسب

بس مقبولين بسن الناس وشوفوه كيف بيقول!حتى لو مب مخلصه تعليم فوق فوق اذا شافها زينه هو بيتقبل الباقي ويحاول يحسنها

__________________________________________________ __________

>>>> الرد الخامس :

المشاركة الأصلية كتبت بواسطة ميمي4
شوفي حبيبتي

اول شي ، قوليله مثل ما انته فيك نواقص بعد بنات الناس فيهم نواقص لابد منها .. محد كامل غير الله سبحانه و تعالى ..
و اذا تم يتشرط قولوله تم بليا عرس او سير دور بروحك ، هيه حطوه بالامر الواقع دام ما يعيبه العجب !

ثاني شي ، النظرة الشرعية أمر لابد منه ، وهو فوق العادات والتقاليد لأن الدين الاسلامي قرر هالشي ..
يعني اذا عاداتكم ما تسمح بإن شبابكم ما يشوفون البنت ، يمكن البنت تبي تشوفه ؟ هي بعد لها راي و مب تتدبس عقب الملجه و تنصدم فيه ..

و إذا عالاحراج فحال ان طرف من الطرفين ما بغى الثاني ، فهالشي لا بد منه .. و الاغلبيه عانوا من هالشي سواء الشباب او البنات ، و كل شي بالنهاية قسمة و نصيب و خيرة للطرفين

الله يلين راسه و يحصل له اللي يتمناها ان شاء الله ..



هاللي احاتيه .. الاحرااااااج اذا رفضها