عنوان الموضوع : خاطري اطبخ شراتكن.. للمطلقة
مقدم من طرف منتديات الضمير العربي

السلام عليكم..اشحالكن خواتي..
اول مره ادخل عالم الطبخ...وشوف مواضيعكن...صراحه انا عندي مشكله..وعقده
وتعبانه نفسيا منها...وصدقوني تراها عقده عندي احين من سنوات..مابالغ..
انا وحده ابدن مادخل المطبخ...ولا اعرف اطبخ طبيخ ولا اعرف ابدع.....
عندي عقده..يوم كنت صغيره مره دخلت المطبخ اشوفهم يطبخون ومن نحاسة حظي اني احترقت من ساعتها امي ماخلتني ادخل المطبخ...بس للأسف لين يومكن ماصرت ادخله وانا احين تراني كبيره اعتمد على الخدمات...في حياتي...
بس والله خاطري اتعلم واطبخ وبدع.....بس مش عارفه كيف ابدأ...خاطري ادخل المطبخ هالرمضان عالاقل...بس مثل ماقتلكن ماعرف شي..ولااعرف اغراض الطبيخ.اصلن حتى كيف اشغل الفرن ماعرف!!لنه مافي تشجيع من حد ولا حداصلن راح يفكر يعلمني..
اعرف حد راح يقول اني ابالغ...او حد راح يقول اني عشت دلع وبزا...بس هذا حالي
اتمنى اغير منه...

>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :
انا مثلج ما اعرف اطبخ وايد .. و إذا طبخت أحس ما يطلع الأكل زين

__________________________________________________ __________

>>>> الرد الثاني :
جوفي اختي انا كنت نفسج بس من زماان ودرت هالحاله.. انا ياما احترقت بالزيت والماي وامي تهزبني عسب مادخل المطبخ بس انا ماتوب ويتني فتره اوني عاد اسمع الرمسه ومادخل بس الحين عشقي شي اسمه مطبخ واتمنى يكون عندي مطبخي الخاص.. انا بقولج كيف بديت.. اول شي لازم تغيرين الفكره اللي تدور براسج انه المطبخ بيت الرعب حطي في بالج ان انتي تقدرين تسوين وصدقيني ما بتحسين بعمرج الا دخلتي عالم ثاني.. ثاني شي ما عليج من اغراض المطبخ يعني اهم شي تعرفين الصحون الجدور البهارات هالاشياء الخفيفه يعني مستحيل انتي ما تعرفين الزيت ولا ما تعرفين تفرقين بين الفلفل الاسود ولا الملح، يعني في اشياء بسيطه وسهله ان الواحد يعرفها وهو مغمض... ثالث شي جوفي الاكلات السهله من اي مكان التلفزيون ولا النت ولا الكتب ولا اي مكان حتى فالمجلات وانصحج بالتلفزيون لان غير يوم تجوفين الشي جدامج.. عقب ما تختارين اكله سهله بس ما عرفتي شو المقادير سألي حد مثلا قولي لهم شو هالشي ولا كيف شكله حاولي تروحين ويا امج السوق عشان تعرفين شو الاشياء اللي تشتريهن وعقب ردي وسوي وصدقيني اذا انتي بديتي تسوين هالشي من نفسج بترتاحين اكثر من ما حد يقولج يلا قومي سوي .. وسوري على الاطاله..

__________________________________________________ __________

>>>> الرد الثالث :
صراحه يبالي شجاعه .....منو قال اني ماحاولت...بس ما أقدر من اوصل المطبخ يضيق صدري وطلع..ماقدر

__________________________________________________ __________

>>>> الرد الرابع :
الله ايعينج

__________________________________________________ __________

>>>> الرد الخامس :
خذ كتاب فتافيت من الاخت دهن العود نصيييحه ^_^