عنوان الموضوع : تجربتي مع الخياطه التجميليه من مطبخ الامارات
مقدم من طرف منتديات الضمير العربي

السلام عليكم ورحمه الله وبركاته

خواتم مباركه عليكن جميع والله يتقبل منا ومنكم صالح الاعمال

حبيت اخبركن تجربتي مع الخياطه التجميليه انا عندي ست عيال الله يحفظهم وحبيت اسوي العمليه رحت عند الدكتوره بعد ولادتي باسبوعين كشفت علي قالت المثانه مره نازله والتوسع من الدرجه الثانيه المهم عطتني كريم استخدمه اسبوع علشان انا نفاس بيرجع المنطقه كاني ماربيت وتكون نتايج العمليه افضل وحددنا العمليه عقب اسبوع استخدمت الكريم وخلص الاسبوع وجا يوم العمليه الصراحه رعب ماتتوقعون كنت بموت من الخوف وخاطري اغير رايي رحت الصبح الساعه سبع ونص وصلت المستشفى دخلوني الغرفه وجات السستر عطتني لبس العملياات وشيكت على الضغط والحراره وكل شي قمت غيرت ملابسي وقعدت خاطري البس عباتي واشرد من الخوف جات دكتوره البنج شافتني وسالتني بعض الاسئله وراحت شوي دخلت السستر عطتني حبه شربتها وتقول ريلاكس هذي عشان ترتاحين قدام العمليه خخخ بديت ادوخ من شربتها وودوني قسم العمليات وجات دكتوره البنج عطتني مخده حظنتها وخلتني انحني على قدام شوي طبعاا ماتحسين بشي غير وخزه صغيره وخلاص انسدحت على السرير وسوو حاجز من عند الصدر ومن بعد ماحسيت بشي كنت اسمعهم يسولفون لين ماقالت الدكتوره وخلصنا العمليه طبعاا مده العمليه ساعه ونص ضبط طللعوني ونا ارتجف من البرد تمو يدفوني وشغو الدفايات ارتحت وطلعوني غرفتي فوق نمت لين العصر وقمت قد راح البنج وماحس بشي لانهم عطوني ابره مهدئه بعد العمليه الي كان مضايقني القسطره ماتقدرين تتحركين منها في الليل عوار بموت منه عطوني مسكنات ومضاد عبر الوريد ارتحت لين الصبح وطلعت من المستشفى احس اني غامرت الصراحه بهالعمليه المهم الحين لي ثلاث ايام من سويتها على المسكنات امشي شوي شوي الحركه شوي صعبه وماقدر اجلس ابدددا كله على السرير مسدوحه الله يعيين ويعدي هالايام على خير وانشالله تكون النتيجه زينه عقب هالعذاب دعواتكن لي بالشفاء العاجل

>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :
الله يشفيج

__________________________________________________ __________

>>>> الرد الثاني :

المشاركة الأصلية كتبت بواسطة أم فهد1
الله يشفيج



امييين

تسلمين عالدعوووه

__________________________________________________ __________

>>>> الرد الثالث :
حمد الله على السلامة و ان شاء الله النتايج تسرج.

__________________________________________________ __________

>>>> الرد الرابع :

المشاركة الأصلية كتبت بواسطة ليالي85
حمد الله على السلامة و ان شاء الله النتايج تسرج.



الله يسلمج حبيبتي انشالله خير

__________________________________________________ __________

>>>> الرد الخامس :
بنات منو سوت العمليه لمتى بيتم العوار والجرح متى يلتئم