عنوان الموضوع : الاحلام خلال الحمل ،،،تعطي اشارات او تفسيرات؟؟؟ لصحة الجسم
مقدم من طرف منتديات الضمير العربي

السلام عليكم خواتي


حبيت اسأل..

الحامل يوم تحلم،،،،هل بعض الاحلام تكون اشارات لشي معين؟؟؟

شي زييين؟؟ او شي مب زيين مثلا؟؟؟

.....

لاني انا يوم كنت حامل كنت احلم باحلام مزعجه،،،حيوانات...و دم...
يعني احلام ما تسر و تخووف...

و حلمت حلم عن شخص حواليه....و في نفس اليوم اللي حلمت فيه...نزل عليه نزيف و بعد فتره اجهضت...


شو رايكم بنات؟؟؟ انا الحلم الاخير...وااايد مضايقني و ماروم انساه....

منو تكون ثقه و تروم اتفسر احلام،،،او تستفسر لي عن حلمي عند حد من المشايخ..لاني ماروم اسأل شخصيا....

و يزاكم الله خير

ملاحظه:: انا كملت 11 شهر من اجهضت و ماحملت بعدها...و انا وريلي سليمين و الحمدلله. فيني تكيس بسيط بس الدكتوره قالت ما يأثر على فرص الحمل ان شاء الله.

>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :
عزيزتي ساعات يكون اضغااث احلام .. وحلمج احسه مب رؤيه ..

بس مره ربيعتي حلمت شراتج اجهضت .. قال لها الشيخ الهم انفرج يعني هم وانزاح

وربي يفرجها عليج

__________________________________________________ __________

>>>> الرد الثاني :

المشاركة الأصلية كتبت بواسطة أنا مسلمه
عزيزتي ساعات يكون اضغااث احلام .. وحلمج احسه مب رؤيه ..

بس مره ربيعتي حلمت شراتج اجهضت .. قال لها الشيخ الهم انفرج يعني هم وانزاح

وربي يفرجها عليج



مشكوره عالرد اختي.....

بس انا الانسانه اللي شفتها في الحلم تعيش معانا في البيت و انا حملت قبلها مع انها معرسه قبلي و كانت هي مأجله الحمل و بعدين يوم بغت الحمل ما صار نصيب.....تأخرت

(للعلم في الحقيقه هي ما كانت تعرف اني حامل بس شاكه،،وستوت مواقف خلتها تشك)

و في الشهر اللي انا اجهضت فيه...سبحان الله،، الله عطاها و حملت و الحين عندها بيبي الله يحفظه لها...

الحلم متعبني لانه مأثر على علاقتي فيها...

كل ماشوفها اتذكر الحلم..و مضااااااااااااااااايقه منه

دوم استغفر و احاول انسى و اقول...الاجهاض قدر من الله و لازم اتقبله و انسى فتره

بس كل ماشوف هالانسانه اتذكر..

الله المستعان

__________________________________________________ __________

>>>> الرد الثالث :
مرحبا اختي
انا بداية حملي اول ثلاث اشهر كنت احلم كوابيس وايد واشياء مخيفة اقوم من النوم وانا متضايقة واول مرة بسير اراجع عشان الحمل سالتني تجكي حالة اكتئاب كوابيس قلت لها هيه بالاخص كوابيس كل يوم واحلم اشياء اتخوف واقوم من النوم وارتجف قالت لي انتي طمنتيني على نفسك معناتها الهرمونات تشتغل عندك ؟؟

__________________________________________________ __________

>>>> الرد الرابع :
عادي فديتج انا دوووم احلم ثلاث اربع احلام مره وحده وكله تخوف
اتم طول الليل افزز والله تعبت كل يوم احلم حد اخر مره حالمه بشكارتي
حلم يررررررررروع كله اكشن .. وعسب الاجهاااض هذي حكمه الله
قل لن يصيبنا الاماكتبه الله لناا ..
حبيبتي صح العين حق بس مب فكل شي يصير لنا خفنا وقلنا عين
خليها على ربج وتوكلي ورزقج ياااي ان شاء الله

__________________________________________________ __________

>>>> الرد الخامس :
اي وحده تحمل حلم مب زين تتعوذ منه وتفل على يسارها ثلاث مرات

وتقرا آية الكرسي وما يصيبكن إلا كل خير

ولا تقعدن تفكرن وايد مب زين ، وفكرن في اشياء حلوة ومريحة عشان ترجدن وانتن مرتاحات

والله كريم