عنوان الموضوع : حامل في الشهر السادس ومريضة للصحة
مقدم من طرف منتديات الضمير العربي

مرحبا خواتي

مبارك عليكن الشهر

خواتي بغيت من الخوات اللي عندهن خبرة يساعدني...انا حامل في بداية السادس وحاسه ان فيني بداية زجام وبصراحه احس بصداع واااايد وطبعا الكل يعرف ان الحامل ما تقدر تاخذ دوا...فاذا في مجال حد يعطيني وصفه من الاعشاب ....وبصراحه انا في بيت اهل ريلي وكلهن هابه فيهم هالحمى والزجام والكحه اللي شاقه صدورهم وبصراحه انا خايفة لا ايي دوري بعد...

>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :
ما تشوفين شر ان شاء الله

__________________________________________________ __________

>>>> الرد الثاني :
انا يتني هالحمى من كثر ما كنت اكح شكوو فيني

قالولي لازم تسوين فحص الانفلونزا الخنازير

سويته وطلع دمي نظيف

نوموني في المستشفى بس كانوا يعطوني مضاااد مال اليهال

اقل شي

بس مووووووول ما استفدت من العلاج

لانهم ما يرومون يعطوني شي

واستحملت الحمى والكحه

بس يودوني في المستشفى لين ما نزلت الحمى

__________________________________________________ __________

>>>> الرد الثالث :
حبيبتي ما تشوفين شرر

منو قال لج ان الحامل ما يعطونها دواء

انا يتني حمى وانا في الرابع وبغيت اموت وما طعت اسير المستشفى لان الكل يقول ما يعطون دواء
وتحملت يومين حليلي والحمه ما تنزل عقب رحت توام ومن عرفوا اني حامل بغوا يذبحوني

سوولي حالة طواري دخلوني بسرعه عندهم واول شي سووه انهم عطوني حبتين باندول ومضاد حيوي

وتلفزيون ونادولي دكتورة تجيك على البيبي تميت من الظهر لين 12 وربع المسا لين تطمنوا علي و قالوا لي كل 4 ساعات 2 باندول وإن ما خفت احط ريلي في ماي

لا تسمعين كلام حد وسيري المستشفى والدكتورة قالت الحمى اللي تذبح البيبي مش الدواء

سوري طولت عليج بس لاني بغيت اخسر اللي في بطني من كلام الاهل والناس

__________________________________________________ __________

>>>> الرد الرابع :
منو قالج ما شاء الله انتى بالشهر السادس يعنى الطفل مكتمل النم


و يعنى بيعطونج دوا الغالية الله يكمل حملج على خير ويرزقنا امين

__________________________________________________ __________

>>>> الرد الخامس :
الحمى مب زين يوم انتي حامل

تقتل الجنين ..

اما الزجمه .. جربي اشربي شاي واعصري ليمونه فالشاي
وان شاء الله تروح عنج الزجمه

والله يحفظج جنينج ويسهل على كل حامل