عنوان الموضوع : بسالكم..متى عادي يعطونج تفاصيل عن البيبي اي شهر
مقدم من طرف منتديات الضمير العربي
السلام عليكم ورحمة الله وبركاته
شحالكن خواتي
بغيت اسالكن متى يقدرون يعطونج تفاصيل عن البيبي حجمه وحجم الراس والجسم وعن الماي والمشيمه ..
لانه الحين انا ف الخامس وباقلي سبوع وكم يوم بدش السادس ويوم سالتا شو حجم الياهل وطوله قالتلي ماعرف الحين بعدين يعرف ...
متى ينعرف؟
بانتظار ردودكم
>>>>> ردود الأعضـــــــــــــــــــاء على الموضوع <<<<<
==================================
>>>> الرد الأول :
انا نفسج بالضبط.. و يقولولي ال fetal length من طول الريل و الوزن بعد و حجم الراس! حتلى كان عندي كيس دم في مشيمتي قالتلي كم حجمه. غريبة ما قالتلج؟ وين سرتي؟
__________________________________________________ __________
>>>> الرد الثاني :
هلا الغالية انت في الخامس يعني الجنين متكون كيف دكتورتج ماعطتج القياسات يمكن مب متفيجة غيريها حبيبتي وجربي عند دكتورة ثانية
__________________________________________________ __________
>>>> الرد الثالث :
المشاركة الأصلية كتبت بواسطة أم_غاية
انا نفسج بالضبط.. و يقولولي ال fetal length من طول الريل و الوزن بعد و حجم الراس! حتلى كان عندي كيس دم في مشيمتي قالتلي كم حجمه. غريبة ما قالتلج؟ وين سرتي؟
هلا اختى انا متعالجه ف الواحه لانه خلاص فاتحه ملف عندهم
والهنديه الي مسويه الصوره ... سوتلي الصوره ف خمس دقايق !!!
قالتلي الحين مايعرف طول البيبي ... بعدين !!!
مشكوره الغاليه ع المرور
__________________________________________________ __________
>>>> الرد الرابع :
هلا الغالية انت في الخامس يعني الجنين متكون كيف دكتورتج ماعطتج القياسات يمكن مب متفيجة غيريها حبيبتي وجربي عند دكتورة ثانية
صدقج يمكن مالها بارض مب متفيجه ... بس ابد ماعطتني تفاصيل يالله عطتني الصوره
__________________________________________________ __________
>>>> الرد الخامس :
لا فديتج تقدرين تعرفين حجم الجنين وطوله ووزنه من أوووول شهر وأول ما يبين
سيري عند دكتوره متفيجه وأسأليها
رد مع اقتباس
