عنوان الموضوع : الخط الباهت فاختبار الحمل لصحتك
مقدم من طرف منتديات الضمير العربي

السلام عليكم و رحمة الله ..

خواتي الغاليات ..

شو معناة الخط الباهت فاختبار الحمل ...

انا سويته امس لانه الدورة تاخرت عني 5 ايام .. و لو كان صار حمل بيكون صار فأول اسبوع من شهر 3 .. و نحن الحين دشينا ف 4 ...

متخوفه اروح عيادة و اتاكد لاني بصراحة ما احس انه وقته .. انا مغيره مكان دوامي قبل شهر يمكن و احس اني مب مستعده .. هذا غير اني ممكن انتقل من الامارة اللي انا فيها لامارة ثانية و اترك دوامي هذا بعد و ادور دوام فالامارة الثانية .. و ادور مكان و أثث و افرش و ارتب و حالتي حاله ..

و انا اصلن طول هالشهر اسوي تمارين للبطن عشان الكرشه تخف .. و كنت اسوي ريجيم و اشرب عصير اناناس يوميا و من اسبوعين اسناني عورتني .. و خذت بروفين وايد و تعالجت و عطوني حبوب و كنت اخذها .. يعني مخبصه تخبيص .. على اساس اني مابحمل بسبب المانع الطبيعي ..

اذكر حميتي ظهر لها خط شفاف و بعد 4 ايام طاح الحمل ..

شو رايكم خواتي ..

>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :
يعني حاامل بس لان فاول اياامه وبيكون جيه
انا صاار فيني جي فالحمل الثاالث وكنت اقوول لامافي حمل بما انه بااهت وعقبها سرت العياده وسويت تحليل دم وباان اكثر
وانتي سووي تحليل دم وبيبن ان شاااء الله

__________________________________________________ __________

>>>> الرد الثاني :
مضايجة و ما ابا اروح عيادة لين ايي ريلي من السفر ..

بس

مشكورة اختي ع الرد

__________________________________________________ __________

>>>> الرد الثالث :
السلام عليكم

حبوبه معناته حامل .. فديتج قولي الحمدلله .. صح ان ضروفج حاليا صعبه و تنقيل و دوام يديد و غيره .. بس ياختي ربج كتب و احيد اختي نفس الكلام و يلست اتقول مب وقته و مب وقته و تمت مضايجه معنه وايد ناس يتمنونه هالياهل فديته و عقب مسكينه فالخاممس و تمت مضايجه قالت والله ندمانه عاللي كنت اقوله و لو اتطلب الموضوع اني كنت اوقف دوامي عساس ما ارهق عمري جان وقتفه .. دوم قولي الحمدلله و حاولي اتكملين و اتداومين عادي

مبروك

__________________________________________________ __________

>>>> الرد الرابع :
الحمدالله

__________________________________________________ __________

>>>> الرد الخامس :
سويت اختبار ثاني و بعده الخط باهت