عنوان الموضوع : مستشفى الواحه الي هو كند بالعين بليز دشن لحياة صحية
مقدم من طرف منتديات الضمير العربي

السلام عليكم ورحمة الله وبركاته
شحالكن ماريد اطول عليكن بس ابا استفسر من الي ولدن بمستشفى الواحه بالعين يقوللي شو الولاده عندهم زينه وشو عنايتهم لاني صراحه فاتحه ملف عندهم لانه قريب لبيتي وبربي فيه بس حد يمدحه وحد يذمه وصرت متخوفه فياريت الي عندها فكره عنه او تعرف حد مربي فيه تخبرني والله يسهل على كل حامل ياربي وتشوف ذريتها كامله غير ناقصه ولا زايده ياربي


>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :
للرفع

__________________________________________________ __________

>>>> الرد الثاني :
المستشفى من احسن مايكون في الرعايه .. بس اللهم الزحمه وقت المراجعه ومرات فالغرف .. توكلي على الله و عندهم دكتوره اسمها ريتشل هنديه وايد زينه انصحج فيها ^^

__________________________________________________ __________

>>>> الرد الثالث :
تسلمن فديتكن عالمرور بس في بعض الحريم خوفني صراحه

__________________________________________________ __________

>>>> الرد الرابع :

المشاركة الأصلية كتبت بواسطة ~ريمية العين~
المستشفى من احسن مايكون في الرعايه .. بس اللهم الزحمه وقت المراجعه ومرات فالغرف .. توكلي على الله و عندهم دكتوره اسمها ريتشل هنديه وايد زينه انصحج فيها ^^



كلامها صح وانا اتعالج عند هالدكتوره
وف الولاده حسب الدكتوره المناوبه

__________________________________________________ __________

>>>> الرد الخامس :
مرحبا فديتج ...

الصراحه هو زين وفي نفس الوقت فيه اشياء مب زينه ..

انا ربيت فيه العام وكانت اول ولاده لي ..

المهم على حظي كان مخلص شفت اللي مداومات وكنت في غرفة الولاده ويوم خلاص تعبت وقربت الولاده

يين حضرتهن ومستعيلات ويبن يخلصن شغل اي كلام ... ويوم نزلت بنوتي فديتها .. تمن يضغطن ع بطني عشان تطلع

المشيمه .. المهم المشيمه ما طلعت كلها ما عرف كيف وليش ... طلعت منقصه وهن ما اتاكدن انها طلعت كلها او لا

وطلعن وخلني ويا امي ... وانا كنت تعبانه واحس شي في صدر ي وخلاص بموووووووت ..وامي فديتها مب عارفه شو تسوي


ساعدتني عشان اسير الحمام .. الله يعزكم ... اول ما يلستني ع الشبريه طاحت نص المشيمه الباقي


انا استغربت .. وامي عصبت وتمت تتتحاسب عليهن وسارت تهزبهن وقالت بشتكي عليكم زين البنت ما راحت فيها الله سلمها ..


هذا كله لانهن مستعيلات ومخلص دوامهن ..


واحلا شي فيه الغرف اوسع من غرف التوام واحلا بوايد ..


واهتمامهم بعد الولاده زين



المهم فديتج توكلي على الله اي مكان و اي مستشفى ربج هو اللي بييسرلج ان شاء الله


انا قلت اخر مره اربي فيه بس كله كلام والحين انا حامل وما بقى لي شي وبربي فيه باذن الله