عنوان الموضوع : سؤال بخصوص المشي و الطلعات ؟؟؟
مقدم من طرف منتديات الضمير العربي

السلام عليكم



موضوعي شوي سخيف تحملوني

الحين ابغي اسير القرية العالمية و ريلي رافض
بحجة اني ف بداية الحمل ومب زين المشي
يعني عادي ولا صدق مب زين المشي الزايييييد ؟
والله ف خاطري بتخلص القرية و بعدني ما سرت هههههه شو اسوي

>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :
حالج نفس حال اختي .. رافضين ريلها وخوات ريلها روحه القريه الا بالويل جير... ههههههه

عاد ما ادري والله .. انا عادي كنت اروح ما علي من احد .. بس اذا بجر ما اعرف .. اخاف اقولج روحي واتعبين نفسج ...

تحملي اول ثلاث شهور لماا الحمل يثبت عقب ان شالله ترومين تمشين ع راحتج ...

__________________________________________________ __________

>>>> الرد الثاني :
الغاليه تحملي على نفسج شويه
اول ثلاث اشهر أصعب فترة بالحمل وريلج معه حق

__________________________________________________ __________

>>>> الرد الثالث :
حبيبتي عادي..إنتي بتمشي عادي مو بتتسابقين...وإنتي أدرى بعمرج..إذا متعودة تمشين..كملي عادي...وإذا حابة تتطمنين أكثر..اسألي الطبيبة أفضل..المشكلة عندنا يعتبرون الحمل حالة مرضية...وهو شي طبيعي..اللي حملها ضعيف أو فيه مشكلة لازم تنتبه..لكن اللي حملها طبيعي وسليم..عادي..امشي..اسبحي..العبي رياضة...لكن لا تناقزين وايد

__________________________________________________ __________

>>>> الرد الرابع :
ما انصحج بالمشي أول 3 شهور لأنه ارهاق لجسمج حتى لو ما حسيتي أنج تعبانة ..

__________________________________________________ __________

>>>> الرد الخامس :
عادى المشى ما يضر ان شاء الله

لكن طاعة زوجج هذا شى واجب عليج