غرف مستشفى الكورنيش لصحتك

[imilla]

عنوان الموضوع : غرف مستشفى الكورنيش لصحتك
مقدم من طرف منتديات الضمير العربي

السلام عليكم ورحمة الله وبركاته

بنات انا ناوية اولد في مستشفى الكورنيش مع اني سمعت عنها اشيا زينه ومب زينه
بس فالنهاية كل واحد وتجربته

ابا تجربة وحده مربية قريب وكيف كانت اجراءات الحجز للغرف خاصه واسعارها اذا كان الدفع
علينا او اي معلومة تخص هالموضوع

مشكورين مقدما

>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

ربي ييسر لك الولادة يارب على خير وسلامة

ما عندي فكرة بس حبيت ادعيلج حبيبتي

__________________________________________________ __________

>>>> الرد الثاني :

الله يسهل عليج حبيبتي ويقومج بالسلامة. انا من بوظبي وربيت فالكورنيش سنة 2011 الله لا يراويج.. الحمدلله يت على جي مب اكثر..سولي عملية قيصرية. قبل ما يقررولي عملية كانت الدكتورة تحاول تخليني اربي طبيعي وكنت اسوي بوش غلط جان تعصب عليه الدكتورة العراقية تخيلي جان تقولي اذا ما سويتي بوش صح بشفط البيبي انتي جي قاعدة تأذين البيبي! جان اقولها انا هالشي مش بيدي وانا اتكلم كنت منهارة طبعا واصيح. تعبت نفسيا. المهم بسرعة بسرعة قررولي عملية ودخلوني غرفة العمليات وانا طبعا واااايد تعبانة لاني عانيت تقريبا لمدة 24 ساعة. المهم فالعملية طبعا استوت الطامة الكبرى تخيلي وانا مبنجة نص بنج يعني كنت اسمع واحس بس ماحس بالجزء التحتي من جسمي. تخيلي فنص العملية نفس الدكتورة تسألني انتي مسوية عملية استأصال مبيض من قبل؟ جان اقوللها لا.. ورقدت وما حسيت الا فاخر العملية. تخيلي شو سوت الدكتورة الغبية؟ وانا بعدني فالبنج بعدني ما نشيت، راحت عند ريلي وقالتله انه حرمتك فيها مبيض واحد وهذا عيب خلقي وانه لازم تخبرني للأمانة! ريلي كان وايد تعبان وسهران معايا ونفسيته تعبانه قاللها لا تخبرينها الحين هي بعدها فالبنج، ماطاعت قالت الا اخبرها! يت لين عندي وانا بعدهم حتى ما لقولي غرفة وخبرتني اني فيني مبيض واحد وانه هذا عيب خلقي فيني ومادري شو! انا هني انهرت وقعدت اصيح. حسبي الله عليها ما رحمتني كانت بس تبا تخلص شغلها وتروح حتى كانت تكلمني وشاله شنطتها فيدها خلاص الشفت مالها خلص. وياريت اللي قالتلي اياه صح. عقب اسبوع سرت وسويت التراساوند عندهم بعد فالكورنيش وطلع كلامها كله غلط، جاوفوا المبيض اليمين واليسار الحمد لله. المفروض كانت تتأكد قبل ما تكلمني مب جيه خذوه فغلوه. قعدت اتحسب عليها وكلهم قالولي ارفع قضيه عالمستشفى بس انا ما بغيت اعور راسي وادخل فقضايا وعوار راس. والشي الثاني اللي استوالي انه العملية كلها التهبت وقام الجرح يطلع صديد وكل ما اروح كانوا ينظفونه ويحطولي لزق عليه ويقولولي روحي. سرتلهم 3 مرات لين ما خلاص انفجر عليه جيس صديد كان كبير تحت الجلد تخيلي وانا ماكنت ادري. هني قعدت اصيح صياح ودوني اهلي المستشفى قعدت اصارخ فالرسبشن اقولهم هاي رابع مرة اييكم وانتوا تبوني اموت يعني؟ هني خافوا تمن النيرسات يترابعن دخلوني الغرفة وتموا ينظفون الجرح وعطوني كرت حق الغيار اييهم كل يوم واغير الشاش لين ما تحسنت الحمدلله. بس صدق مستحيل اتعامل معاهم مرة ثانية ومستحيل اربي عندهم. المرة الثانية ربيت في مستشفى لطيفة فدبي لاني من دبي وماشا الله صدق فرق من كل النواحي. اهتمام ونظافة وكل شي حتى الدكاترة مريحين والعملية كانت سهله الحمدلله. اسمحيلي على الاطالة بس حبيت اخبرج شو صار معاي. ان شا الله ما يصير معاج شي مب زين يارب واالله يسهل عليج وتقومين بالسلامة.

__________________________________________________ __________

>>>> الرد الثالث :

غزاله حطي اسم آلدكتوره عشان نتجنبهآ

الله يسخر لنآ هالدكآترة

__________________________________________________ __________

>>>> الرد الرابع :

قبل عشر سنوات كانت الكورنيش اوك وخبرة

احين كله خربطان ،، ربيت فيها قبل سنتين ونص وشفت الوووويل فيها

مابذكر تجربتي كلها لانه اللي يفكر يربي فيها بيخاف هههه

حسبي الله عليهم لو يعطوني مال الدنيا مستحيل اربي عندهم ثاني مرة

تعبت نفسيا عندهم

__________________________________________________ __________

>>>> الرد الخامس :

المشاركة الأصلية كتبت بواسطة الدرةالمصونة
ربي ييسر لك الولادة يارب على خير وسلامة

ما عندي فكرة بس حبيت ادعيلج حبيبتي



اميين حبيبتي وياج ان شاء الله