عنوان الموضوع : فضفضات ريجيم مشاكل الحمل
مقدم من طرف منتديات الضمير العربي

السلام عليكم ورحمة الله وبركاته

من الاول اخبركم
الموضوع نفس ما قلت في العنوان (فضفضة) ..يعني اذا ما كنتي ملانه وما عندج شغله مافي داعي تكملين قراءة لانه وبكل صراحه ما فيه شي مفيد !!!


هذا يا طويلات العمر اختكم في الله الوهاج انسانة تفاؤلية جدا .. وتفائلي احيانا يخرب علي وبالذات لما انوي اسوي ريجيم ... لاني مجرد ابدي تبدأ الحماسة ويشتغل الخيال ... اتخيل عمري كيف بستوي رشيقة وبتتغير قياساتي والكل يوم بيشوفني بيتفاجأ .. واستااااااااانس.... تقول ضعفت صدق! وما يتم عندي دافع عسب اكمل !

شفتوا العبط !!!!
والله اني اكتب واضحك توني حسيت شكثر حالتي صعبة @@


فقلت هالمره بدور على عين رقيب تتابعني وتعطيني طراق يوعيني اذا بديت اغرق في الاحلام .. وما حصلت احسن من حبيباتي بنات المنتدى ..الله يحفظكن من عيني .. احس البنات فهالقسم اخطر عن ( د.اوز ) وشلته ..


ووصلنا حق الكلام المهم :

وزني :67.7
طولي : 158
القياس :14
هدفي الاول : ما عندي وزن محدد حابة اوصل له بس حاليا ابي مقاسي يتغير الى 12
مدة النظام : شهر (28-9 الى 28 -10 )

النظام : اعتماد وجبتين رئيسيتين +وجبة خفيفة(حبة فاكهة ) يكون قيمتهم اقل عن 1000 سعر
والرياضة مشي لمدة 10 دقايق يوميا (ادري قليل مس للأسف حاليا وضعي ما يسمح بأكثر )


وبس خواتي ..ما بقول لكم شجعوني لاني ادري بعمري ما بوفيكم حقكم واتابع الردود واعلق عليها ..بس دام وصلتوا لآخر الموضوع يعني فاضين وما عندكم شي احسن تتسلون فيه .. فما يمنع انكن يا حلوات تطلن على صفحتي بين وقت والثاني عسب اذا شفتوني خبصت تهزبوني عدل عسب ارد للعالم الواقعي ..

تحياتي لأحلى عالم ملانه ^^



سبحانك اللهم وبحمدك أشهد أن لا إله إلا أنت أستغفرك وأتوب إليك

>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :
مسا الورد خيتوووووووووو

توني متعشيه وزطيت حليب وسنكرز واحس بتانيب الظمير
قلت بدش المنتدى لعل وعسى الاقي حد يطبطب علي خخخخخخخخ
خاطري اتبع نظام تخفييف وان شاء الله بكون وياج

__________________________________________________ __________

>>>> الرد الثاني :
اليوم الاول

الفطور : (الساعة 10:00 )
ربع رغيف أسمر +ملعقتين ممسوحتين جبن قليل الدسم +كوب شاي حليب بملعقة سكر


وجبة خفيفة : (الساعة 3:00 )
تفاحة


العشاء : (7:00)

ربع رغيف أسمر +ربع دجاجة مشوية +خضار مسلوقة +شاي حليب بملعقة سكر<<<<ما ادري متى بروم استغني عن هالملعقة

__________________________________________________ __________

>>>> الرد الثالث :
ان شاء الله من باجر ببدا احط يومياتي والله يقويناا..

__________________________________________________ __________

>>>> الرد الرابع :
يعطيييج العافيييييه ان شاء الله تووصلين للوزن المطلوووب ^^

__________________________________________________ __________

>>>> الرد الخامس :
انا مابا كف ع ويهي ابا ملاس حار يعدل حلجي اللي كل يوم يقول باجر وباجر
بس خلاص والله احس صج بتأنيب الضمير
وباديه ان شاء الله من باجر
وبنشجع بعض ان شاء الله