عنوان الموضوع : الكريم الأساس والشمس؟؟؟ لصحة شعرك
مقدم من طرف منتديات الضمير العربي

هلااااااااا خواتي
تعرفون الصيف والحر والشمس والرطوبة

الله يعين بشرتنا والله

من يانه الصيف وآنة بشرتي معتفسة
احط كريم اساس خفيف وبودرة حق الشغل
بس مع الوقت يدهن
ولاتنسون كله يتخلل في هالبشرة
ويصير في ويهي بقع

ياربي مب عارفة شاسوي
اي نوع احط كريم اساس مايأثر بالبشرة؟؟؟

مب لازم كريم اساس بس ابي شيء يروح الدهن اللي في بشرتي
اللي مع الوقت يصير ؟؟؟

>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :
اختي ما ينفع كريم الاساس فالصيف لانه كريمي وطبيعي يزيت
استخدمي بودرة حرة احسن او كيك فونديشن اللي شكله بودرة يابسه ما تنحط الا بالماي

__________________________________________________ __________

>>>> الرد الثاني :
مشكورة يا الغالية انج رديتي علي
والله حتى البودة مع الماي تدهن عقب فترة
ماقول إلا الله يعين بشرتنا

__________________________________________________ __________

>>>> الرد الثالث :
حبيبتي هو على حسب بشرتج اذا كانت خافه حطي في الصيف بس اذا كانت دهنية فما انصحج تحطين .....

وفي بودرة مضغوطة تستخدمينها مع الماي تحطينها بدون كريم اساس هي مكونه من كريم اساس مع بودرة علشان جي تستخدمينها مع الماي ..

وهي بعد رخيصة مو غالية تقريبا 15 درهم ....


والسموحه ...

__________________________________________________ __________

>>>> الرد الرابع :
انزين الغاليه من وين هذا الكريم

واسموحه منكم

__________________________________________________ __________

>>>> الرد الخامس :
أختي ليش من الصبح تحطين أساس وفوقه بودرة ليش تعبين بشرتج؟؟؟

ممكن تفيدج ماركة benefit في فيسسيز منتجاتهم حلوة وتناسب البشرة الدهنية وطبعاً في وايد ماركات
المهم تعرفين شو اللي يفيدج...

وعني أستخدم من ريفلون شئ ما استغنى عنه كريم سائل في أنبوب خفيف ويعطي البشرة إضاءة حلوة...
ومنه ألوان وردي مشمشي ولون ثالث...

حرام تعبين بشرتج وتهلكينها كل يوم بالأساس حاولي تغيرين اللوك كل يوم مرة حطي ثقيل ومرة خفيف ومرة بدون شئ...
والسموحة