عنوان الموضوع : ~*¤ô§ô¤*~ || ديرماكول كفر || ~*¤ô§ô¤*~ لتعتني بشعرك
مقدم من طرف منتديات الضمير العربي
خواتي
هذي اجابتي على استفسار الاخت ريم عن الديرماكول
بس لان الرد يا وايد متاخر وفي اخر الصفحات
خفت ماحد يشوفه فحبيت اعرضه في موضوع يديد عشان الكل يستفيد من المعلومات
هلا حبوبه ....سوري انا ييت متاخره
صح مشغوله شويه ويا الطلبيات
والسموحه من الجميع وبعد .....يايني دور برد شديد واااايد هالمره
وحمى والبارحه رحت للعياده للمره الثانيه
حتى عطوني ابره ....واجلت كل الطلبيات مال يوم السبت انشالله اليوم اقدر اطرشها
سوري يلست اشكي لكم والله
بس عشان تعذروني
ويعذروني البنات اللي تاخرت عليهم بالطلبيات او الرد على الاستفسارات
ـــــــــــ
شوفي الغاليه
الديرمكول ماركة شيكيه والكريم كفر هذا الوحيييييييييييد اللي عندهم سينمائي
يعني تحطينه على البشره ويتم فتره طويييييييله ما يتغير اذا حطيتيه صح وعرفتي تدمجين درجة اللون المناسبه لج
وهو بروفيشنال يعني يبغي حد فاهم في المكياج
لكن لو ما تعرفين للمكياج تحتاجين الى شوية ممارسه وتجارب الى ان تضبطينه
لونه واضح ودرجة تغطيته قويه لهذا السبب لازم تحطين اول مره شويه وعقب تزيدين شوي شوي لين ما تعرفين بالظبط الكميه المانسبه لج
---------------------------
طريقتي انا في استعماله :
انا بشترتي بيضا او حنطيه فاتحه بس ما احب كريم الاساس اللي وايد فاتح احبه يكون طبيعي مع توحيد للون
فاستعمل درجة 213 للنهار احس تعطيني نفس لوني مع توحيد للون لكن ما اكثر منه يعني احط خفيف واخر شي احط بودرة برونزيه او بيج
ورقم 217 للاعراس والمناسبات لونه بيج على مشمشي فاتح وعقبه حطي بودره ديرماكول ضد اللمس و اذا حطيتيه لازم تسوين شيدينق وهاي لايت ((مب لازم طبعا بس هذا رايي وانتي كيفج ))
عشان ما يطلع ويهج مسطوح خخخخخخخ سوري ع التعبير
يعني تحددين تقاطيع يهج واطراف الخشم باللون الداكن بودرة او كريم مثل ما تحبين
انا استعمل بودرة برونزيه حق الشيدينق وبودرة لؤلؤيه حق الهاي لايت
طريقة استعماله للايام العاديه :
طبعا يوميا لازم يكون في ميلك وتونيك وانا استعمل نوع للبشره الحساسه من ديرماكول ممتاز مافيه كحول لانه بشرتي حساسه
وبعدين احط كريم مرطب طبعا انتي لج الخيار مفتوح استعملي اي نوع
انا قبل كنت استعمل كريم مرطب امريكي اسمه لامير وااايد حلو بس سعره ضووو الصراحه
الحين استعمل كريم مرطب من ديرماكول نتايجه حلوه بس للامانه مب مثل لامير
اشوفني برد عليه لوووول اقصد لامير
وبعدين احط على ظهر ايدي كميه قليييله اصغر من حبة الدنقووو (الحمص )
وافركه علشان يذوب بحرارة ايدي وبعدين بطريقة الطبطبه احط كميات قليله بس على كامل الويه
وعلى الرقبه
ولو كنت سهرانه وعندي هالات استعمل ماجيك كونسيلر من ديرماكول حلو حق الهالات
وبعدين اخذ الاسفنجه وابلها شويه ماي واعصرها يعني مب وايد المهم تكون مبلوله شويه
وامسح ويهي عشان يندمدج الكريم كامل
والحلو في الموضوع انه بعد شويه بتلاحظين انج مب حاطه كريم اساس وانه الكريم اندمج مع لون بشرتج الاصليه بشكل رهييييييييييييييييب
وبتنسين انه ها الكريم وبتقولين عيل وين راح كريم الاساس من كثر ماللون يطلع طبيعي وحلو
------------
لو بشرتي صايره جافه من البرد او فيها قشور او مهملتنها فتره مثل الحين بسبب الزكام
قبل ما ابدا بعد روتين التنظيف بالميلك والتونيك
احط ماسك فيتامين سي واخليه اقل شي ربع ساعه بس الافضل اذا مب مستعيله 20 دقيقه
وبعدين اشله واسوي تدليك خفيف للبشره واحط الديرماكول بدون كريم مرطب لانه بشرتي تكون اولردي مرطبه
طريقتي في استعمال الكفر حق الاعراس والمناسبات:
=============================
او شي طبعا كريم وتونيك وبعدين اغسل ويهي بالماي وانشفه
احط ماسك فيتامين سي ممتاز يبرد ويلطف ويرطب وفي نفس الوقت يبيض
واحط ماسكات العيون بالجنسنج على عنوناتي عشان يعطيني بريق ويخفف من الهالات
وبعدين اشل ماسك العيون وماسك الويه واسوي تدليلك مثل ما قلت لكم فوق
واحط كريم كفر ديرمكول بدون المرطب
وبس هذا كل اللي عندي الحين.......المهم انج حق السهرات لو تستعملين الالوان الفاتحه 211 او 212 او 217 ...لاتنسين الشيدينق والهاي لايت عسب يطلع مكياجج بروفيشناااال
وسامحوني طولت عليكم بس لاني بغيت الكل يستفيد من تجربتي الشخصيه مع كريم الديرمكول
ملاحظات على بعض الردود:
الاخت اللي قالت تخلطه مع فير اند لافلي
اممم ما انصحج لانه فير اند لافلي مع طول الاستعمال يخلي لون البشره مب متوحد لانج انتي بهاي الطريقه تلعبين بالميلانين عندج ((الماده الصبغيه )) خخخ ما عرفت اترجمها
واذا تعرضتي للشمس المباشره ممن هالشي يسبب بقع او كلف
سامحيني زيغتج بس انتبعي لها النقطه
ممكن تستعملينه على باقي جسمج لو ما تعرضينه للشمس لكن الويه صعب ما تعرضينه للشمس
---------------
الاخت اللي قالت لا تستعملينه بشكل يومي لانه يضر طبعا مب صحيح ما يضر ابدا مع الاستعمال الصحيح وازالته بطريقه صحيحه كل يوم مع العنايه بالبشره لانه يحتوي على مواد طبيعيه وما فيه مواد حافظه مثل باقي الماركات
-----------------------------
الاخت اللي قالت ان الديرمكول يسد المسامات
كلامها صحيح وعموما هذا مع كل الكريمات والبودره واي مكياج تحطينه على ويهج
عشان جيه مهم جداااااااا وضروري استعمال الحليب والتونيك بشكل يومي اول ما تنشين الصبح من النوم وعند ازالة الميك اب ضرووووري يوميا يعني 365 يوم في السنه ولا تهملين هالنقطه
لان الاحظ وايد بنات يشتكون من القشور وانه بشرتهم تعبانه ومب متناسقه لكن يرتكبون اخطاء في حق بشرتهم ومازالوا مستمرين في الاخطاء وفي الشكوى على نفس الوتيره
وبعد بغيت اضيف انه كريم الديرمكول طبيعي وما يحتوي على مواد حافظه ولها السبب بتلاحظين انه فيه
تاريخ انتهاء بعكس الماركات الثانيه
عشان جيه انتبهي لما تشترين الكريم انه تاريخه بعده صالح للاستعمال
ولا تغترين بالعروض وتشترين كميات ما تحتاجينها الحينه
عشان ما تنتهي في السدات اشتري الكميه اللي بتستعملينها ويوم يخلص خذي يديد بتاريخ مب منتهي
اي سؤال عن الديرمكول حطوه في هالموضع لان صندوق بريدي مليان ويمكن ما انتبه للسؤال وانا في الخدمه
>>>>> ردود الأعضـــــــــــــــــــاء على الموضوع <<<<<
==================================
>>>> الرد الأول :
__________________________________________________ __________
>>>> الرد الثاني :
الغالية ممكن اتحطين الالوان اللي عندج ؟؟
وكيف طريقة الدفع والتوصيل ؟
__________________________________________________ __________
>>>> الرد الثالث :
__________________________________________________ __________
>>>> الرد الرابع :
هلا حبايبي تسلمون على الردود
وانا حاظره لاي استفسارات
بخصوص االوان انا مسويه سواتش وحاطتنهم في الموقع عندي ياريت اقدر انزل الصوره هنيه
المشكله انه على الصوره عنوان الموقع وبيحذفونها من المنتدى لانه ممنوع بيفتكرونه اعلان لوول
لكن بحاول اسوي لكم صوره يديده عن الدرجات
وعماما انصح بها الدرجتين 213 و 217 لانهم احلى شي في نظري
وللبنات اللي شويه بشرتهم اغمق او اللي يحبون اللوك البرونزي
ممكن يخلطون بين هالدرجتين 16 + 17 بيطلع لون طبيعي حلو
اما السمر واااايد يعني اللون الاسود يقدرون يستعملون رقم 16 + 14 بيطلع عليهم واااااااو
اي سؤال انا في الخدمه
على فكره المعلومات هذي ارسلوها لي شركة الديرمكول نفسهم لاني طرحت عليهم اسئله وايد وهم عطوني المعلومات الوافيه
وانشالله اقدر افيدكم في اي معلومه
بس اهم شي الانتباه من الانواع المقلده للديرمكول
__________________________________________________ __________
>>>> الرد الخامس :
رد مع اقتباس
