السلام عليكم ورحمة الله وبركاته..
حبيت اكتب هالموضوع وابارك حق الغالين
(سالم الشقصي - Salem Amigo )
صاحب افضل السيارات المعدله والنادره ومسوؤل المعارض للسيارات الكلاسيكيه في دوله الامارات
و (
حمده بوحشر)
اول معلمه اماراتيه تعلم في مدارس عالميه خارج الدوله واصغر مديره مركز صيفي في 2017
اصحاب الكثير من الانجازات وكل واحد في مجاله الخاص
جمع الله بينهم في تاريخ 30-3-2017 يوم عقد القران
اسال الله ان يبارك لهم ويبارك عليهم ويجمع بينهم بالخير ويبعد عنهم الضر والحسد يرزقهم السعاده والذريه الصالحه يارب..
وبغيت انقل لكم بعض صور الملجه وعسى تفيد اخواتي الي مقبلين على حفلات الملجه ..
اول شي حفلة الرياييل تاريخ 30-3 (يوم التوقيع فالبيت)
تزين البيت كان بسيط وحلو مجرد اليتات محدده على البيت واليتات اللمعه الي عطه البيت منظر جوهوره من بعيد وكان ترتيب الطاولات بالون البيج عشان يكون متناسق مع لون البيت
[IMG]
[/IMG]
وكانت لابسه جلابيه حلوه بالون الازرق الملكي ومدخله قطعه فيها الوان وميك اب بسيط وخفيف
وثاني يوم الحفله 31-3
كانت الكوشه على مدخل البيت فكره ذكيه لانها سوت مساحه زياده فالحوش وكانت مثل الستيج ومرتفعه في نفس الوقت وكان ترتيب الطاولات بالون العنابي
[IMG]
[/IMG]
هذا ستاند الشبكه الفكره جدا عجبتني مسوينها بطريقه مثل محلات المجوهرات وعطت فخامه اكثر للشبكه (ماشاءالله)
[IMG]
[/IMG]
وهذا فستانها كان بسيط ورااقي جدا فالبس بس من رائي لو كان لونه مختلف كان احسن لونه سكري غامج وكانت تبارك الرحمن اميره بالفستان والميك اب جنااان كان عند منال الشامسي والشعر عند راغده (صالون مورا)
[IMG]
[/IMG]
وهذي صورة المسكه من قريب عباره عن بتلات الروز مسوينها على شكل روزه كبيره كانت بسيطه وجدا حلوه فالمسك من عند ارت اند فلور – كانت لابسه حلق احمر كبير وخاتم قبل الشبكه وكان جدا متناسق مع الفستان والمسكه
[IMG]
[/IMG]
وكانت مسويه زفه اسلاميه حلوه باسمها من السعوديه
واتمنى انكم تستفيدون من الموضوع يا عرايسنا اليداد وعقبال كل العزابيه قولو امين .. وابغيكم تدعوون لهم بالخير والتوفيق في حياتهم الزوجيه ^_^
رد مع اقتباس
