عنوان الموضوع : استعدات عروس اكتوبر لجمالك
مقدم من طرف منتديات الضمير العربي

الحمدالله يابنات وبعد معاناة سنوات وحب راقي شريف نظيف اخر صبرنا خير واصبح حبيبي حليلي حفلة حنتي كانت بسيطة جداااا لبست فستان فستقي ضيج عالجسم فش كت وبدون ايادي ورفعة شعري بتسريحة رومانية ومكياجي كان ناعم سويت كل شي في صالون منى اللي في ديرة مجابل حمر عين ونزلت على زفة خليجية باسمي ماعرف منو المطرب بس كانت هدية من احلى عروس فديييتها من كم سنه يوم نطلب لها تدعي حليلها الاغنية كانت رومانسية وايد حبيتها ويوم دخل المعرس اختار اغنية وصلت انا اللي ابيه ويبيني ومعاها شعر و زغاريط طبعا كله سحب موسيقى ويعني اسلامي ماحسيت مره انه يفرق عن الاغاني شعوري يوم دخل ريلي انتفض كنت مستحية اول مره يشوفني جي حتى هو انصدم ماعمره شافني بدون حجاب ومره وحده الفستان عاري ماشي كمام اول ماوقف قال لي شو لا بسه قلت اوه لاتستوي مشكلي قال لي روعه احلى بنت شفتها في حياتي جان استحي زود
المهم انا الحين تقريبا مخلصة كل شي خذت فستان العرس من تركيا بحدود اثناعشر الف البطايق سويت فيهم فكرة بتكون في الكوشه ماسرت للمحل بس رييلي خواته سارو راوهم اللي صممته عدلو عليه وشفت التعديل عيبني بس الله يستر اذا بيسونه نفس الشي وريلي هب طايع اروح المحل ولا قايل لي اسمه ثيم الالوان جولد وبيج وبني وتيفاني لمسات فقط في فكرة اقترحتها لي احلى عروس تتضمن ولد وبنت ومناسبه لثيم العرس تماما كل خواتي عيبتهن الا اختي زيغتني تقول هب شي مال اول مع ان الفكرة جديدة ومربوطة بشي قبل ما ادخل وفي نص دخلتي ومع نهاية الزفة يعني حسيته صدق شي سبشل وحق دخلت ريلي قصيدة بصوته وبعدين اغنية حربية باسمه ويوم بنطلع بتكون اغنية خروجنا توصيه علي يوم سمعنها امي بجت وانا صدق توترت من سمعت الزفه حسيت ان صدق السالفه ههههه من الخرعه عافانا الله من غير زفة الملجة الهدية الاغنية باسمي وفيها اسم الوالد واسم عريسي حبيبي ووايد خليتهم يذكرون النبي وكلمة ماشاء الله فيها وفي حركة بعد حلوة حق قص الكيك مابا يكون روتيني فسوتها لي ناعمه و حلوة قصيدة ريلي واغنيته وبعد اغنية مني ومنا لامهاتنا الله يحفظهم بنفاجئهم فيها مع هدية بعد تناسب ثيم العرس هذا كله طلع علي 3500 مع ان ريلي ماكان طايع كان يبي يسوي اغنية خاصه ونعطيها الحاضرين توزيعات بس مابتكون اقل من 15000 والحمدالله زفتي كانها خاصه وهذا كله اسلامي الحين زهابي خلصته من تركيا واختي يابت لي من لندن اغراض ذهب شريت لي الطقم الرئيسي من الشعيبي وتخيلو ماعرف بكم ماخلتني اخت ريلي اسال الريال مال المحل وخذت لي طقم الماس ناعم ومرتعشة صغيرة وكواشيها وحيولها وخرابيط صغيرة من داماس مكياج خذت بس من ماك وميك اب فور ايفر كريمات وعطور ماخذت وايد لان بتييني هدايا قمصان النوم والبجايم ررررررروعه فتركيا يا بنات شريت لي شنطة ال في و شانيل استاندر وشنطة سوارسفسكي عبايات مافصلت خالتي وبناتها بيهدوني 7 عبايات وبنت خالتي شرت لي ثنتين للسهرة الحمدالله فكوني العبالة جلابيات امي يابت لي من البحرين روعه واسعارهم ببلاش وحق ليلى الحنه بعد لبس روعه ورخيص 2500 بس تخيلن الحين انا محتارة في الحنه منو احسن حناية في دبي او الشارجه ومنوماكيرة غير هستي بس اسعارها احسن وتسلمون يا اغلى سيدات الامارات

>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :
الف الف مبروك اختي والله يتمم لج علي خير يارب
وتكونين احلي عروس في شهر اكتوبر
انا سويت الحنا في صالون العروسه في الشارحه وامس كان عرس بنت عمي تحنت في صالون ليلة حناء خفيف كان وروعه ام اذا كنتي تبين وايد نقش بس طريقة متناسقه في صالون العروسة
ومكيجتني المكيره فاطمة المرزوقي صراحع كلمه روعه شوي علي تتغير و كان مكياجي حلووو و انا يالسه في الكوشه كل اهلي يسألوني منوا مكيجنج اذا تبين رقمها خبريني

وبتوفيق يارب

__________________________________________________ __________

>>>> الرد الثاني :
حلو العرس وحلو جو التجهيزات ولو انه مشوب بتوتر وقلق بس لا تخلين هالشي يزيد عن حده واستمتعي باحلى لحظات عمرك
تعجبني ازياء تركيا جدااااااااا راقيه راقية
لو حابه اسويلك بطاقة الكترونية لعرسك شوفي الرابط بالتوقيع
كل التوفيق لك

__________________________________________________ __________

>>>> الرد الثالث :
الله يوفقج ويرزق كل العزابيات الجميلات

__________________________________________________ __________

>>>> الرد الرابع :
يا حيج والله ربي يسعدج ماشاء الله عليج انا عرسي عقبج بشهر ولا سويت شي بس راعية الزفات لي طريتيها اختي مسوية عندها فنانه لين الحين الكل يمدح زفة اختي شفتي هذا موضوع الزفة بعد ناستنه انا لازم احط لي دفتر و ورقة واسجل كل شي احس عمري متلخبطه ولا سويت اي شي الفلوس في التجوري مادقيتهن حد يساعدني يخطط لي يا بنات

__________________________________________________ __________

>>>> الرد الخامس :
ربي يسعدج