عنوان الموضوع : ..:: ربـة بيت ما تعرف تقلي بيض ::.. اعمال منزلية
مقدم من طرف منتديات الضمير العربي


السلاموو عليكووو..

شحالكن كلن بحاله؟

هههههههههه الموضوع باين من عنوانه
أنا امعرسة من 3 أسابيع الحمدلله
بس مشكلتي ماعرف شي في التنظيف والغسيل والطبخ غير شوية..
يوم كنت في بيتنا ماكنت أطبخ ولا أنظف ولا أغسل إلا ناااادر..
المهم .. بغيت خبرتكم.. بحط بعض الأسئلة وأبا أجوبتكم ما عليكم أمر


1. كيف طريقة غسل الملابس.. ؟ بالتفصيل.. (عندي غسالة أوتوماتيكية اللي تنفتح على فوق)؟

2. إذا شي بقع عالثياب.. كيف أشلها!! لا تقولون حطي كلوروكس ولا فانيش.. لأني جربت وماشي فايدة.. اتم البقع.. ممكن تعطوني خبرتكم في هالموضوع وشو اتسوون بالتفصيل ؟

3. الكنادير والغتر.. كيف تغسلونها وتكوونها؟ شو اتسوون بالضبط؟ وشو سالفة النشااا؟

4. العبي والشيل كيف تغسلونها! وهل في صابون معين حقهم.؟.. تغسلونهم بيدكم ولا في الغسالة.؟

5. إذا شي غبااار عالأثاث.. كيف اتنظفونه! شو اتسوون وشو تستخدموون .. وكيف الطريقة بالتفصيل..؟

6. وشو نوعية الفوط اللي تستخدمونها.. لاني جربت كمن فووطة وكلهم يتركوون خيووط عالأثاث.

وبس. بخلي الطبخ وسوالف الطبخ يوم ببدا أطبخ ههههههههه

هييه صح بس بغيت أعرف جاي حليب والبيض سواء كان مكس ولا عيون كيف يسوونهم؟؟ أدري سؤال غبي بس أبا أعرف وأتعلم :$


حاليا هالأسئلة اللي عندي.. سامحووني أعرف الأسئلة كثيرة وطويلة ويبالها شرح مفصل.. بس لا تبخلوون علي دخييلكم محتااجة نصاايحكم وطرقكم ...

والله ييسر أموركم ويوفقكم في حياتكم

>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :
اب
اب
اب

__________________________________________________ __________

>>>> الرد الثاني :
اولا مبروك والله يهنيج
بس أفا والله هالأشياء لازم تتعلمينها قبل العرس .........بس المهم انج بديتي تسإلين وتتعلمين ...تبين الصدق احسن عن غيرج الي مب مفتكره حتى تسأل وعاقة كل اعتمادها ع البشكارة
المهم بفيدج بالنسبه للعبي استخدميلهم شامبو بعد ماتكون مبلله او شامبو خاص للعبي والشيل
والبقع .......استخدمي طريقة النقع مع الماي والصابون لمدة عدة ساعات....
الباجي عل البنات ان شاء الله يفيدونج

__________________________________________________ __________

>>>> الرد الثالث :
وع الطبخات والجاي حليب وحتى الكسترد ف النت
بس يلا بحطلج نصهم

يلا ييبي ورقه وقلم ولا حفظيهم ف الوورد ..




الكسترد الحار

كوبين حليب فرش- كوبين ماي - ملعقتين كبار كسترد- 3 كلاعق كبار حليب نيدو- شوي ماي ورد - فنجان سكر..

نحطه كل المقادير مع بعض على النار ونحركه لين مايغلط ونحطه في الدله وبس ..
.

.

يلا برب وبرجع مره ثانيه

__________________________________________________ __________

>>>> الرد الرابع :
1. كيف طريقة غسل الملابس.. ؟ بالتفصيل.. (عندي غسالة أوتوماتيكية اللي تنفتح على فوق)؟

غسلي البيض رواحهم،
الفوط رواحهم،،..الخ

2. إذا شي بقع عالثياب.. كيف أشلها!! لا تقولون حطي كلوروكس ولا فانيش.. لأني جربت وماشي فايدة.. اتم البقع.. ممكن تعطوني خبرتكم في هالموضوع وشو اتسوون بالتفصيل ؟
بعض البقع ما تخوز ،، فأودي الملابس الدوبي أفضل

3. الكنادير والغتر.. كيف تغسلونها وتكوونها؟ شو اتسوون بالضبط؟ وشو سالفة النشااا؟
ما أغسلهم مع بعض،،، الكنادير في صوب،، والغتر في صوب،،
وفي الكوي ،، ارش نشا عشان تكون الغترة يابسة من فوق،،
ترشين شوي و تكوين.. وبس..


4. العبي والشيل كيف تغسلونها! وهل في صابون معين حقهم.؟.. تغسلونهم بيدكم ولا في الغسالة.؟
اغسلهم مع بعض،، مافي شيء معين،، اغسل في الغسالة بس احط داوني و تايد
ويوم أكوي العباءة،، اكويها بالجلب..

5. إذا شي غبااار عالأثاث.. كيف اتنظفونه! شو اتسوون وشو تستخدموون .. وكيف الطريقة بالتفصيل..؟
بقطعة شوي مبللة

هييه صح بس بغيت أعرف جاي حليب والبيض سواء كان مكس ولا عيون كيف يسوونهم؟؟
بالنسبة لبيض عيون وايد سهل،،
بس حري الزيت، بعدين اكسري البيض ،،، ويوم يستوي من تحت شوي غامق،، اجلب البيض عشان ينطبخ الصوب الثاني :*)

__________________________________________________ __________

>>>> الرد الخامس :
وحليلج والله .. رجعتيني سنه ورا .. يوم عرست .. كنت صج طمطمه مول ما اعرف لا اغسل ولا اطبخ ولا اي شي

المهم .. انا شراتج شريت غساله اوتوماتيكيه لاني ما اعرف للعاديه خخخخخخخ

عادي اتحطين الملابس البيضا رواحهن والملونه رواحهن .. وانا اغسل ملابسي بروحها وملابس ريلي بروحها

والفوط بروحهم مب تخلطين كل شي خخخخخخخخخخ

بالنسبه للعبي والمخاوير اجلبي الكندوره يوم تعقينها بالغساله .. عسب ما اتطيح الفصوص

وشو بعد اممممممم ... استخدمي كوب ( قلاص جبن عود) تايد ..

والعبي شي شامبو خاص للعبي والشيل عقيهن فالغساله عادي بس اجلبيهن


البقع ما تروح ياختي خصوصا الجاي حليب اتوهق في ثياب ريلي ما يطير منهن الوصخ خخخخ

الغباااااااار خذي لج فووطه اي فوطه صغيره وبلليها بماي وصبي فوقها كونفورت ولا داوني وفركي الاثاث والكباته بتطلع الريحه واو

والجامات نظفيهن بمنظف الزجاج بس امسحيهن بجرايد لان الجريده ع قولتج ما تترك اثر ولا خيوط ع قولتج

الحمام خليه دوم يفوح ديتووووول انا احس اللي ما فيه ديتول وصخ لو شو ما انغسل

حطي شرات السله الصغيره بالحمام فيها ديتول وبخاخ ديتول للاسطح وغسول الايد مال ديتول ومناديل ديتول..

يعني العده مال ديتول كلها .. واذا ما ترومين اتغسلين الحمام كل يوم ولا تتعايزين رشي الاسطح في بخاخ ديتول وخلصنا خخخخخخ انا جي اسوي ..

واشتري هاذيل القطع الملونين الدوائر نسيت اسمه بعد واحط منهن في البانيو وفي المغسله

وشاريه معطر الجو يعطر بروحه كل 10 دقايق وكل مره اغير الريحه

احب اهتم بالحمام ياخي خخخخ

بالنسبه للطبخ
انا موووووووووووول ما اعرف اطبخ بس ريلي يغمضني يوم يقول يوعان ويسير يقول لخواته وامه سوي لي شي يوعان

احس فخاطرهم يقولون ليش معرس مالت ع حرمتك خخخخ

اتعلمت اسوي جاي حليب وبيض مقلي بس دوم ينتقده يقول لي مره محروق ومره مال زلمات ومره شكله لوعه بس يلا الله كريم خخخخ

وبيض مسلووووق واقلي له برجر وبطاط جاهز خخخخ

بالنسبه للجاي

اتييبين جدر وتسوين فيه ماااااي بس مب تترسين الجدر لين النص يعني

وفنيان سكر وفنيان ورق جاي وتصبينهم فيه وتخلينه لين يفور وعقب تصبينه بالدله

والبيض

اتصبين فالتاوه زيت تترييين لين يسخن شوي وتكسرين بيضه في صحن صغير وتسوين ملح شوي فيها وتخلطينهم وتصبينها بالزيت اتمين اتجلبينه لين اتحسين استوى اتبندين الغاز وتشلينهااااا


بس

هو سهل بس نحن طمطات وخصوصا الطبخ مول ما افلح فيه خخخخخ\

بعد هالهذربان اتمنى اني افدتج