عنوان الموضوع : جتني بحلمي شعر جميل
مقدم من طرف منتديات الضمير العربي
جتني بحلمي تسأل الحال وش فيه
ودها تطمن وش جرالي بالايام
عقب الغياب اللي مضى مع لياليه
حالي تدهور واكثر الوقت ما انام
شفت الحزن بعيونها بان خافيه
واسترسلت بالدمع من كثر الاوهام
سألتها ليه الجفا دوم تبديه
قالت ترا ما هو جفا يابن الاكرام
لكن واقعنا عسى الله يسويه
لو صد فيه اهل الهوى طيرهم حام
اللي منعني عنك حكما اعانيه
والا انت نور العين والرب علام
متى على الله نلتقي قولي اوكيه
قالت ظروف وكل شي له احكام
قلت اسمعي هرجا على الكل ما ابديه
هرجا كتمته ما درى فيه لوام
عهدا عطيتك ياه ماني بناسيه
لا والذي سواك قايد للاروام
والهم من فرقاك للحال طاويه
شوفي بعينك باقي جلد وعظام
قالت تصبر والصبر دوم يقفيه
امر الفرج والرب داري بالاحكام
قلت اوعديني بعدكي ما تعيديه
وتسعي لوصلي مثل وصلك للارحام
قالت وعد باعطيك والله ما خليه
بس اعذر ظروفي ترا الوقت ظلام
قلت ابشري بس البعد لا تخليه
يسوقني يابنت في درب الاعدام
واللي خلقنا ودايم الوقت نرجيه
اني بوسط القلب باني لك خيام
وضميتها والدمع سالت مجاريه
متخالط بالدم من عدة اعوام
وفزيت من نومي وانا اقول لبيه
والا السوالف يا عرب كلها احلام
ما غير اهوجس كل ساعة بطاريه
مثل الغريب اللي من الوقت منظام
مدري جفا والا زيادة مشاريه
وانا ما طاوع كل حاسد ونمام
ما قول غير الله يرده لغاليه
واسلى اليا شفته ويبرن الألام
مما راق لي
>>>>> ردود الأعضـــــــــــــــــــاء على الموضوع <<<<<
==================================
>>>> الرد الأول :
جتني بحلمي تسأل الحال وش فيه
ودها تطمن وش جرالي بالايام
عقب الغياب اللي مضى مع لياليه
حالي تدهور واكثر الوقت ما انام
تسسسسسلم يمينك على احلا ابيات
يعطيك الف عافيه
__________________________________________________ __________
>>>> الرد الثاني :
الاطلال
الابيات رائعه ..
يعطيك ربي الف عافيه
صح لسان الشاعر ..وسلمت يمينك.. وذوقك الراقي..
تحياتي..
نوران فلسطين
__________________________________________________ __________
>>>> الرد الثالث :
قصيده اجمل ما قرات عينى واحلا ما احس قلبى كلماات
اطربتنى بحسااس صادق وعواطف جياشه هنيئاا لكل
.. عاشق احب تحياتى يا ذوق اختكم..
$$ لحظه شموخ $$
__________________________________________________ __________
>>>> الرد الرابع :
الله الله ...
احترت من وين ابدي ومن وين انتهي ..
ابيات كلها احلى من الثانيه .. تسسسسلم يمناااااااااااااااك
يعطيك العافيه اطربت مسامعنا باللي خطته لنا اناملك .. قواك الله
تحيااااااااااتي ..
__________________________________________________ __________
>>>> الرد الخامس :
كلمات رائعه تسلم علي الاختيار
تحياتي
رد مع اقتباس
