عنوان الموضوع : إي والله أوله عليك من شعر الخليج
مقدم من طرف منتديات الضمير العربي
إي والله أوله عليك
إي والله أوله عليك .. إي والله اشتاقك
***** إي والله إن الوله فاتح لك ابوابي
ولهان ما هو حكي .. يستعطف إشفاقك
***** ولهان اكبر .. من استعطاف وعتابي
وشلون ما وله وانا من ساعة فراقك
***** وصورة آخر لقا معلاقها أهدابي
كل ما عيوني غفت .. حنيت لعناقك
***** وارخيت كوع الصبر .. يتوسد عصابي !
و كل ما نهاري طلع .. ظنيته اشراقك
***** عيني على النافذه وايدي على بابي
معقول ما حس بي للحين خفاقك
***** وانا لو إنك بكيت .. أبتلت ثيابي
أحس بالآه واسمعها من اعماقك
***** قبلك .. وعيني تهل الدمع صبابي
وانظر سوايا الاثر في خد عشاقك
***** صوره تجسد غلا في الروح ينسابي
شعور عاشق معك ويموت مشتاقك
***** عنده تساوى الوله في قرب وغيابي
عبدالله صالح العمري
>>>>> ردود الأعضـــــــــــــــــــاء على الموضوع <<<<<
==================================
>>>> الرد الأول :
الله الله يا عبد الله ,
ليتها لم تنته , فالغرق في لجج هذه الأبيات كان لذيذا ,
حرت أي لآلئها أنتقي , لكن شدني بريق الشوق هنا :
المشاركة الأصلية كتبت بواسطة وشلون ما وله وانا من ساعة فراقك
***** وصورة آخر لقا معلاقها أهدابي
كل ما عيوني غفت .. حنيت لعناقك
***** وارخيت كوع الصبر .. يتوسد عصابي !
و كل ما نهاري طلع .. ظنيته اشراقك
***** عيني على النافذه وايدي على بابي
معقول ما حس بي للحين خفاقك
***** وانا لو إنك بكيت .. أبتلت ثيابي
صح لسانك ,
و شكرا أن أتيحت لي معانقة أبياتك من جديد,
__________________________________________________ __________
>>>> الرد الثاني :
قصيدة رائعه كما تعودنا منك
صح السانك و يسلم بنانك
تقديري لك و لقلمك ..
__________________________________________________ __________
>>>> الرد الثالث :
وشلون ما وله وانا من ساعة فراقك
***** وصورة آخر لقا معلاقها أهدابي
كل ما عيوني غفت .. حنيت لعناقك
***** وارخيت كوع الصبر .. يتوسد عصابي !
قصيده جميله وابياات رااائعه
ودووم متميز ما شاااء الله عليك
ورااقت لي جميع أبيااتها
ودااام قلمك ودااام نبض قلبك
تسلم ألأيااادي وبعطيك العاااافيه
__________________________________________________ __________
>>>> الرد الرابع :
صح لسانك
يعطيك الف عافيه
دمت بتفوق
__________________________________________________ __________
>>>> الرد الخامس :
الاخوه والاخوات الكرام
الاستاذة زينب المرزوقي / الاستاذة مزون شمر / الاستاذة رؤى / الاساذ طير القوافي
وكل من مر منها أو سوف يمر اقول مروركم
اضافة وتشريف وتعليقكم شهادة وتكريم لكم خالص محبتي
تفداكم عيوني وتفداكم الروح
* ياللي على منشوري اتحطوا اعجاب
إعجابكم والراي .. من غير ما بوح
* يظفي على حرفي من الفخر جلباب
وآنا لكم عمرت في قلبي صروح
* حب وغلا من وسطه الشوق ينساب
ورضا خواطركم .. لي آمال وطموح
* واذا رضيتوا .. للفرح تفتح ابواب
رد مع اقتباس
