عنوان الموضوع : للي زار النمسا ... فزعولنا تعليم الامارات
مقدم من طرف منتديات الضمير العربي

السلام عليكم و رحمة الله و بركاته

خواتي العزيزات .... بغيت منكن معلومات عامه عن النمسا و احلى الاماكن السياحية في أحلى المدن


المطلوب منكن ................ إللي راح فقط ووصل النمسا( المجرب غير تراه)

نبا معلومات وافيه عن:
- اسعار التذاكر لسنة 2017 جان حد يعرف( الاتحاد او الامارات)
- أحلى المدن إللي تستاهل ان حد يزورها و يبات فيها ؟؟
- عن الفنادق ... مع سعر الليله؟
- عن الاماكن السياحية إللي قرب الفنادق إذا كان شي؟
- اسماء المراكز التجارية و إذا تقدرن توصفنهن بشكل بسيط؟
- إذا فيه ارياف او شي
و أهم شي درجة الامان و هاذي بنعطيها من 10 ...مثلا 8/10

باختصااااااااااااااااااار كل إللي تعرفنه و ياليت يكون بوصف دقيق عشان محد يكون عنده لبس او شي

ادري ان موضوعي يباله عثره شوي ... لكن و الله محتاجين نعرف اكثر عن النمسا
و مشكورين على الفزعه و الفايده .... و ان شالله الكل يستفيد

>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :
انا بعد بسريها السنه و انشاء الله ايفيدونج اللي راحو عشان استفيد
ويسعدني اكون اول وحده اترد عليج ولو اني مافدتج
الله يوفقج

__________________________________________________ __________

>>>> الرد الثاني :
الله شو اقولج عن النمسا هاي احلى بلده عندي مدينتي احبها واااااااااايد عندج الشتاد بارك -وحديقة البراتر-وورينج-ساحتها التكاسي اغلبيتهم عرب-عندج مولاتها -سفاري بارك --فندق الامبريال -والماريوت جريب الساحه الاسعار على مااعتقد زادت يمكن الليله 1500 بس شو في المكاتب الساحيه والتذكره 3800 او اقل اذا انتي من ابوظبي سيري بالاتحاد -واذا انتي من دبي طيران الامارات ---الامناطق الريفيه عندج زلامسي ومنطقة سالزبروغ وعلى فكره زلامسي جريبه من ميونخ تقريبا 3 ساعات بالسياره-وجريبه من جنيف وسامحين على القصور مولاتهها مااذكر اساميها بحاول ايبهم لج انشاالله وجوهم حلو على الاقل احلى من جونا وشكرا

__________________________________________________ __________

>>>> الرد الثالث :
مدغوشه ادخلي بوابه النمسا اكيد فيها معلومات

__________________________________________________ __________

>>>> الرد الرابع :
النمسا احسها لمعاريس خخخ لانها هاديه ورومنسيه ...احنا سرنا منتطقتين فيها .. فينا وزلمسي .... وهالسنه انشالله بعد ع زلمسي ... لان فينا ما حسيت فيها شي يستاهل
...الا ساحه ستيفانز اظن جذه اسمها ...واذا بتسيرين زلمسي حلوه بس ترا حدها 3 ايام ...زورى فيها الشلالات واتحوطى في اسواقها الشعبيه واتمشى عالبحيره ... جوها عجيب غريب ...عن الاسعار ..ماقدر افيدج بالضبط بس لو اتسيرين عند مكتي سياحه اكيد بيرتبلج باكج وبيعطيج الاسعار بالضبط

__________________________________________________ __________

>>>> الرد الخامس :
- اسعار التذاكر لسنة 2008 جان حد يعرف( الاتحاد او الامارات)
على الإمارات شهر 8 الدرجة السياحية = 3600 درهم

- أحلى المدن إللي تستاهل ان حد يزورها و يبات فيها ؟؟
فينا - سالزبورغ - زيلامسي

- عن الفنادق ... مع سعر الليله؟
الفنادق أسعارها تختلف حسب المكان و حسب المستوي اذا 4 نجوم ولا 5 نجوم ولا 3

- عن الاماكن السياحية إللي قرب الفنادق إذا كان شي؟
الاماكن السياحية هذي بروحها سالفه و يبالها موضوع كامل خخخخخ بس لازم تحددين المناطق اللي بتزورينها و بنخبرج ان شاء الله بس النمسا بشكل عام دولة سياحيه من الدرجة الاولى

- اسماء المراكز التجارية و إذا تقدرن توصفنهن بشكل بسيط؟
فينا ما عندي خبره فيها .. زيلامسي مافيها مراكز بس سوق بسيط .. اما سالزبورغ فيها محلات حلوه و عندهم شغلات غريبه و مميز في المدينة القديمة

- إذا فيه ارياف او شي
النمسا اصلا معظمها أرياف و بالذات اقليم Tirol و زيلامسي قرية ريفية في احضان الطبيعة الخلابه و البحيرات .. و تقدرين تسكنين فيها و تطلعين المناطق الريفية اللي قريبه منها

و أهم شي درجة الامان و هاذي بنعطيها من 10 ...مثلا 8/10
الأمان اعطيج 10/10 بس حاولي ما تتمشين بروحج الفليل بعد الساعه 9 احسن و يوم بتطلعين بعد هالحزه اطلعي ويا ريلج او ويا جماعة حريم اذا كنتو كم عايله .. الاحتياط واجب


و السمووحة على القصور ^_^