عنوان الموضوع : بخبركم شو هو (( جهاز القارمن )) ينفع للسفر ،، احتياجات خاصة
مقدم من طرف منتديات الضمير العربي
السلام عليكم ورحمة الله وبركاته
شحالــــــــكم بنات
في وايد بنات سألوني عن جهاز القارمن وفي منكم يعرفونه وفي منكم ما يعرفونه بس اكيد الشباب يعرفون لهلان يخص السياره المهم انا بس بغيت اوضح ها الشي للخوات ومدى استفادة ها الجهاز في السفر لان وااايد ينفع .. وخاصه للي ما يعرفون يتكلمون اللغه الانجليزيه ماعليهم الا ان يرتبون امورهم من هني ويطلعون الاماكن والفنادق وبس وياخذون ها الجهاز طبعااا ها الجهاز ينفع للسياره وللمشي نحن نستخدمه اكثر شي يوم نسافر النمسا لان هناك نستأجر سياره خاصه فينا .. وتقدرون تخزنون كل المناطق اللي بتزورونها
الجهاز اللي مثل ها في الصوره بس طبعااا في انواااع واشكال واسعار مختلفه وهوو باللمس
ونحن عدنا مثل ها اللي في الصوره وسعره بـ 2200 درهم هاذا اخر واحد نزل وهو ثلاثي الابعاد ويطلع لج كل شي بالتفصيل والصوره وااضحه (( وهاي طريقه وضعه في السياره )) بس اللي عدنا بما انه يديد بس فيه خريطة الخليج وقالوا لنا تعالوا بعد اسبوع بتنزل الميموري مالت خريطة أوروبا وطبعاا الحين نزل لان نحن من شهر ماخذينه اللي عدنا نحن حاطينه في السياره ومن نوصل دبي نحط ع قائمه المطاعم يطلع لج كااافه المطاعم سواء عربيه ،، بحريه ،، ايطاليه ،، ماكولات بحريه ،، يابانيه ،، مكسيكيه ،، فرنسيه ،،...........الخ ونضغط ع اللي نباه ونختار اي اسم من اسامي المطاعم ويدلينا المكان يعني حتا في بلادنا مفيد
وع فكره بنات في بعض التلفونات فيها ها برنامج القارمن
************************************************** ****************************************
بعطيج مثااال
وبعطيج امثله مثلاا من توصلين البلاد اترجمين القارمن باللغه العربيه وتحطين البلده مثلاا Austiria والمنطقه Zellamsee وع طووول توصلون زيلامسي ومثلاا انتي تبين تعرفين شو من المطاعم موجوده عدالج او الفنادق بس تضغطين ع مكان المطاعم او الفنادق ويطلع لج كافه الفنادق والمناطق اللي حولج وكم كيلوا تبعد عنج وهو يدليييج بكل شي بس انتي تكتبين اسم اللي تبينه او الاحداثيات..
بعد عندي مثااال :: انا وريلي كنا في منطقة زيلامسي واتصلت فينا خالتي وقالت زورونا في هولندا والفرق بين زيلامسي وهولندا 8 ساعات وطبعااا نحن مانعرف الدرب ،، بس شو سوا ريل خالتي سجل الاحداثي مال الفندق مالهم وعطانا الاحداثي اللي هو عباره عن ارقام ونحن سجلنا الاحداثي في القارمن اللي في السياره وضغطنا وتوكلنا ع الله وفي الدرب بالضبط 8 ساااعااات ووصلنا المكان المحدد
************************************************** ***************************************
اتمنى اني وضحت لكم ها الشي
ونسيت اقول انا عندي مثل الكتااب منزلتنه من منتدى ( زاد المسافر ) فيه احداثيات للفنادق والمطاعم والاماكن السياحيه لدولة النمسا (( زيلامسي وفينا وسالزبورج )) ...
ها كله من فضل الله ومن ثم فضل (( رجل شرقي )) من منتدى زاد المسافر هو اللي مسوي ها الكتاب
$$$$$$$$$$$$$$$$$$$$$
اللي تبى تنزل ها الكتاب بقولكم الطريقه
$$$$$$$$$$$$$$$$$$$$$
بنات بليز اللي ادش الموووضوع اترد عليه وان شاء الله ما احرمكم من يديدي
بنات انا ماابا شي غير دعواتكم (( ان الله يرزقني بتوأم وان الله يوفقني في حياتي ))
>>>>> ردود الأعضـــــــــــــــــــاء على الموضوع <<<<<
==================================
>>>> الرد الأول :
مشكوره حبيبتي ... وهالجهاز وايد مفيد .... ابوي دايما يستخدمه في سفراته ...
و انا تلفوني نيفيقيتر مب رايمه اودره لأنه ينفعني يوم نضيع مكان او ما ندله ...
تسلمين يا قلبي والله يرزقج توأمـ ( بنت وولد ) ^_^ ويوفقج في حياتج ويسعدج طول العمر
__________________________________________________ __________
>>>> الرد الثاني :
المشاركة الأصلية كتبت بواسطة missuae3003
مشكوره حبيبتي ... وهالجهاز وايد مفيد .... ابوي دايما يستخدمه في سفراته ...
و انا تلفوني نيفيقيتر مب رايمه اودره لأنه ينفعني يوم نضيع مكان او ما ندله ...
تسلمين يا قلبي والله يرزقج توأمـ ( بنت وولد ) ^_^ ويوفقج في حياتج ويسعدج طول العمر
هي والله ها الجهاز وايد ينفع
تسلمين الغاليه ع الرد والله يوفقني ويوفقج يارب
__________________________________________________ __________
>>>> الرد الثالث :
جهاز القارمن روعة وجدا مفيد....نحن آخر سفرتين لنا في أروربا أجرنا سيارة وكان عندنا الجهاز...وفعلا يسهل الموضوع وتحسين بمتعة اصلا وانتي تسوقين في اوروبا
__________________________________________________ __________
>>>> الرد الرابع :
جهاز القارمن روعة وجدا مفيد....نحن آخر سفرتين لنا في أروربا أجرنا سيارة وكان عندنا الجهاز...وفعلا يسهل الموضوع وتحسين بمتعة اصلا وانتي تسوقين في اوروبا
تسلمين الغاليه ودعواااتج حقي
__________________________________________________ __________
>>>> الرد الخامس :
الله يعطيك العافيه
انااا كنت محتاجة لهل المعلومات والله ماقصرتين
والله يرزقج الذرية الصالحة وتوام بعد
رد مع اقتباس
