السلام عليكم خواتي
اليوم بغيت احط لكم صور عن المطعم التايلندي bangkok town
المطعم هذا في الشارجه صوب البحيره خلف سينما الماسه
بسيط بس اجواءه رومانسيه واااااايد
و اكله تايلندي بحت بدون تحريف لووووووووول
بس اسمحولي الصور مظلمه لأن بالفون
و هناك ماشي اضاءه كافيه كله ليتات صفر (أجواء رومانسيه)
هذا جزء من المطعم
طبعا احنا يالسين في كابينة العوايل
و كان فيها مجسم على شكل حرمه تايلنديه لابسه الزي الوطني مالهم
و أول شي قدمولنا الشوربه البحريه بطريقه حلوه بحيث اتم ساخنه
و هاذي الشوربه من قريب
و اول شي طبق المقبلات مالي عباره عن سبرينج رول
و المقبلات اللي طلبها بو الشباب عباره عن ربيان و كلماري مشوي
و هاي صوره جماعيه و طبعا لازم آخذ من عنده شوي خخخخخخخخ ( لقافه )
و الحين الاطباق الرئيسيه عباره عن نودلز بالدجاج و المكس رايس مثل الاكل الصيني تقريبا
بس العيش مالهم وردي ليش ما اعرف و النودلز مالتهم عريييضه
و هاي صوره النودلز مالي عن قرب
و آخر شي الحلو
عباره عن عيش تايلاندي مطبوخ في ماي الناريل ( جوز الهند) فوقه حليب مكثف مع المانجو
الصراحه طعمه غريب شوي بس لذيييذ
و اتمنى يعجبكم موضوعي و تزورون المطعم لأن الحلو فيه انه تايلندي ميه بالميه الاكل و الاجواء
و العاملين فيه
اتريا تعليقاتكم و ردودكم الحلوه