عنوان الموضوع : منتجعات جزر الفطيسي التابع لابوظبي لعشاق السياحة
مقدم من طرف منتديات الضمير العربي
بنات منو زارت هالجزر وشورايكن فيها الحين عشهر 5 الجو حار ؟
بليز ردو علي
>>>>> ردود الأعضـــــــــــــــــــاء على الموضوع <<<<<
==================================
>>>> الرد الأول :
مرحبا اختي.. انا زرتها من كم شهر بس ماانصحج فيها صدق ان اتحسين بتغيير لأنج اتسرينلها بالطراد لكن للأسف وايد وصخة وفيها وايد حشرات عجيبة وغريبة والمصيبة الأكبر يوم كنت يالسة مع ريلي عند باب الشالية ليش مايربع صوبي فااااااااااااار ويدخل الشاليه وانا وين اتحصليني طبعن عافدة فوق الشبرية الله يغربله زين ماعق اللي في بطني واليزيرة وايد كبيرة ياخذونج برحلة اذا تبين فالباص ب250 درهم وياريت اتشوفين شي عاده كلها اصبخه ومقبرة ومسييد جديم وحديقة الحيوان فيها احمستين وحمار وكمن ديايه وفيها سياكل للإيجار بس طبعن مب حقنا ماتخيل شيلة وعباه وراكب سيكل وهذا مختصر رحلتنا التعيسة.. قلت بسير اغير جو لأني كنت حامل واملعوزني الوحام لو كنت يالسة فالبيت اخير..
__________________________________________________ __________
>>>> الرد الثاني :
ضحكتيني ام غايه جان سرتي تطالعين الحمير كككككككككككككككككك
__________________________________________________ __________
>>>> الرد الثالث :
ههههههههههه اسميني ضحكت يا um_ghaia الله يغربل عدوج .. احسج تكتبين وتقولين اووووووف خخخخخخ
__________________________________________________ __________
>>>> الرد الرابع :
وحليلج ماتستاهلين الروع الى ياج من الفار خيرها فى غيرها
__________________________________________________ __________
>>>> الرد الخامس :
بصراحة اعتقد لو في اهتمام بالجزيرة بتكون روعة هذا كلام بوعيالي
أنا ندمت لما رحت لا وبعد كنا حاجزين ليومين
بس احلى شي صبرني انه انا وزوجي بروحنا كنا على وجه الجزيرة
شعور حلو بس بالليل مخيف خخخ
رد مع اقتباس
