عنوان الموضوع : قصتي عزباء ومعرسه ومطلقه لحياة سعيدة
مقدم من طرف منتديات الضمير العربي
السلام عليكم ورحمة الله وبركاته
شفت كثير قصص هني المطلقات يشتكن بصراحه كلنا نتمنى الامن والامان والحنان والعطف
ولو الزواج مابيوفر هالاشياء او حتى نصها احس انه ماله اي قيمه .
عن نفسي عشت حياه مريره مع زوج الام ومن عقبها مع زوجه الاب وماادراك مازوجه الاب المهم عانيت وااااااااايد
وقلت بكره لما اعرس بستنانس وبطلع من هالوضع يعني بتتغير حياتي لو مب للاحسن ميه بالميه اقل شي 50 %
المهم وجات الايام ونا انتظر الفارس الملثم
ويا الاخ المعرس المهم رضيت بالقليل قلت اقلهم مهورا اكثرهم بركه ولا شفت بركه ولا مسعده المهم
بداءت شوي خلافات قلت ماعليه كل بيت فيه خلافات ومشاكل ونحن اغراب عن بعض لازم شي طبيعي يصير شوي احتكاك
خليني اصبر بكره بتتغير الامور ومر بكره وبعده وشهر وشهرين وسنه وسنتين والاخ مثل ماهو وبالعكس ازداد اهماله لي يغيب
بالايام والاسابيع وتوصل لشهر ولما يجي يقول طلع لي سفره مفاجاءه ويتم ساعه وساعتين ويطلع ونفس الايام تمر والاسابيع لين يشرف مره ثانيه طبعا مع الايام ماصار يصرف اصلا من اساسه ماكان ملتزم بمصروف محدد ولا علاج ولا احتياجات الخاصه وقلت ماعليه انا اشتغل وممكن يمر بضروف وقلت له خلاص انت عليك الايجار ونا برتب امور البيت ومصروفي من راتبي على اساس لين تتحسن ضروفه بس الزوج استغل هالنقطه واعتمد عليها ونا راتبي بسيط جدا ومع هدا ماكنت اكلف عليه لو طلبت منه شي معين ولا فلوس يقول بكره بعده بكره بعده لين يطوف العرس او الحدث الي اريد عشانه الفلوس مرات يعطيني ميتين خمس ثلاث ميه يعقها ويطلع بعد اسبوعين ثلاثه شهر يعق ميه ميتين ويطلع مايدري عن امراضي ولا علاجي ونا اقول الحياه تساعد الميزه الوحيده انه ماكان يهيني ولا يضربني ولا هو سي وكانت اني عايشه ببيت بروحي هدا اهم شي بحياتي عشان المشاكل والضروف الي عشت فيها قبل لكن صار بعد الايجار مايدفعه ويماطل وياجل ويحرجني مع الناس واتم اتسلف وادفع ولما يجيب اهو اسدد انحطيت بمواقف محرجه وايده بسببه انتقلت لبيت ثاني وهو شرد ماصار يرد عليه لما اقوله لازم نطلع حطني بموقف محرج مع اهلي لان الناس مال البيت الاول بيهدونه وينتظروني اطلع وكنت اتصل عليه مايرد ولا اي شي ولا اجاء ولا شي عارف اننا لازم ننقل وناخد اغراضنا لكنه تجاهل كل اتصالاتي ومسجاتي له ولا كان يرد حتى بمسسج وتم غايب شهرين ونا اطريت ادور بيت واحوط من هنيه وهنيه لين حصلت وكنت اتنقل مع الرجال اشوف بيت هنيه وبيت هنيه وبعدين مع الباكستانيين انقل اغراضي للبيت الجديد حست كم انا رخيصه عند هالزوج الي مب عارف انا شو ضروفي من هالنقطه كرهته والله هالمواقف مب لازم ايحطني فيها ابدا ولكنه حطني قصه طويله توجع قلبي ومرضت وايد وطبعا ماكان متواجد مرات اخاف اني اموت وماحد يدري عني اهلي يحسبون اني سعيده مع زوجي ونا اخبي عليهم الهم الي انا فيه بحيث ان للبيوت اسرار وكان عندي امل يصير تغيير الحضن الي كنت اريد اهرب له واحس فيه بالامان وعدم الحاجه اهو اكبر حضن انصفعت منه على كل حال بدات تفكيره الطلاق تحوم بخاطري ترى معلقه انا لامتزوجه وسعيده ولا حتى نص سعيده ولا مطلقه لا مصروف وتوفير احتياجات ولا حتى اولاد شو وجوده بحياتي تميت جي احارب نفسي لين بالاخير قلت له مدام جي حالك مابتتغير طلقني طبعا كانه ماصدق جاته من السماء قال ضروفي ماتسمح واعرف اني مقصر معاج واني ظالمج بس ماقدر مابيدي شي قلت انت رجال تقول مابيدك شي عيل انا الحرمه شو اسوي فوق كل هالصبر الي صبرته ومامبين بعيونك اخر شي قلت ليش اضيع عمري جي على الفاضي ----- تعبت بصراحه وبخبركم البقيه عقب لاني بسير البيت عندي طبيخ سلام ياحلوات
>>>>> ردود الأعضـــــــــــــــــــاء على الموضوع <<<<<
==================================
>>>> الرد الأول :
الله يفرجها عليج في القريب العاجل
__________________________________________________ __________
>>>> الرد الثاني :
الله يفرج همك ياااارب ... نترياااج تكمليين بااقي القصة
__________________________________________________ __________
>>>> الرد الثالث :
الله يفرج همج يا رب وهم كل المسلمين
__________________________________________________ __________
>>>> الرد الرابع :
__________________________________________________ __________
>>>> الرد الخامس :
الله يفرج همج وايسر دربج كملي مب تنسين
رد مع اقتباس
