عنوان الموضوع : خبز خمير بس بالطريقة القديمة طريقة قوطي الماكنتوش والطابي المسطح المطبخ الاماراتي
مقدم من طرف منتديات الضمير العربي

السلام عليكم خواتي
امس كان عشان خبز خمير من ايدين امي الله يخليها طبعا امي ما تحب تستخدم جدر الخمير الي بالكهرباء تقول انها اتحس اني ريحة الخمير تطلع مب حلوة وتكون جنها فطاير مب خمير بس الطريقة القديمة وهي الاصل تعطي الخمير ريحة عجيبة وتخلي طعمة لذيذ جدا جدا جدا جدا جدا جنه مستوي على حطب السد والحمد لله انا وخواتي مشينا على نهج الوالدة وحبيت اصور لكم الخطوات علشان الكل يستفيد
نبدا بالمقادير اولا شي
طحين جيلة ونص
حليب بودرة 2 ملعقة كبيرة
شوية زعفران
فنجال سكر
شوية ملح
وماء على حسب الطين يعني لي تتكون عجينة تلصق باليد
وطيحن لتقطيع العجين (لأنة يلزق)

[IMG][/IMG]
نقطع العجين بالطريقة هذي

[IMG][/IMG]
ونرصهم في صينية بالطريقة هاذي

[IMG][/IMG]
يتكون جدر الخبز من قطعتين اول شي قوطي الماكنتوش وثاني شي الطابقى المسطح الي له ايد
بعد ما تفردين العجين تبلين صوب واحد بالماي وتلصقينة على الطابي وتدهنينة بيض مثل ما واضح في الصورة .


[IMG][/IMG]
بعد مرور اقل عن دقيقة نجلبة ولا تخافين ترى ما بطيح الخبزة لأنها لازقة بماي


[IMG][/IMG]
ونتريا عليها لين تحمر بهذي الصورة


[IMG][/IMG]
نحطهم في مله مبطنه بقصدير

[IMG][/IMG]
شوفو كيف تنفتح بسهولة نصين يعني نقدر نسوي سندويشة فيها جبن او عسل وزبد او (كاكاو كتكات +جبن فيت ابيض) خلطتي الرهبية وريحة الخبز فضيعة جدا جدا جدا جدا جنه مستوى على حطب

او ممكن تاكينة ويا
-
-
-
-
-
-
-
-
-
-

[IMG][/IMG]
زبدة وجبن وعسل او دبس


اتمنى تعجبك الطريقة واي سؤال انا حاضرة بس بطلب منك تدعولي دعوة حلوة اني الله يوفقني ويرزقني الي في بالي
مشكورات حبوبات

>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :
شهيتيني يا سلام
مشكورة عالطرح الجميل

__________________________________________________ __________

>>>> الرد الثاني :
مشكرة اختي الوضيحي

__________________________________________________ __________

>>>> الرد الثالث :
يسلموووووووووو
بالعافية عليكم

__________________________________________________ __________

>>>> الرد الرابع :
يسلمووووووووووووووو الايادي

__________________________________________________ __________

>>>> الرد الخامس :
لذيذ

اليوم ماكله خمير بس بشكارتنا اتسوي نفس الطريقه بس ما ينتفخ عندها الخمير ويابس ما ادري ليش