عنوان الموضوع : وايد أسأل أدري .. بليز اتحملوني وردو عليه !! لصحة الجسم
مقدم من طرف منتديات الضمير العربي

السلام عليكم جميعا ... اشحالكن بنات ؟؟

مابغي أثقل عليكم بس عندي كم سؤال وأتمنى اتفيدوني وانشالله تكسبون فيه أجر

بغيت أسوي حجامة بس مب عارفة عند منو .. بغيت حد من دبي ولا الشارقه لني ماقدر اسير بوظبي ومتى لازم أسوي الحجامة .. مرة سرت عند وحدة في الشارجة وكنت في الدورة قالتلي ما يستوي لازم بعد الدورة اسيرلها وابصراحة ما ارتحتلها ابدا ....

وبغيت أسأل من وين أقدر أشتري البردقوش ... وايد دورته في الجمعيات بس ما لقيته !! ومتى لازم أشربه خلال ولا بعد الدورة ؟؟؟؟

وسؤالي الاخير (أدري وايد أسال .. استحملوني بليييز) .. يصير اخذ كلوميد روحي من غير ما اسير عند الدكتورة .. الحمدلله أنا ما فيه شي بس عسب اتزيد فرصة الحمل باذن الله ... شو رايكم ؟؟

والسموحه منكن ..... اتريا ردووودكم خواتي

>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :
معقولة أسألتي وايد صعبة لدرجة انه محد رد عليه للحين !!!!! :S

__________________________________________________ __________

>>>> الرد الثاني :
هلا بيج عزيزتي..
بخصوص أسألتج ولا يهمج الكل اهني مثل الخوات وإلي عندها معلومة المفروض ما تبخل على خواتها...
أولاً: بخصوص الحجامة، بالضبط ما أقدر أفيدج عدل بس مرة أنا سويت حجامة الدم بـأيام الدورة عادي،،
في واحد من مراكز العين ،،،
ثانياً: المردقوش تقدرين تحصلينه في محلات الخاصة بالأعشاب أنا أخذه من محل الخاجة في العين وممكن
تلاقينه في كارفور في علب خاصة بـ ( ديلي فرش ) بتلاقينه أقسام البهارات....
وعادي أختي تشربينه على طول أيام الشهر بما فيها أيام الدورة وإن شاء الله ما عليج ضرر،، 3 كاسات باليوم
ثالثاً: في ناس عادي تاخذ الكلوميد من حالها ومسموح لج في الصيدلية تصرفينه من غير وصفة طبيب ابتداءً
من 3 يوم للدورة أو خامس يوم للدورة حبة صباحا وحبة المساء.
بس مثل ما قلتي ما فيج شيء؟؟ فـ ليش اتضرين نفسج بالكلوميد أنا عن نفسي ما أحبه أبداً ولا أخذه مع انه
الدكتورة إلي أراجع عندها لازم تصرفه لي بس أنا تركته من 6 شهور بس أنا أختلف عنج لأن عندي مشكلة..
بس أتمنى أنج ما تضرين نفسج وتاخذينه وإن شاء الله تحملين قريب وكثري من الاستغفار والدعاء بإلحاح
وقومي الليل وكثري من قراءة القرآن.... والحين شهر الخير قرب علينا إن شاء الله يبلغنا ويكرمنا فيه بالحمل القريب

اللهم لا تذرها فرداً وأنت خير الوارثين وارزقنا وإياها بالذرية الصالحة اللهم آمين،،،،

__________________________________________________ __________

>>>> الرد الثالث :
خخخخخخخخخخخخخخخخخخ انا بصراحه ماعرف انا نفس الشي ادور البردقوش بس اعتقد بتحصلينه فالمطحنه وبالنسبه للكلوميد ماعرفه بس انا عندي موعد عند الدكتور وبقولها تعطيني منشطات مادري انتي مجربه قبل وانا فيني هرمون الحليب والحين بتعالج منه وانشالله احمل والكل يحملون يارب ترزقنا مثل مارزقت غيرنا يارب العالمين انت الرزاق المبين

__________________________________________________ __________

>>>> الرد الرابع :
مشكورين خواتي واااااااااااااايد عالرد ... بس أنا دورت البردقوش في كارفور و ما لقيته والله ... أدور في المحامص يعني ؟؟

وعن الكلوميد والله للين محتارة مادري اخذه ولا مب زين ... أنا من عرست ألحين سنتين ونص وانا خذته مره بس ..كل مرة اقول باخذه اتردد بليز شوري عليه شو اسوي

يزاكم الله الف الف خير

__________________________________________________ __________

>>>> الرد الخامس :
استغفر الله العظيم وأتوب إليه
استغفر الله العظيم وأتوب إليه
استغفر الله العظيم وأتوب إليه