عنوان الموضوع : بنات بوظبي ؟ الصداع النصفي ؟
مقدم من طرف منتديات الضمير العربي

مرحبا خواتي

بغيت اسال بنات بوظبي من احسن دكتور لعلاج الصداع النصفي

ياريت الي سارت لدكتور واستفادت من علاجه تخبرني اي عياده او مستشفى

>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :
سلامات اختي

__________________________________________________ __________

>>>> الرد الثاني :
سلامات اختي انا مب من بوظبي بس جربت دكتور شاطر في مستشفى الزهراء دبي شارع الشيخ زايد دكتور هندي عطانيه كورس علاج أدويه لمدة شهرين خف عنيه بس رجع مره ثانيه وما نفعني شي إلا الحيامه" الحجامه" جربيها وبترتاحين انشاء الله

__________________________________________________ __________

>>>> الرد الثالث :
أم نجوله مشكوره الغاليه بس مشكلتي اخاف من الحجامه ومتردده وايد احس اني ما اروم عليها

__________________________________________________ __________

>>>> الرد الرابع :
اختي انا صار لي اعاني منه من 15 سنه والله

عطوني من الاول ليستة اكلات الاحظ نفسي شاللي يسببلي هالصداع واكتشفت ان

التشوكليت والكولا والمكسرات والمنجا و الموز و العنب والبصل الاخضر ........ تسبب لي هالصداع

غي طبعا احيانا مع الدوره او الضوء العالي او الصوت العالي او الرائحه القويه واحيانا اضطراب النوم و الاكل

اختي راقبي نفسج شاللي يسببلج هالصداع وابعدي عنه كثر ماتقدرين هذا افضل شي

ومع هذا تصيبني بعض النوبات لبعض الاسباب اللي غصب عني تصير والطبيب نصحني اول مااحس بالنوبه ( تبدا عادة بزغلله بالعيون و نقط بيضا تعيق الابصار ) اخذ فورا بناداول وفعلا

هالنصيحه ممتازه وتخفف وايد من النوبات القويه

حاولي مثل ماسويت انا وتاكدي افضل من انج تاخذين دوا على طول وكله اعراذ جانبيه قد تؤدي للاكتئاب احيانا

على فكره لازم تفحصين بالاول و تتاكدين انه فعلا صداع نصفي ومافي سبب ثاني ولازم طبيب اعصاب ويسوون صوره :9

سلامتج حبوبه

وللعلم فيه ناس يقعدون طول عمرهم سبب صداعهم بعض الاكلات ولايدرون صديقتي مثلا لاحظت مؤخرا ان الجبن واي نوع حمضيات يسوي لها صداع

__________________________________________________ __________

>>>> الرد الخامس :
هلا حبيبتي
انا ختيه اتعاني من الصداع النصفي وهو صح اي ويعه يوم اتكونين مكتابه او من الزعل....
هيه اتعالج في مستشفى توام العين فيه دكتور انجليزي وااااااااااايد زين ....
وتتعالج عنده ودوم يعطيها مواعيد مظبوطه.....
انتي اتصلي عليهم واستفسري منهم وعادي تاخذين من عندهم موعد وخبريهم انج من ابوظبي
واموفقه