عنوان الموضوع : اختي ضايعه ما تعرف شو تسو لصحتك
مقدم من طرف منتديات الضمير العربي

السلام عليكم خواتي اختي عندها مشكله انه الحوض صغير و حجم الياهل كبير هيه بتربي فدبي الدكتوره خبرتها انه احتمال كبير عمليه بس بنعطيج فرصه تربين طبيعي عن طريق طلق صناعي اختي قالت انه ليش طلق عمليه تخيلو يتها الاستشاريه رفضت انها تسويلها العمليه و قالت بنعطيج طلق صناعي اختي حاولت وياها قالت الاستشاريه قانونيا ما يستوي انسويلج العمليه و قالت اختي ع الاقل اتاكدو اذا الحوض عندي صغير و لا و من حجم الياهل بعد ماطاعو قالت ما يتحدد الا وقت الولاده و اذا ما فاد عمليه المشكله انه اختي لازم تربي هالايام لانه طاف موعدها و روحها فيها سكر الحمل المشكله انه ما يستوي بعد تغير المستشفى هيه بغت مستشفى لطيفه لكن رفضو ع اساس انها ساكنه المنطقه تابعه لمستشفى دبي و اذا عن المستشفيات الخاصه ما عندها تامين شو الحل الفقيره ضايعه ما تعرف شو تقررر

>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :
ماعندي فكره اختي

تروح اي عياده خاصه تشوف شنو بتقول علي الاقل تسمع اكثر من الطرف

الله يختار لها الخير

يسهل عليها

__________________________________________________ __________

>>>> الرد الثاني :
هلا اختي
ان شاء الله اختج اتقوم بالسلامه
الدكاترة في المستشفيات الحكوميه عادتهم ما يولدون قيصريه على طول
ينتظرون على الحامل لين اخر لحظه و عقب اذا الحالة تستدعي عملية يدخلونها
لكن اذا الحامل ممكن تولد طبيعي هم يفضلون الطبيعي ..

__________________________________________________ __________

>>>> الرد الثالث :
الله يقووومها بالسلامه يارب

__________________________________________________ __________

>>>> الرد الرابع :
مثل ماقالت الاخت mawasim لازم يتريون على الحامل يمكن تربي طبيعي واذا مانفع يولدونها قيصري
واذا تبغي تربي قيصري على طول خليها تي عندنا ف مستشفى ام القيوين مابيقصرون وياها من الله يبون الوحده تربي قيصري
خليها اتم ف نفس المستشفى واللي رب العالمين كاتبه بيصير ترى القيصري مب هين صح اني مربيه طبيعي والحمدلله بس كثر ما اسمع عن اللي يشتكون من القيصري قمت اخاف

__________________________________________________ __________

>>>> الرد الخامس :
اختي نفس اختج كان ولدها ما شاء الله حجمه كبير فالدكتورة خبرتها انه يوم الولادة بيبين اذا بتربي طبيعي ولا قيصري والحمد لله صح طولت شوي بس ربت طبيعي لو في امل انها تربي طبيعي يكون احسن ليش على طول تبي تربي قيصري
واختي ربت في مستشفى الزهراء الخاصة

والله يقوم اختج بالسلامة