عنوان الموضوع : عااادي اسافر وعيالي بعدهم صغار؟؟؟؟؟؟ تعليم الامارات
مقدم من طرف منتديات الضمير العربي
السلام عليكم و رحمة الله وبركاته
خواتي بغيت اتشاور وياكم
انا كتبت قبل موضوع اسأل عن جو هولندا بآخر شهر 4
لانه ريلي بيكون عنده مؤتمر هناك وانا حبيت اسير وياه قصدي ارز ويهي لانه محد عزمني خخخخخخ
بس عرفت انه الجو بيكون بارد وايد عاليهال فهونت
فاقترحت نسير النمسا فنص شهر 6
ريلي قال اوكي
الحين يوم يينا نحجز خلاص
بوالعيال قال
ماتحسي بيلعوزونا بالطياره،، ها بيصيح من صوب والثاني بيتملل من صوب
وهناك بالطلعه لازم كل شوي ابدل حد فيهم
نسيت اقولكم عمر عيالي
بنوتي بيكون عمرها سنة و سته شهور و ولدي ست شهور
فهو رايه الحين نأجل الرحله لين السنة اليايه عشان مايتعبونا وايد
انا بطلت عيوني <<<<< الاخت بخاطرها تسافر هالسنه
فانتوا شو رايكم
اسير. ولا. أجل السفرة سنة؟؟؟؟؟؟؟؟
و يزاكم الله خير
>>>>> ردود الأعضـــــــــــــــــــاء على الموضوع <<<<<
==================================
>>>> الرد الأول :
حبيبتي مابي احبطج
بس الصراااحة بتصيحين
انا العام سافرت مع بناتي الهنتين
توام عمارهم سنة ونص
اتعرفين شو سوو فيني؟؟؟!!!!!!!!!
يعني بس كان ناقص حد يعزفلي عالربااابة وانا اصييييييييح
كرهت عيشتي
وطووول فترة الرحلة وانا الطم ويهي
واتخيل سريري اللي فالبيت لاني كنت
تعباااانة مووووت وهم يصيحوون
حسيت كل اللي فالطياارة يدعوون علينا
صدق صدق اتبهدلنا وسوولنا مأسااااة
وقلت حق ريلي لو مر ثانية انا قلت لك بساافر اضربني على ثمي
يمكن عيالج انتي أهدا!!
والحين اقول له فخاطري اسااافر
يقول لي والله ان ما سكتي بفلعج
__________________________________________________ __________
>>>> الرد الثاني :
حبيبتي اسئلي عمرج سؤال واحد !
عندج اثنينه الله يحفظهم ووااااااااااايد صغار وأعمارهم متقاربة
وانتي في البلاد هل ترومين تعابلينهم بروحج بدون مساعدة ؟
قصدي اتخيلي عمرج عايشة بدون خدامة وانتي في البلاد
هل بترومين عليهم روحج ؟!!!
طبعا لأ!!
عندج حلين :
يا إما تشيلين وياج حد يساعدج مثل اختج أو اخته
أو انج تأجلين السفرة لين ما يكبرون شوية ويفتهمون.
لا تنسين الطيارة ممكن تسويلهم ضغط على اذنيهم
وممكن يتمون اثنينتهم في نفس الوقت يصيحون
يعني لا بتلحقين على هذي ولا على هذا !!
__________________________________________________ __________
>>>> الرد الثالث :
المشاركة الأصلية كتبت بواسطة غلاتي أنا
حبيبتي مابي احبطج
بس الصراااحة بتصيحين
انا العام سافرت مع بناتي الهنتين
توام عمارهم سنة ونص
اتعرفين شو سوو فيني؟؟؟!!!!!!!!!
يعني بس كان ناقص حد يعزفلي عالربااابة وانا اصييييييييح
كرهت عيشتي
وطووول فترة الرحلة وانا الطم ويهي
واتخيل سريري اللي فالبيت لاني كنت
تعباااانة مووووت وهم يصيحوون
حسيت كل اللي فالطياارة يدعوون علينا
صدق صدق اتبهدلنا وسوولنا مأسااااة
وقلت حق ريلي لو مر ثانية انا قلت لك بساافر اضربني على ثمي
يمكن عيالج انتي أهدا!!
والحين اقول له فخاطري اسااافر
يقول لي والله ان ما سكتي بفلعج
خخخخخ وحليلج و وحليلي
شكلنا بننحبس بالبيت
عيالي هاديين خخخخ ياااااااااليت
عيالي صياحين
بس من كلامج
يمكن صعبه اسافر حتى السنة اليايه لانه بنتي بتكون سنتين و ولدي سنة
ماخصني ان شاء الله اذا مارحت هالسنة،،، مابفوت السنة اليايه وإلي فيها فيها
بس مااتخيل انفلع خخخخ
الله يحفطج الكتاكيت ويحفظ كتاكيتي ويهديهم ياااارب
__________________________________________________ __________
>>>> الرد الرابع :
حبيبتي اسئلي عمرج سؤال واحد !
عندج اثنينه الله يحفظهم ووااااااااااايد صغار وأعمارهم متقاربة
وانتي في البلاد هل ترومين تعابلينهم بروحج بدون مساعدة ؟
قصدي اتخيلي عمرج عايشة بدون خدامة وانتي في البلاد
هل بترومين عليهم روحج ؟!!!
طبعا لأ!!
عندج حلين :
يا إما تشيلين وياج حد يساعدج مثل اختج أو اخته
أو انج تأجلين السفرة لين ما يكبرون شوية ويفتهمون.
لا تنسين الطيارة ممكن تسويلهم ضغط على اذنيهم
وممكن يتمون اثنينتهم في نفس الوقت يصيحون
يعني لا بتلحقين على هذي ولا على هذا !!
بالنسبة لسؤال
انا عايشه بروحي
وعندي خدامة
بس مااخلي عيالي عندها
يعني مجربه الخبال
بس فضيحه جدام الناس
مااحب نزعج حد
انا ابا اسافر اغير جو
احس محتاجه راحه من عقب حملين ورا بعض
بس شكلي مالي نصيب اسافر هالسنة
ان شاء الله السنة اليايه
ومشكوره حبيبتي عالرد
__________________________________________________ __________
>>>> الرد الخامس :
اب اب عشان اسمع آراء زياده
وماافتح سالفة السفر مرة ثانيه خخخخخ
رد مع اقتباس
