عنوان الموضوع : أنا مطلقة. جديدة. بس ساعدوني الحياة الزوجية
مقدم من طرف منتديات الضمير العربي

السلام عليكم خواتي

خواتي أنا مطلقة تقريبا من أسبوع والشيخ حكم طلقة واحدة. و وحكم على طليقي بالنفقة وبحقوقي بس ماحكم عليه من نفس اليوم اللي ثبت فيه طلاقي. لا كتب في الورقة أول شهر جائ فهل هذا صحيح. يعني أتم بدون مصروف لين أول شهر وبعدين قالي ممكن يردج برضاج أو غصب كيف هذه غصب يمكن هالشهر ما صدق افتك مني وبذلني ومنع علي الطلعة إلا بشوره لأني في العدة. بس يمكن قبل أول الشهر يردني لأنه ماراح يقدر يدفع مؤخر مالي وحقوقي يعني بردني بس عشان مصلحته فكيف يعني يحكموله ممكن يردني بدون رضائ وأنا رخيصة لهاالدرجة دخيلكم ساعدوني أنا مقهورة وما عندي حد في هالبلد وعندي بنت عمرها ستة شهور ولد تقريبا ثلاث سنوات بس هالريال أحسه راح يذلني ويبهدلني ساعدوني شو أسوي

>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :
لا حول ولا قوة الا بالله العلي العظيم

هيه اختي يقدر يرجعك بدون رضاك خلال العده فقط ..

يا اختي الله يهديج ويصلح ما بينكم حاولي تصلحو ما بينكم دام بينكم عيال واذا ردك ارضي عشان عيالك

افرشي سيادتك وادعي ربك هو اللي بيسهل امورك اذا كان في الطلاق خيره لك ربي بيسره لك

واذا كان ردتك له فيه خيره ربي بيسهل لج امورج ..

انتي بس خلج مع الله واطلبي منه هو سبحانه فقط ..

الله ايسر امورج في الدنيا والاخره

__________________________________________________ __________

>>>> الرد الثاني :
مشكورة حبيبتي. بس هالريال قاعد يذلني. ويقهرني

__________________________________________________ __________

>>>> الرد الثالث :
الله يهديكم يارب
بس حبيبتي تقولي انتي مب من البلاد وعندج عيال ماشاءالله يعني وااايد بتتبهدلي ويبالج تربي عيالج ومصاريفهم وترا كل مايكبرو مصاريفهم بتزيد وريال لو تزوج ثاني بيهتم بس فبيتو اليديد ونفقه ترا مب وايد والله مسؤليه ردي لزوجتج واكسبيه شوي شوي
حاولي تفكري زين واقري سورة البقره وكثري من الاستغفار
الله يوفقج اختي

__________________________________________________ __________

>>>> الرد الرابع :
السلام عليج خويتي
بقلج نصيحة مني كوني مطلقة لي فترة كبيرة حاولي ترجعين لريلج ولا تعارضين إذا طلب يرجعج ترا والله والله الطلاق مب حل ولا سهل و حياة المطلقة صعبة وتربية أجيال ها الايام بعد مب سهلة وحطي في بالج إنه اللي ينصحج بالطلاق وواقف معاج ألحين هو اول من يعاديج إذا خلصت شهور العدة وإستلمتي ورقتج
صحيح إنج بتفتكين من واحد بس الف وحدة وواحد بينظرون لج نظرة هب حلوة
صحيح أنا بطلاقي لاقيت حريتي لدرجة أسافر بروحي ولا أحد ينطق بس خسرت أهلي واقرب الناس لي
كونج مطلقة أو أنا أسميها نص حرمة صعب ومؤلم بتشوفين حريم أكبر عنج بسنين وكرشتها جدامها وتشتكي ريلها بس مرتاحة صحيح المجتمع تحسنت صورته للمطلقة بس بعده يلومها في الطلاق
كلامي وايد بس صج ما أتمنى أي وحدة تتطلق وتشوف اللي شفته ، كلميه أكيد في حل غير الطلاق أكيد يبا شيء حاولي توصلين له


أما بالنسبة للرجوع الإجبار هي يقدر بما أنج في فترة العدة ويطلبج في بيت الطاعة إنتي مب رخيصة بس ها القانون كونج ما زلتي زوجته
الله يجمع بينكم ويهديه لج يارب وما يفرق بينكم إلا الموت بعد عمر طويل

__________________________________________________ __________

>>>> الرد الخامس :
الله المستعاان .. حبيبتي لا تفكرين بسلبيه ما ذكرتي الاسبااب

الي تخليج تفكرين انه يباا يذلج !!

خذيهاا من نااحيه ثاانيه وتوكلي على رب العالمين .. ولن يصيبناا الا ما كتب الله لناا^^

وعسى الاياام تقرب القلوب ولا تياسين من رحمه الله

استغفري بنيه صلاح الحاال وتقربي من رب العالمين وباذن الله تتيسر امورج وبينفرج همج

الله يسعدج حبوبه