عنوان الموضوع : جااااااااااااامعة زايد تعليم الامارات
مقدم من طرف منتديات الضمير العربي

هلاا بنات شحالكم


حبيت اسألكم عن الانتيريور ديزان او الهندسة الداخليه او التصميم الداخلي > كله بمعنى واحد

شو تشووفونه ف جامعة زايد ؟؟

وهل هو سهل ؟

و الدكاتره ممتازين فيه ؟ و أي شي تعرفونه لا تخبلون علي فيه ؟

>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :
عن هالتخصص وايد روعه وله مستقبل زاهر

والشي الحلو فيه كله انه اسايمنات وبروجكتات ماشي فيه اسمه تكتبين اسيي

التخصص يباله شوي شغل ووحدة لها صبر لانه الكورس كله بروجكتات

انا ما درسته بعدني بس السمستر الياي ان شاء الله بحدره وهوه حلو وايد وتشجعت له بعد استفسار وبحث طويل عنه

والاساتذه اللي يدرسون هالتخصص مجرد 2

اللي هم

عماد روحاني + دينا القاضي

__________________________________________________ __________

>>>> الرد الثاني :
شجعتيييني والله

تسلمين

نتريا البااقي

__________________________________________________ __________

>>>> الرد الثالث :
أنا في كلية التقنية .. ودارسه هالتخصص والحين آخر سمستر والحمدلله ...

أول شي .. التخصص يباله طاقة وجهد كبير كبير كبير ... لأنه كله بروجيكتات وكله شغل وأفكار ..
يعني اللي تشتغل والمعرسه واللي عندها عيال أكثر ناس يتعبون ... يباله وحده صدق فاضيه ..

وثاني شي ... التخصص رائع بكل معنى الكلمه إذا حبيتيه .. وأبدا ً مب سهل ...
فيه أشياء سهله وفيه أشياء صدق تطلع الروح من مكانها من كثر ما هي صعبه ..

بس بشكل عام إذا تابعتي أول بأول وراجعتي وانتبهتي كل شي بيكون أوكيه إن شـ الله ـاء ...
بس في بنات كثير رسبوا في هالتخصص .. وفي بنات كانوا داخلينه لأنهم يتوقعونه سهل ...
وفي بعضهم ع بالهم إنه الشغله ومافيها ديكور وبحط هالمخده هني وبغير اللون ..
بس شافوا إنه الموضوع أكبر ومب مجرد ديكور والسلام ... لأن الديكور أي حد يقدر يسويه ..
بس المعنى الصدق للانتيريور ديزاين ... مش أي حد يروم له .. وصدق التخصص يباله مجهود ...

أمثله عن اللي ممكن تسوونه أو الشي اللي بتدرسونه:


1- رسم مخططات عمرانيه.

2- رسم الشكل (أي شكل كان كرسي - طاوله - كمبيوتر ..ألخ) من 3 اتجاهات مختلفه
وإسمه: (Three angle projection) واللي هي:
(Top View - SideView - Front View)
وهالشي يفيد في حال صممتي مجسم أو قطعة أثاث وتبين المصنع يسويه لج لازم تسلمين له هالشي.

3- رسم المخططات وتصميم داخلي للغرفه وتصميم شعارات .. ألخ وغيرها ببرامج الكمبيوتر,
ومن البرامج اللي استخدامناها في دراستنا :

Adobe Photoshop
Adobe Illustrator
AutoCAD
Google Sketch Up
Archi CAD

4 - عجلة الألوان .. والألوان ومسمياتها .. والألوان اللي تركب مع بعض وغيرها ... ودرجات الألوان ..

5- صنع مجسمات لتوضيح البروجيكت.

6- تاريخ التصميم الداخلي .. والأشكال الإسلاميه القديمه - أنواع الأثاث.

7- أنواع المواد .. مثلا ً: الخشب بأنواعه ومسمياته - الزجاج بأنواعه ومسمياته ....ألخ

8- البناء (construction) وخطوات البناء وأنواعه ومكوناته.

والكثير الكثير .. بس الشي إذا كنتي حابته توكلي على الله وربي بيوفقج إن شـ الله ـاء ...
والأفضل تصلين استخاره إذا كنتي محتاره في أكثر من تخصص ..

بس بشكل عام ... التخصص والدراسه يبالها مجهود كبير كبير من الطالبه ...
وفي نفس الوقت الدراسه ممتعه للي يبى يخليها ممتعه ..
وإذا احتجتي أي شي أو أي استفسار أنا أكيد بكون في الخدمه ...

تقبلي تحيتي غاليتي أختج:

Ms.Designer

__________________________________________________ __________

>>>> الرد الرابع :
تسلمييييييييين حبوبه وايد شجعتيني

واتريا البااقي

__________________________________________________ __________

>>>> الرد الخامس :
موووووووووووووفقه يارب