لكل العرايس ضروري تدخلون

[kamiliya]

عنوان الموضوع : لكل العرايس ضروري تدخلون
مقدم من طرف منتديات الضمير العربي

لاحظت يا بنات كثرة تذمركم والشكوى سواء من محلات الكوش والامن الفساتين وان تعاملهم او غش ومن هالكلام وقبل شوي وحده حطت تعليق في موضوع تقرير عرسي انه بوران اكيد سووا لج كجرة البومج وماعرف شو
لاحظت شي مهم الحمدالله كل شي في عرسي كان على مايرام لا من كوشة ولا تصوير ولا اي محل تعاملت معاهم
بنصحكم يا بنات تعاملوا بطريقة حلوة وراقية مع الناس اللي بتتاخذون عنهم اكسبوهم باسلوبكم وطيبة قلبكم لا تكاسرونهم وايد وتبخسون سعرهم انتو ماتعرفون الوقت والتعب اللي يواجهونه والشي اذا ماعيبكم لا تاخذونه لا تتضاربون وتتفاتون وتعاملونهم كانهم يشتغلون عندكم خذوها قاعدة (هم يشتغلون معاااااكم) اكسبوهم عشان يشتغلون لكم من قلب ومن خاطر ولا تتطلبون اشياء واوو واقية وتكاسرون في السعر بعض منهم للاسف خاصه محلات الكوش ممكن يقوللكم اوكيه والسعر ماينفع مع طلبكم وفي النهاية يسوي الشي بطريقة غير طبعا هذا مب صح

في الاخير الناس اللي بتتعاملون معاهم في ليلة العمر اكسبوهم في تعامل وشغل حلو ومميز وذكرى حلوة ابتعدو عن العصبية والتمسوا الاعذار لهم وعليكم بالابتسامة والكلمة الطيبة صدقة وصدقوني ولا وحدة منكم بتشكي بتشوفن الكل يمدح
والله يوفق كل عروساتنا الحلوات


اضافه :






--------------------------------------------------------------------------------
انا بنفسي شفت بنات من ربيعاتي ومن اهلي كيف يتعاملون بعصبيه مع الناس والنتيجه دوم تكون سلبيه مثلا المصورات من يوم احجز وانا ادق سوالف معاهم واضحكهم تعرفون استغربوا من تعاملي شكوا اني مواطنه قالوا لي المواطنات دوم عصبيات وتعاملهم مب حلو
انا ما اقول الكل بس انا اتكلم عن تجربتي ويوم شفت اغلب البنات يشكون واللي تاجر الفستان اتصلت بالشرطه تشتكي عليها
وملاحظه كلامي مب معناه انكم تسيرون عند اي حد نصاب او ماتشوفون شغلهم سيرو عند ناس معروفه ومجربه والكوش شوفوا بعينكم شغلهم خل يزقرونكم يوم عندهم عرس من مستوى ميزانيتكم وشوفوا شغلهم وعرفوا متى بدوا ومتى خلصوا الكوشه
ونصيحه ثانيه لا تسترخصووووون لا تدورون اشياء بلاش او باسعار رمزيه هذي ليلة العمر عطوا كل شي حقه لا تبالغون لكن لا تستهينون عشان توفرون 100 او الف درهم وكلامي هذا للفايدة والنصح لاحد يتحسس واتكلم عن تجربتي

>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

سبحان الله

ع نياتكم ترزقون

اللي اسلوبه وقح الله يسلط عليه من يراويه نجوم القايلة

والطيب يلقى من يعينه في كل مكان

__________________________________________________ __________

>>>> الرد الثاني :

اسمحي لي اقولج انه هب دايما ها القاعده صحيحه

الحمدلله نحن تعاملنا وايد راقي مع الناس سواء اللي يشتعلون معانا ولا ويانا مثل ما يقولون

في عرس اخوي اتذكر الين الحين الخره في قلبي راوانا الريال كوشة خيالية وخبال وبسيطه في نفس الوقت وهو حدد السعر بعد والعرسو طبعا وياينا وهي اللي اختارتها وعيبت الكل وقلنا له خلاص اتفقنا

وسوينا عنده كذا شيء علشان اونه ايراعينا ويهتم فينا في العرس وووووو الخ

يوم العرس الا اشوف الكوشة ولا جنها كوشة اساسا حتى استغفر الله شو بقول بس والله الين الحين قلبي ايحرقني على السالفه المهم

حرااااااااااااااااااام ولكن ما قلنا له شيء وعطيناه بيزاته بعد واتحسبنا عليه لو حد غيرنا جان بهدلهم ولا شافوا باجي البيزات ولا اطشه

صدقيني هب دايما هاي القاعده تمشي

__________________________________________________ __________

>>>> الرد الثالث :

المشاركة الأصلية كتبت بواسطة ام سالم
اسمحي لي اقولج انه هب دايما ها القاعده صحيحه

الحمدلله نحن تعاملنا وايد راقي مع الناس سواء اللي يشتعلون معانا ولا ويانا مثل ما يقولون

في عرس اخوي اتذكر الين الحين الخره في قلبي راوانا الريال كوشة خيالية وخبال وبسيطه في نفس الوقت وهو حدد السعر بعد والعرسو طبعا وياينا وهي اللي اختارتها وعيبت الكل وقلنا له خلاص اتفقنا

وسوينا عنده كذا شيء علشان اونه ايراعينا ويهتم فينا في العرس وووووو الخ

يوم العرس الا اشوف الكوشة ولا جنها كوشة اساسا حتى استغفر الله شو بقول بس والله الين الحين قلبي ايحرقني على السالفه المهم

حرااااااااااااااااااام ولكن ما قلنا له شيء وعطيناه بيزاته بعد واتحسبنا عليه لو حد غيرنا جان بهدلهم ولا شافوا باجي البيزات ولا اطشه

صدقيني هب دايما هاي القاعده تمشي




اكيد فديتج كلامج صح مب دايما
والنصابين موجودين بكل مكان حتى في الحرم تلقينهم بس انا اتكلم بشكل عام

__________________________________________________ __________

>>>> الرد الرابع :

الحمدلله ع كل حال
والله يعطينا ع قد نياتنا ..
مشكورة مهاوي

__________________________________________________ __________

>>>> الرد الخامس :

انا مع الخوآت ..

مب دوم هالقاعدهـ تمشي ..

لان بعض الناس دمهم خآيس !