عنوان الموضوع : حالتي مع الحمل
مقدم من طرف منتديات الضمير العربي

السلام عليكم ورحمة الله وبركاته

انا من زماااااااااان كنت ادخل ومتابعه 24 ساعه لانه الله مارزقني بالحمل من اول ماعرست الين سنه ونص وكنت اروح مستشفيات بس ماكملت وياهم لانه كل مرة دكتورة ومحاولتي بالكاسات الهواء والمسح ومافادني بالنسبة لي وعقب تابعت فمستشفى الواحة وطلع فيني تكيس ومتلخبطه الدورة من قبل لا اعرس انزين وكنت اخذ كلوميد+ جلوكافاج+ فوليك اسيد واستمريت اربع شهور وحملت باذن الله اول شي والله ثبت حملي وخذت ابره مثبت للحمل ومع مرور الاشهر صار لي سكر الحمل والحمد الله ماثر فيني وربيت




الحين بنتي الله يعطيها العافيه ويخليها لي عمرها سنتين ونص

انا بعد ماربيت وبنتي عمرها 9 اشهر قررت اني احمل لانه ادري بتاخر فالحمل فقلت اتعالج الين الله يكتبها لي واحمل والين ذاك الوقت بنتي بتكبر وبتكون تمشي وسويت فحوصات في مستشفى خاص طلع عندي الغدة وهو اللي سبب لي المتن وتلخبطت الدورة ومن هذاك اليوم وانا اخذ دواء الغدة ورحت تايلند قالولي عادي علاجه الوحيد حبوب اكلها طول العمر ومرة وحده سياحه
المهم
الحين انا ابا احمل وتعبانه نفسيتي لانه بدت حالتي تتدهور ويصير لي امراض والحمدالله بس ماعرف شو اللي بيصير مستقبلا

رحت المستشفى الخاص والدكتورة الله يسامحها مب هذاك الزود بارده كانت ماكانت اتشجعني وكانت متقيده بفس العلاج مستشفى الواحه لاني خبرتها وكل مرة اتسوي لي السونار يكون في مبايض او صغااااااااار وايد
وكانت اتسوي لي فحص الدم 21 يوم من الدورة وتقول لي مافي تبويض مافهمت شو تقصد بس احس تقصد انه المبيض مايطلع بويضه او انه احجامه صغير ويبالها رقم كبير عشان تكبر يعني تكون 3لازم يكون 10 ع كلامها ماعرف شو هالقياسات

المهم عقب اربع شهور قالت لي لازم تاخذين ابر منشطه بدل الحبوب ونحن مب مرخص عندنا روحي توام وانا مارحت وقلت بروح عند غزل ورحت وغزل شافت التكيس ورويتها الملف المستشفى الخاص قالت كيف مب مرخص لهم اذا نحن عيادة خاصه نعطي المهم
حسيتها هيه بعد مستعجله تباني اخذ ابرة يعني ماخذتني حبه حبه ماسوت لي تحليل الدم شامل مافحصت الغده المهم وصفت لي وقالت لي تعالي خديهم يوم تيج الدورة بعدها بيوم ياني التهاب في اذني وبالمره رحت افحص الغدة وسويت تحليل دم وبعد يومين دقولي قالولي تعالي الطواري ضروري ورحت وعقب لحقني ريلي
قالولي فيج نقص هوموقلوبين يعني فقر دم وصل 6 وقالي كيف اني جيه عايشه الدم اللي في جسمج ربع انسان وطلع نقص حديد وفيتامين دال والمهم قالي بسوي لج كورس حديد 10 مغذي حديد يوم اخذالابرة ويوم لا المهم قلت له دكتور انا ابا احمل قال شو تحملين انتي الحين يبالج حد يداريج وكنت زعلانه لاني ابا اخذ هالشهر اللي بتيني الدورة المنشطات قالي ماتاخذين شي الين يتعدل دمج ولا انتي اذا حملتي بتخسرين الياهل وخفت وقررت اجل المنشطات والحمدالله بعد الكورس نفس الشهر ارتفع دمي 12 وقلت بروح عند الدكتورة غزل ورحت وقلت لها اني مايت عشان الدم نقص وماصدقت قالت كيف يكون دمج 6 اونه مايصير يوم قالت جيه مارتحت لها قلت شو قصدها يعني انا اجذب ولا اتبلى
المهم عقب قالت بزيد لج بعد منشط وتعالي الايام اللي اقول لج فيها وصادف اخذ الابرة يوم العيد الاضحى وقالت نحن مسكرين وخذي من اي مستشفى كتبت لي ورقه وكذا مستشفى رفضت تعطيني الابرة اذا مب من نفس المستشفى كاتبين لي وصفة الابرة

سبحان الله كل ما ابا اسوي شي يطلع لي شي يمكن خيره لي

وقررت بعد العيد اروح مستشفى النور عشان يعطوني الابرة ويوم رحت عند الدكتورة قالت لازم فحص الزوج قلت لها بتروح ايام المنشطات قالت لي لازم لاتستعجلين حبه حبه قلت لها انا جربت الكلوميد مستشفى ثاني ومافادني هالمرة ارتحت لها لانها فاهمة شو تبا تسويلي وشو العلاج المناسب
المهم اصرت اني اسوي موعد عند دكتور لريلي وسو ريلي الفحص وسبحان الله طلع عند ريلي اللزوجه ولازم ياخذ دواء لمدة شهر وماخذت الابر المنشطه ثاني مرة يصير شي وعقب طلع معاه مشكله ثانيه في البطن احتباس البول بسبب ضيق الشديد فالعضله المهم قدر الله ماشاء فعل

وتم ريلي يحاتي نفسه اكثر من الانجاب وقالي ليش مستعيله والحين ريلي ياخذ حبوب ترخي العضله

بس انا وايد متحمسه ابا احمل
اقول كيف بحمل وانا الدورة متخربطه صارت كل 15 يوم او 20 يوم يايتني الدورة تتجدم وفيني الغدة وفيني تكيس يارب سترك عن اللي جاي
الحمد الله على كل حال

بنات الحين انا من يومين راده من العمرة ويايبه وياي عشبة المدينه وماقد استخدمتها ياترى في حد شراتي انفس حالتي وخذ هالعشبة وفادتها
وتنصحوني عند من اروح اتعالج فالعين اي دكتورة او مستشفى


اسمحولي اني طولت عليكم بس اخبركم قصتي ومشاكلي الصحيه

ادعولي خواتي انه الله يفتح لي ابواب الرزق

>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :
الله يفتح لج ابواب الرزق ان شاءالله وتحملين باذن الله

__________________________________________________ __________

>>>> الرد الثاني :
هلا حبيبتي
والله أنى تأثرت بمعاناتج بس جوفي حبيبتي الصبر مفتاح الفرج
ونتى ماجوره لازم تتدعين ربج تقرين سوره البقره يوميا
وبأذن الله بيستجيب دعائج مرحله وبتعدي باذن الله والله يرزقج بالذريه الصالحه أنا وانتى وجميع المتاخرات

__________________________________________________ __________

>>>> الرد الثالث :
الله يشافيج يا رب و يرزقج بالحمل السليم ..
و عليج بالاستغفار حبوبة ..

__________________________________________________ __________

>>>> الرد الرابع :
فديتج الله يرزقج بالذرية الصالحة... بس انتي كم عمرج عشان لهالدرجة تحاتين الحمل!! اكيد انتي تبين ولدج الياي يكون بصحة وعافية وانتي بعد تقومين من الولادة بصحة وعافية... بعده العمر جدامج وبتييبين عيال ان شاء الله لين 40 ترومين تيببين... المهم الحين انج تستقرين على مستشفى واحد.. اولا تصلين ركعتين شكر.. وثانيا تصلين ركعتين استخارة.. وتستخرين ربج شو المستشفى المناسب لاكمال العلاج... اولا خلي ريلج يحل مشاكله الصحية وبنفس الوقت انتي حلي مشاكلج الصحية الغدة والدم وغيره.. وعقبها ابدي بموضوع الحمل... واستغفري وان شاء الله الله يرزقج بس لا تسوين بعمرج جيه.. تبين تحملين مع كل هالامراض ترا صدق بتتعبين وبتعبين الياهل وياج...

__________________________________________________ __________

>>>> الرد الخامس :
الله يرزقج بالذرية الصالحة