عنوان الموضوع : حااامل بالثاني ... كيف اتصرف مع البيبي الأول ... سياحة الامارات
مقدم من طرف منتديات الضمير العربي

السلام عليكم ورحمة الله وبركاته ...

خواااااتي ذوات الخبرة ...

ابى تجاربكم وخبراتكم فالتعامل مع البيبي الأول بعد انجاب البيبي الثاني ...

ولدي عمره سنتين و3 شهور بس من النوع اللي وايد متعلق فيني وفي ابوه .. وفي بيت عمي هو البيبي الوحيد ...

احسه وايد بيتعبني بعد ما اربي .. لانه من احينا احسه يغار ...

ابوه مرات يقوله ماما بتييب لنا بيبي صغير نلعب معاه ... يقوله لا ما ما عندها بيبي بس خالوه .. هههههه ... يقصد بس أختي اللي عندها بيبي غيره ... هههههههه

مرات اقوله تبى بيبي بوي تلعب معاه ولا تبى بيبي شرات لوله اقصد بنت أختي .. يقولي ابى اثنينه ويوم اقوله في بطني بيبي ... يقولي ما شي ...

ما ابى احسسه انه في بيبي يديد بيشغلني عنه .. بس احس لازم بيحس انه حد غيره بيلهيني عنه ...

هو الحمدلله مب من النوع العدواني ... يعني ما يضرب ولا يأذي ... بس احسه ينقهر وبيسوي اي شي عشان يلفت انتباهي ...

كيف اقدر اهيئه قبل لا اربي وأول ما اربي ... وكيف اقدر اخليه ما يغار من اخوه ...

سجلته في حضانة السنة اليايه ... 3 ايام فالاسبوع ... قلت يمكن وقت الحضانة يلهيه ...

شووووووروووو علي خواتي ... كيف اقدر اتصرف معاه ...

>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :
أنا بعد حامل

وأول ما حملت كان عمري ولدي شرات ولدج

وكان يقول ماشي بيبي

وقطعت عنه الرضاعة ونا حامل..

فأهلي كانوا يقولون خلاص.. انته كبير أحينه بيي بيبي يشرب حليب..

يقعد يصيح.. أونه خلوه يشرب مرضعة وبس..

أما أحينه يوم حطيت اسم للبيبي.. غدا إنسان ثاني..

يعني مثلا أقول له.. يا حليله ................ راقد..

فيقول يا حليله.. ويروح هو وينام..

حتى إنه أهلي يقولون نضرب بطن ماما؟؟ يقول لهم لأ.. أخوي.. ههههههههههههه

يعني انتي لا تمين تقولين له بيبي..

لأ.. عطيه اسم وقولي له أخوك.. وغير جيه.. من ألحينه اشتري أغراض حقه وحق أخوه..

قولي إنه هو يبا يكون شراتك

كله يقول أبا أكون مثل (اسم ولدج)

خليه يحس إنه هالياهل يحبه

وعطيه هدايا ع أساس إنه من الياهل اللي في بطنج

والله يقومج بالسلامة يا رب

__________________________________________________ __________

>>>> الرد الثاني :
سبحان الله ولا اله الا الله والله أكبر

__________________________________________________ __________

>>>> الرد الثالث :

المشاركة الأصلية كتبت بواسطة فلونة
أنا بعد حامل

وأول ما حملت كان عمري ولدي شرات ولدج

وكان يقول ماشي بيبي

وقطعت عنه الرضاعة ونا حامل..

فأهلي كانوا يقولون خلاص.. انته كبير أحينه بيي بيبي يشرب حليب..

يقعد يصيح.. أونه خلوه يشرب مرضعة وبس..

أما أحينه يوم حطيت اسم للبيبي.. غدا إنسان ثاني..

يعني مثلا أقول له.. يا حليله ................ راقد..

فيقول يا حليله.. ويروح هو وينام..

حتى إنه أهلي يقولون نضرب بطن ماما؟؟ يقول لهم لأ.. أخوي.. ههههههههههههه

يعني انتي لا تمين تقولين له بيبي..

لأ.. عطيه اسم وقولي له أخوك.. وغير جيه.. من ألحينه اشتري أغراض حقه وحق أخوه..

قولي إنه هو يبا يكون شراتك

كله يقول أبا أكون مثل (اسم ولدج)

خليه يحس إنه هالياهل يحبه

وعطيه هدايا ع أساس إنه من الياهل اللي في بطنج

والله يقومج بالسلامة يا رب



تسلميييييييييييين الغالية ...

ولدي احسه ما يفهم للرضاعه ... يعني حتى لو رضعت البيبي جدامه عاااادي عنده ... لاني يوم فطمته كان صغير عمره 6 شهر وما يفهم ...

بس خايفة من وقت الرقاد .. ولا العناد اللي فيه يزيد ...

ان شاء الله بجرب معاه اني اسمي البيبي ... بس انا مب ناوية اعرف جنس البيبي ... واخاف اقوله اخوك وتطلع بنوته ويتحرى اني اقص عليه .. واخاف العكس ... بس ابوه دوووم يقوله البيبي بيكون ربيعك وهم اثنينهم مسمينه بس بعده مب مصدق انه فيه حد بيكون معانا ...

أنا يالسه معاه احينا اقوله شوف أخوك حمودي يسأل عنك ... يقولي وينه حمودي ما شي ... هههههههه فديته مايصدق الا اذا شاف بعينه ...

يت ف بالي فكرة الهدايا ... وان شاء الله بجربها ...

يعطيييييييييييج العافية حبيبتي ... وربي يسهل عليج ان شاء الله ...

__________________________________________________ __________

>>>> الرد الرابع :

المشاركة الأصلية كتبت بواسطة كعبية X بريسو
سبحان الله ولا اله الا الله والله أكبر



تسلميييييييييييين غناتي عالرفع ..

__________________________________________________ __________

>>>> الرد الخامس :
حالتي مثل حالتج بالضبط بس ولدي عمره سنتين الله ايعيني ويعينج ويعين كل ام انتي بعدج حامل ولا أنا خلاص الفاس طاح في الراس الله رزقني بالبيبي الثاني ولدي الأول امبهدلني اول ماشافني ارضع البيبي قعد ايصيييييح ألا يرضع وياه ومرض ضربته حراره وبلاعيم ومش قادر يصدق انه هذا اخوه احياناً ايحبه واحياناً يضربه وخاااايفه على الصغيروني ياحليله مظلوم........
الله يجزيج خير على طرحج للموضوع يارب خواتنا يفيدونا بشي.........