عنوان الموضوع : [جسمي تغير...وانصدمت!!!! لصحة الحمل
مقدم من طرف منتديات الضمير العربي
السلام عليكن خواتي
ماعرف من وين ابدا
المهم انا كان وزني في ال50 وبعد الزواج والولاده الاولى وصل فالسبعين ورديت ضعفت بعد سنه 10كيلووو.وحملت وربيت وزاد وزني الحين فالسبعين رديت...كنت باديه اخفف بس طلعت حامل بعد فتره من الولاده...شو اسوي جسمي تغير وااااااااااايد....وبيزيد فالحمل شوووو اوسي اخاف اوصل ال80 والله ضايقه شو اسوي..حتى زوجي دووم ينغزني فالرمسه ويقولي وين اول رشيقه وجسمج مخصر...ومن باب السوالف يقوول كنتي غزال والحين جمووس ..
ابا ارد فعين زوجي غزاااااااااااال..وانا توني حامل شووو اسوي..بشو تنصحني عشان ما امتن واااااااااااااايد ويخترب الجسم,,واخاف اصير فيل عقب...حتى مالي خاطر فالاكل
واذا وحده عنها نظام مرتب للحامل تخبرني..ويزاها الله خير والله
بنتظاركن
>>>>> ردود الأعضـــــــــــــــــــاء على الموضوع <<<<<
==================================
>>>> الرد الأول :
كلنا نفس الحاله بس من دون ريل
ياليت لو عندج حل تعطينا
وعادي عيشي حياتج وماعليج منه سوي له طاااااااااااف
وان شاء الله بتضعفين
__________________________________________________ __________
>>>> الرد الثاني :
الله يعينج اختي شو نسوي هاحال الدنيا الحمل يخرب الجسم وااايد مع التكرار والمشكله انج حامل ماينفع اي رجيم بس اسالي الدكتوره اللي تراجعين عندها اكيد بتخبرج عن نظام ينفع لج وان شاء الله تقومين بالسلامه ومن بعد الولاده خلي عندج اراده وابدي دوري على رجيم مناسب بتنزلين بس يباله صبر والله يوفقج
__________________________________________________ __________
>>>> الرد الثالث :
تسلمن خواتي على الرد..
والله يكون فالعون وارد بعد الولاده نفس اول........ان شاء الله
__________________________________________________ __________
>>>> الرد الرابع :
اختي انتي الحينة حامل و ما يستوي تسوين اي رجيم لأنه ممكن يضرج و يضر اللي فبطنج .. انصحج لا تتبعين اي شي بدون لا تسئلين دكتورة تغذية خلها تعطيج اكل للحوامل خفيف و صحي... او حاولي تعتمدين في اكلج على المشويات و السلطات و الفواكه ... في هالحالة بتاكلين اكل صحي يفيدج و يفيد الجنين ... و بيكون قليل في سعراته الحرارية و ما بتمتنين وايد ان شاء الله...
__________________________________________________ __________
>>>> الرد الخامس :
اتريي الين ما اتربين ... وباعدى اشوى بين حمل والثاني ... لان الحمل اللى وراء بعض اكيد يخرب الجسم ...عالاقل سنتين ... ... لان الجسم يالله يالله يستعيد طاقته بعد فتره من الربى ...
الحين عسب ما تزيدين وبنفس الوقت عسب اللى فبطنج يوم بتسيرين المراجعه اطلبي ايحولونج ع اخصائيه تغذيه عسب تكتبلج نظام يضمنلج انج ما تمتنين وبنفس الوقت تضمنين ان البيبي ايحصل كل اللى يحتاجه ...
ربي ايسهل عليج واييسر امورج
رد مع اقتباس
