عنوان الموضوع : احس بآلام .. هل ها هو الطلق ... !! لصحة الجسم
مقدم من طرف منتديات الضمير العربي

السلام عليكم خواتي ..

حبيباتي انا باجي على موعدي 9 ايام ..

واليوم من الصبح احس بألم يروح ويي .. في المنطقة تحت .. مب في ريولي ولا ظهري ولا في بطني ..

بس في المنطقة الحميمة .. جي الم ماعرف كيف اوصفه ..

وساعات يي قوي .. احس اني ماروم امشي منه ..

بس مب متواصل .. وما نزل ماي ولاشي للحين ..

ظنكم هاي بداية الطلق .. والا ها شي عادي فهالفترة ..

وانا تراني عندي بنت .. بس ببنتي .. ماذكر اني حسيت بآلام. . اول شي نزل علي الماي .. وبعدين بدى الويع ..

تشورون علي اروح عند الدكتورة اشيك اذا في ولادة .. والا بعده وقت ..؟؟

وادعولي الله يسهل علي .. وعلى كل حامل يارب ..

>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :
الغاليه سيري شيكي احسن بعدين للعلم الحرمه ممكن تربي باي وقت من تدخل التاسع يعني مب لازم على الموعد الي عاطينج والله يسهل عليج يارب

__________________________________________________ __________

>>>> الرد الثاني :
مب شرط الماي ينزل انا ما قد نزل علي الحمدلله الا حزة الولاده
انا ييني ويع من منطقة الخصر لين الظهر يي ويروح وتحسين بثقل في المنطقه الحميمه

__________________________________________________ __________

>>>> الرد الثالث :
هي حبيبتي سيري جيكي

__________________________________________________ __________

>>>> الرد الرابع :
الله كريم ويسهل علينا وعليج ياااااارب

__________________________________________________ __________

>>>> الرد الخامس :
الله يسهل عليج