لاتتركني قصة رائعة

[مريم]

عنوان الموضوع : لاتتركني قصة رائعة
مقدم من طرف منتديات الضمير العربي

بسم الله الرحمن الرحيم

القصه:لاتتركني
كاتبه:الشوق ذابحني18

هذي أول كتااابتي واتمني ان تناال اعجااابكم وابي تشجيع لاني متردده وخاايفه وااايد

الشخصيااات:
بيت بوخالد:
الاب:<< بو خالد &quot;عبدالرحمن&quot;>> عمره 45
الام:<< ام خالد &quot;مريم&quot;>> عمرهاا 43
خالد 22 يشتغل مع ابوه في شركه ومااسك منصب رئيس القسم الماليه واطبااعة طيب وحبوب وحنون بس اذا عصب لا يحووشك محد يقدر يكلمه الا اذا هدي موصفااتة طوييل وجسمه حلوو جسم ريااضي واسمرني وخشمه مثل السيف وعيونه عسليه وحلوو اللى فيه ان تعرف أي شي من عيوونه
-عبدالعزيز 21 دكتور الجراحه ب المستشفي عمه واطبااعه هاادي وحلييو واذا حب حب من كل قلبه وانسان حساس أي شي يجرحه وصفااته طوييل وابيضااني وعيونه كباار شوي واكثر شي حلوه هو عيوونه الرمااديه واللى يجووفه مايقوول هذا كويتي اللى يجووفه يقوول ان لبناني وشفايفه الورديين
-عبدالله 20 يدرس بالجامعه تخصص أداره الأعمال ومتفوق بدراسته واطبااعه انساان فكاهي يحب يسوي مقالب في اخواانه وصفاته طوله متوسط وجسمه حلووو جسم ريااضي وحنطاااوي متبتب شوي
-محمد19 توه متخرج من الثانويه وقاعد بالبيت الحين وياخذ اجازه نقااه على قولته لووول اطباعه مشاااغب بدرجه أولى بس انساان حبوب وينحب كل من يشوفه وصفاته قصير مو واايد يعني طوووله زين اسمرشوي وجسمه حلو وعيوونه صغااار لو يضحك ماتبين عيوونه جنه صيني لوولو<<مثلى لووول
- شوق 18 تدرس بالثانويه اخر سنه رابعة اطباعهاا انساانه حنونه وحبووبه وعلى نيااتها وهااديه وكتوومه ماتحب تقوول حق احد اللى مضاايقهاا ولا اللى مزعلهااا<<مثلى ولله وصفااتها بنت حلوووووه تشبه نانسي عجرم بشرتها وجسمهاا وعيونهاا الزرق القااااامج وخشمهاا الصغنون وحلجهاا الوردي الصغير وجسمها حلووو وطويله شوي
- غالية17 تدرس بالثانوية ثلاثة اطباعها دلوعه أبوهاا وعنيده واللى براسها لازم تسويه بس طيبه
نروح بيت بو ركاان <<اخو بوخالد
الشخصيات:
الاب:<<محمد&quot;بو راكان&quot;>> وعمره50
الام:<< فاطمه &quot; ام راكان&quot;>>وعمرها45
-راكان 35 متزوج من وحده من قرايبهم اسمها دانه وعنده توأمين ولد وبنت (حمني- عبدالعزيز-ريم)
يشتغل مع خالد اهو راكان هو رئيس قسم الحسابات
-جود30 متزوجة ولد خالتها ماجد وعندها ولد وبنت (ريم- راشد)
-حمدان 25 خاطب شوق بس ماصر رسمي واطبااعه دمه خفيف ينحب بسرعه وحلووو بمعني الكلمه يدرس يالخارج بالامريكه تكتوره(تخصص دكتور اطفال)
-راشد19 نفس ولد عمه محمد ماخذ اجاازه نقااه من عقب التعب الدراسه وامتحانات واطباعه نفس ولد عمه محمد
-سلطان 15 يدرس بالثانويه أولى ثانوي اطباعه واحد مغازلجي من درجه اولى وماخلى بنت وماكلمها وغازلها ومغرور ب جماله
-التوأم:سعود+فاطمه10 سنين أخر عنقوود
الجزء الأول:
أشرقت شمس الصباح ويبدء يوم يديد الساعه5.30 أم خالد صحت وصحت معهاا بو خالد عشااان يروح الدوام ولا يتأخر وراحت ام خالد تفتح الستااره عشااان تنور الغرفه ب أشعه الشمس وراحت عزكم الله الحماام تغسل وتتوضي عشان تصلى ولما خلصت صلاتها راحت تقعد عيالهاا عشاان الدوماات
في غرفه خالد:
ام خالد: خالد يمه يالله قووم
خالد:.................
ام خالد: خالد.. خالد يمه يالله قووم لاتتأخر على الدووام
وراحت ام خالد تفتح الستاره عشاان تنور الغرفه
ام خالد: خااااااااالد يمه يالله قووم لا يعصب ابووك خااالد
خالد:هممممممم
ام خالد:تهز خالد وتشيل الكمبل(اللحاف-البطانيه)عنه يالله قووم
خالد:انشالله انشالله كاني قمت
وراحت وخلتي يقووم وتروح تقووم تقعد عبدالعزيز
في غرفه عبدالعزيز
ام خالد :عزوز يالله يمه قوووم
عزوز:يمه تكفيين خليني انااام ماشبعت نووم
ام خالد:يمه شنو ماشبعت قوووم لا تنسي يمه انك دكتوور يالله ياولدي قووم لاتتأخر على دواامك
عزوز:.............
أم خاالد:عزوووووووووز
عزوز:هااااا يمه صاااير شي!!!!
ام خالد :بسم الله عليك ..شنو صااير شي يالله قوووم
رد عزوز حط راسه بالمخده
ام خالد:طااع هذي رد ..عزيزااااان قووووم
عزوز:يمه تكفيين خمس دقااايق بس
ام خالد:وشنو تسوييلك هالخمس دقاايق..يالله قووم
عزوز:انشالله انشالله
وراحت الام ل غرفه عبدالله
في غرف عبدالله
ام خاالد: عبدالله يمه قووم لاتتأخر على الجاامعه
عبدالله:..............
ام خالد:عبوووووووووود,,عبداللله
عبدالله:همممممممممم
ام خالد: يالله حبيبي قووم
عبدالله:يمه ماعندي محاضره الحين قعديني الساعه 8 انزين
ام خالد:اممم انشالله على خير يالله رد ناام
وطلعت ام خالد من غرفه عبدالله
وطبعا محمد ماعنده شي فاخلته ناايم
وراحت غرفت بنتها شووق
في غرفه شووق:
ام خالد:هاايمه قعتي
شوق:صبااح الخير يالويه الخير أي يمه قعت
ام خالد ابتسمت:صبااح النووور يابنيتي حبيبتي
وفجأ دوون سابق انذاار انفتح الباب بالقوه واينصفق بالطووفه(الجدار)
ام خالد وشوق انقزوو من الخرعه
غاليه:منو حبيبتج يام خالد
ام خالد:بسم الله الرحمن الرحيم..انتي شفيج دوومج دفاااشه مااكو ذرااابه
شوق: وبعدين ويااج غليوووى جذي يدشوون على ناااس في صبااح الله ركدي يابنيه
غاليه: انتي مالج شغل فيني ادش مكان ماابيه فهمتي..يمه منو حبيبتج هاا
ام خالد:كلكم حبايبي مااكو فرق بينكم ياحبيبتي
شوق:هاا ارتحتي يادفشه
غاليه:مالج شغل انتي بروح البس هدوومي احسن من مجاابل ويه العنز
ام خاالد:غليوووي عييب عليج يايمه احترمي اختج الكبيره وشالكلام هذا من وين تعلمتي هاا
غاليه برطمت وراحت غرفتها بعد مااعتذرت من اختهاا
ام خالد:الله يهديكم بس..يالله يمه انا بنزل واجوف ميري جهزت الريوق(الفطوور)
شوق :انشالله يمه الحين انزل
ام خالد راحت ونزلت تحت وتشوف الريوق جاهز ولالاء!!
ام خالد جافت كل شي جااهز (الزيتون-اللبنه-وقشطه-والجبن-الخبز-الحليب-الجاي(الشاي)..الخ)
بوخالد نزل وراح الصاله
بوخالد:صباح الخير يا ام خالد
ام خالد:صباح النور والسرور
ونزلت شوق وباست راس ابوها وامها
شوق:صباح الخير يبه
بوخالد:صباح النور
ونزل خالد وباس راس ابوه وامه
خالد:صباح الخير
بوخالد+ام خالد+شوق:صباح النور
ام خالد:اصب لك الحليب يابو خالد
بوخالد:أي ماعليج امر
خالد:شمعني بوخاالد..وليش مو خالد
شوق:هذا ابووك ولازم هو اول ياخويلد
خالد:طااااع من يتكلم..وبعدين اسمي خالد مو خويلد
ونزل عبدالعزيز وباس راس ابوه وامه
عبدالعزيز:صباح الخير
الكل:صباح النور
بو خالد:عيل وين غاليه
وغاليه واهيه نازله مع جنطتها وسمعت كلام ابوهاا
غاليه:كاني يالغالى..صبااح الخير
وتبووي راس ابوها وامها
الكل:صباح النور
بوخالد:وينج يابنيتي ليش تأخرتي
غاليه:لا يبه ماتأخرت انا خلصت بس كنت ادور شغله وبلغصب لقيتهاا السمووحه
بوخالد:مسمووحه يايبه ..حصل خير بس يابنيتي قبل ماتنامين تأكدى من اغراضج عشان ماتتأخرين الصبح
غاليه:انشالله على امرك يالغالى
ام خالد:بس هو غالى
غاليه :ياااربي بدت تغااار ام خاالد
وبو خاالد ميت ضحك على غاليه
غاليه:يا ام خالد غلاتج ومعزتج مثل معزة بعلج الغالى فا لاتغااارين كلكم غالين عشان محد يزعل
خالد وشوق بنفس الوقت تكلمو:طاااع هذي مصدقه عمرج
غاليه: يمه تغاارين ههههههههههههه انتي غاليه وابوي غالى الله يطول بعمركم ولا انحرم منكم
الكل:امييين
بوخالد:ام خالد عيل وين عبدالله ماراح يروح الجامعه
ام خالد عبدالله ماعنده محاضره الحين عنده ساعه 9 بقعد ساعه8 انشالله
بوخالد:على خير انشالله..الله يوفقكم ياعياالى
الكل:اميييين
بوخالد:يالله ياولدي خالد قووم لاتتأخر
خالد:انشالله يالغالى كاني خلصت
وراح بوخالد وخالد الدواام
بعد ماراح بوخالد وخالد
عبدالعزيز:يالله شوق وغلوووى ماخلصتوو

شوق+غاليه:امبل كانا خلصنا..الحمدالله
ام خالد:عليكم بالعافيه والله يوفقكم انشالله
عزوز+شوق+غاليه:يعاافيج
وقامو وحبو راس امهم وراح الكل دوامهم
وصلهم عزوز خواته المدرسه وراح دواامه
دخلوا شوق وغاليه المدرسه كل وحده راحت عند رفيجتها
شوق راحت عند رفيجتها وحبيبتها&quot;غااده&quot;بنت حلوه وطيوبه وعمرها نفس شوق وهم رفيجات من هم بالروضه وشوق تحبهااا مووت
شوق:صباح الخير ياأغلا رفيجه بالعالم
غاده:صباح النور والسرور
شوق:شلونج شخباارج اشتقتلللللللج يالدبه
غاده:تمام الحمدالله جذاابه امس جايفتني مسرعه مااشتقتلى وبعدين انا مو دبه ولفت حولى نفسها عشاان ترااويها
شوق :اقول ماالت عليج بس بدال ماتقولين لى تشتااق عليج العافيه ..اقوول امشي بودي جنطتي
وراحوو شوق وغاده الصف تودي جنطت شوق
نروح عند غاليه قاعده مع صديقتهاا &quot;جواهر&quot;بنت حلوووه وجوهره على اسمهاا وحبوبه والكل يحبهاا
غاليه:اقووول جواهر شلون اللى ماتسمي
جواهر:منو هالمتسمي!!
غاليه:جواهرو لا تستغبين منو غيرها الله لايوفقهاا انشالله قصدي زينبوو الخره
جواهر:اول شي غلوووي لاتدعيين على البنت تري الدعوه ترجع لى صاحبها فالاتدعين عليها قولى حسبي ونعم الوكيل بس وثاني شي خليها تولى الله يجزيهاا طنشيهاا اذا رديتي عليها ماراح تسكت راح تزيد وتقهرج حقريها ومثل مايقولون الحقران يقطع المصراان فاخليها تولى انا ادري ظلمتج واتهمتج على شي ماسويتي شي بس الله يساامحها
غاليه تمت ساكته تفكر بكلام صديقتهاا وجواهر طالعتها وعرفت انها تفكر بكلامها باللى قالته فاحترمت سكوتها وتفكيرهاا
سمعوا البنات الجرس يرن وراحووا كل البنات الى طابور

في شركه بوخالد:
كان بوخالد قاعد بمكتبه ويشتغل وخالد قاعد بمكتبه ويي ولد عمه راكان
طق طق طق
خالد:تفضل
راكان:سلام عليكم
خالد وقف عشان يسلم على ولد عمه
خالد:وعليكم السلام ياهلااااااااا وغلاااااااا هلااا بو عبدالرحمن
راكان:ياهلااا ب ولد العم شلونك شخباارك شلون عمي وعمتي واخواتك واخوانك عساكم بخير
خالد:اووووووووووووله يابو عزوز شوي شويه عنبووو صفيتلى اسئله مره وحده اول شي انا بخير دامك بخير وعمك وعمتك واخواتي واخواني كلهم بخير يسلمون عليك

في بيت بوخالد:
ام خالد راحت تقعد عبدالله عشان يروح الجامعه
في غرفه عبدالله
ام خالد:عبداللله يمه يالله قووم لاتتأخر على محاضراتك
عبدالله:...........
ام خالد:يمه عبدالله قووووم ياللله قووم
عبدالله:انشالله انشالله قايم
ام خالد: الله يرضى عليك تبي ازهب لك الريوق
عبدالله:لا يمه مو مشتهي اكل الحين بس بشرب سولى كبجينوا
ام خالد:الله يهداك ياعبوود شنو هذا بعد بجينوا
عبدالله مااااااات من ضحك عقب ماسمع كلام امه فطس من الضحك
ام خااالد معصبه:عبييييد ليش تضحك قايله نكته
عبدالله :ههههههههههه يمه ههههههههههه يمه مو بجينووا كبجينواا
ام خالد:تطنز على بعد ..المهم نفس المعني
عبدالله :ههههههههه محشووومه يا ام خالد ويروح يبوس راسها ويروح عزكم الله الحمام
وطلعت ام خالد من غرفة وراحت تقول حق ميري تسوي كبجينوا حق عبدالله
وطلع من الحمام عزكم الله وفوطه على خصره وفوطه ثانيه ينشف شعره من الماي ولبس جينز وتيشرت ابيض وبنص صورة تااز المشااكز وظبط شعره وحط جل بشعره وعفس شعره بيده وطلع ييننن
وخذ كتبه وطلع من غرفته ونزل تحت وراح الصاله ولقي امه قاعده طالع تلفزيوون وكلاص كبجينوا على الطاوله خذه وشرب وقعد عند امه شوي وبعد خمس دقايق باس راس امه راح ومعاه كبجينوا

انتهي الجزء الاول اتمني ان تنال اعجااابكم ورضااكم انا ليحين ماكملتهاا واسمحولى اذا طولت يالجزء 2

<center> >>>>> ردود الأعضـــــــــــــــــــاء على الموضوع <<<<<
================================== </center>
<h3>>>>> الرد الأول :

بدايه طيبه عزيزتي
يعطيك العاافيه
واتمنى لك التوفيق
والتقدم <script async src="//pagead2.googlesyndication.com/pagead/js/adsbygoogle.js"></script> <!-- First and second Post --> <script> (adsbygoogle = window.adsbygoogle || []).push({}); </script>

دمت بخير

__________________________________________________ __________

<h3>>>>> الرد الثاني :

المشاركة الأصلية كتبت بواسطة *مزون شمر* بدايه طيبه عزيزتي
يعطيك العاافيه
واتمنى لك التوفيق
والتقدم
دمت بخير



يسلمووو على ردك لى
يسلموو على مرورك
لك تحيااتي

__________________________________________________ __________

<h3>>>>> الرد الثالث :


__________________________________________________ __________

<h3>>>>> الرد الرابع :


__________________________________________________ __________

<h3>>>>> الرد الخامس :