عنوان الموضوع : العيد قرب ورمضان اقرب ,,,شو خذتي هدية لخدامتج ؟ المومة و الطفل
مقدم من طرف منتديات الضمير العربي

السلام عليكم ورحمة الله وبركاته


شحالكم خواتي ؟ عسى الكل بخير وسهالة

مثلما تعرفون عزيزاتي الخدم وصانا عليهم الرسول صلى الله عليه وسلم , نحسن معاملتهم ونطعمهم

من طعامنا ونتكفل باحتياجاتهم , هذيل اخوانا بالاسلام وبالبشرية اذا ما كانوا مسلمين فلازم نعاملهم


زين ونهديهم عسب ندخل الفرحة لقلوبهم عايشين ببلد غريبة لو ما الحاجة ما يوها و قروا عند اهلهم

ما لازم عطور ماركات او لبس بالف والفين و نعال عزكم الله بالشي الفلاني

خذوها للجمعية وخلوها تاخذ لها احتياجاتها بشهر الخير واذا خاطرها بشي معين من الاكلات واهدوها و لو هدية من محلات بو الخمس والعشر دراهم

حطوا لها رصيد اول ايام رمضان و العيد ترمس اهلها واجركم عند الله كبير

اعرفكم ما تقصرون يا بنات زايد ,, والكرم مرتبط بالامارات واهلها لكن حبيت اذكركم

{وَذَكِّرْ فَإِنَّ الذِّكْرَى تَنفَعُ الْمُؤْمِنِينَ }

>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :
يزاج الله خير أختي الغالية

بس ما عندي خدامة ^_^

والحمدلله

__________________________________________________ __________

>>>> الرد الثاني :
يزاج الله خير وفي ميزان حسناتج

__________________________________________________ __________

>>>> الرد الثالث :
يزاج الله خير على هالنصائح
وفعلا لازم ندخل الفرحه على قلوب الخدم....تراهم اوادم حالهم من حالنا

انا اعطيهن في رمضان بس زياده على راتبهن عشان الشغل زياده شوي
واعطيهن مبلغ معين يشترن اللي يبغنهن من ملابس ونعول....الخ
ومخصصه لهن شهريا رصيد للمكالمات يكلمن اهلهن.

__________________________________________________ __________

>>>> الرد الرابع :
يزاااااااج الله خير حبيبتي ع الموضوع
وانا وايد أفكر بشو أكافئ خدامتي يحليلها
صح انها ترفع الضغط ساعات
بس مسكينه والله

بنات عطوونا أفكااار بعد

__________________________________________________ __________

>>>> الرد الخامس :
يزاج الله خير


انا كل عيد اشتري لخداماتي وخدامات امي


بس لبسين ونعال وحدة وشيلتين ( واوديهن يختارن )