السلام عليكم ورحمة الله وبركاته
بنات انا اليوم وصلت تايلند ,, والحمدالله كل شي تم على خير
بس بغيت اقوول
وبعدين معاهم هلأعلاميين صدق زودوها عن حده بالنسبه للمرض يعني حرررررررررام من الخاطر
انا عن نفسي ما اقدر استحمل ايلس في البلاد في الصيف
والله العظيم والله الشاهد على كلامي الطياره اليوم كانت مترووووووووسه عرب
واللي سايرات امس الفليل من مطار بوظبي على طيران الاتحاد في تاريخ
10-7 واليوم وصلوا الصبح(
كانوا معايه)في تاريخ
11-7 يتكلمون ويقولون كيف العرب في الطياره ؟؟؟
اي انفلونزا اي بطيخ
كله جذب وحراميه .. ماتعرفون شو وراها هاذا كله بفلوووس يشترونه بس عشان تتضخم الامور زياده عن حدها
عيل العام مادري قبله ترا كان شي انفلونزا الطيور وماشاء الله العالم هبت اهباب وسافروا ولا عليهم من شي ..
انا معاكم ان هالمرض موجود لاكن وايد يرفعون الضغط هم الاعلاميين لوعوا بجبدي الصراحه
يعني صدق كنسلنا وردينا نحجز وكنسلنا وعقب توكلنا وحجزنا
واليوم وصلت والله العظيم واااايد فيها عرب وبعد في بعضهم لابسين كمامات عشان ياخذون حذرهم
وانا طلبت الحينه درزن حق هليه بيبولي بعد اشويه لين الفندق
وحتى مابستخدمه بشكل يومي
لأنه الوضع عاااااااااااااااااادي جدا ً وطبيعي
وطرشوا لي المسج اول ماوصلت بانكوك
مكتوب فيها بالانجليزي بس بترجمه لكم
كاتبين ( اللي يبا يتعرف اكثر عن انفلونزا
h1n1 يدقون على هاا الرقم
واعراض الانلفونزا هي : الكحه الشديده وبقوه + الحراره المرتفعه جدا ً + الزجام + وبعد اتيج مثل الحجه في اليد او اي مكان وطبعا ً يكون بقووووووو
وكاتبيلنا اذا حسيتوا اعراض هالاشياء لازم يدقون على الرقم اللي حاطينه طبعا ً وبيحلونها بسرعه
اعتقد وصلت الادويه عندهم ولا لا ما اعرف بس حسب علمي ان اكيييييد عندهم ابار حق هاذا الشي
ونحن قبل لا انسير المطااااار كلنا شربنا (
فايتمين سي)مب فايتمين سي مال الدكان
اللي اقصده على شكل اقراص دائريه هاذا لازم تشربونه ونصيحتي لكم لوجه الله
وانتوا اخواتي مابخفي شي عنكم وهاذا الشي لازم تسوونه
وشلينا معانه لباااااااان(
شبه) ورينا الضو وخليناه في غرفنه عشان الاحطاياطات واجب
واللي ماتحب ريحته لازم اتحبه قبل لايدخنون الغرف لأنه واااايد وايد مفيد يابنات والرسول(صلى الله عليه وسلم) زمن الطاعون كان يسوي هاذا الشي وحمى الله المدينه المنوره من الطاعون
وصح الديتول وكلينكس الديتول لابد لااااابد يكون في شنطتج والله كل ما ادق شي لازم احط ديتول المطهر اللي ايج شرات السايل
وهاذا مب بس الحينه انا استخدمه بس عشان المرض لا والله العام واللي قبله وقبله جي كنت اسوي ..
والحمدالله بنيلس شهر ان شاء الله في بانكــوك
ويمكن انسير بوكيت اذا الله راد النا
وكل الامور طيبه ولله الحمد
وبعد اشويه بسير اتحوط
ولازم اتقولون هذا الدعاااااااااااااااااااااااء
(
بسم الله الذي لا يضر مع اسمه شيء في الأرض و لا في السماء و هو السميع العليم)
ومن استخار ماخاب
واللي مايبا يسافر وخايف من هالمرض يستخير
انا عن نفسي استخرت و الحمدالله ارتحت نفسيا ً و انزاح عني الهم
وهاذا دليل بإذن الله كل شي بيكون على خير
اترقبوا تقريري بشكل يومي مباشر من مملكة تايلند
(
بانكوك)
وارجوكم يا مشرفات القسم السفر والسياحه لاتحذفون موضوعي .. أهميته وايد
وهاذا بيفيد البنات
وايد مترددات .. >.<
تفاءلوا بالخير تجدوه ,
في امان الله ... ^_^
...
رد مع اقتباس
