عنوان الموضوع : الي تضبط الكريم كراميل تخبرني كييييييييييف للمطلقة
مقدم من طرف منتديات الضمير العربي

الطلب واضح من عنوانه وانا ابا اسوي كرتونين كريم كراميل ما العلالي
بليز المقادير بضبط

>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :
لكل كرتون كراميل 4 خواشيق حليب مليانات و ماي قد مله يعني 2 اللي بتحطين فيها كراميل

اول شي خلطي حليب ويا ماي وزيدي شكر لو تحبينه حلوو خليه يغلي وضيفي اكياس كراميل وحركيه لين يغلي عقب خليه يبرد و صبيه بملال اللي صبيتي فيه دبس هذا االاسود اللي في الكرتون صبيه عليه وحطيه بالفريزر لين يتماسك

بس اهم شي خليه يبرد عقب صبيه لو حطتيه ع طول تخترب ثلاجه وبتصير حاره وبيطول لين يجمد

__________________________________________________ __________

>>>> الرد الثاني :

المشاركة الأصلية كتبت بواسطة الجوهرة المصونة
انا مجربه خلطات وايد
منها:
المقادير:

1 كريم كراميل
1 قيمر ( قشطة )
1 دريم ويب
1 كوب ماء
5 ملعقة حليب نيدو


الطريقة:

- اخلطي المقادير مع بعضها البعض و ضعيها على النار و حركي حتى يسمك المزيج .
- ضعي السكر المحروق الذي مع الكريم كراميل في طبق التقديم و صبي عليه الخليط السابق و ضعيه في الثلاجة .

جربيها
ان شاء الله تعيبج
و السموحة




__________________________________________________ __________

>>>> الرد الثالث :
كل كيس له كوبين ماي ومايكون حار ولا بارد و4 ملاعق حليب وجلبيهم وحطيه ع الغاز وعقب شوي شلليه وحطيه يبرد شوي ودخليه الفريزر 5 دقايق وعقب نزليه الثلاجه تحت

__________________________________________________ __________

>>>> الرد الرابع :
طريقتي انا كل كرتون كوبين ماي + ملعقتين حليب بودره كبيره

الطريقه:

اتحطين الحليب في الماي واتخلينه يغلي مع التحريك وعقب اتصبين الكريم كراميل واتحركينه شوي وعقب اتشلينه واتحطينه في الثلاجه

__________________________________________________ __________

>>>> الرد الخامس :
وعاد انا تفننت فالسويت وهذا السويت من اختراعي وااااااااااااااااااااااااايد سهل وبارد عالقلب وما ياخذ وقت

المقادير:

1-كريم كراميل4حبات(العلالي) انا افضل العلالي
2-حليب فريش(المراعي)او اي حليب يتوفر عندج انا سويته بحليب قليل الدسم افضل للصحة طبعا والرشاقة
3-قشطة علبة وحدة بس(وحطيها فالثلاجة قبل تكون باردة افضل
4-ملعقة سكر

هالكمية تكفي ل 8 كاسات(يعني ل 8 اشخاص)على حسب كمية الحليب لي بتحطينها

الطريقة:

حطي الكريم كراميل البودة فالقدر وحطيله علبة القشطة واخلطيهم مع بعض لين ما يختلط الكراميل مع القشطة جي غليظ يستوي وحطي ملعقة السكر وعقب صبي الحليب بالتدريج وانتي تخلطين علشان ما يتكتل الخليط واخلطيه واخلطيه وعقب حطيه ع النار مال خمس دقايق واخلطيه وعق صبيه فالقلاصات وخليه لين مايبرد بسرعة يتماسك علشان القشطة...

وحطيه فالقلاصات الدبس مال الكراميل وعقب صبي الخليط عليه وبث..

وبردي على قلوبكم وبالعافية عليكم